८ वर्षांनंतर स्वीटी गुप्ताची एन्ट्री? मिर्झापूरबाबत श्रिया पिळगावकरची पोस्ट चर्चेत

Mirzapur The Film Announced: मिर्झापूर ही ओटीटीवरील सर्वाधिक गाजलेली वेब सिरीज. स्वीटी गुप्ता हे पात्र प्रेक्षकांच्या विशेष पसंतीस उतरलं.

Mirzapur Actress Shreya Pilgaonkar

Mirzapur The Film Announced: ओटीटी विश्वातील सर्वाधिक चर्चेत असलेली वेब सिरीज म्हणजे मिर्झापूर. ही वेब सिरीज प्रचंड गाजली. गुड्डू पंडित, कालीन भैय्या आणि मुन्ना भैय्या ही पात्र प्रेक्षकांना खूप आवडली.

तसेच स्त्री कलाकारांनी या वेब सिरीजमध्ये जीव ओतला. यामुळे मिर्झापूर ही ओटीटी विश्वातील सर्वाधिक चर्चेत असणारी वेब सिरीज ठरली.

ही वेब सिरीज स्त्री पात्रामुळेही गाजली. त्यापैकी एक स्त्री पात्र म्हणजे स्वीटी गुप्ता. अभिनेत्री श्रिया पिळगावकर हिनं स्वीटी गुप्ताची व्यक्तिरेखा साकारली. यात तिनं गुड्डू भैय्याच्या पत्नीची भूमिका साकारली होती.

मिर्झापूरच्या शेवटच्या सिझनमध्ये स्वीटीचा मृत्यू झाला असल्याचं दाखवण्यात आलं. दरम्यान, तब्बल 8 वर्षांनंतर स्वीटी गुप्ता परत येणार असल्याचे संकेत मिळालेत.

मिर्झापूरचा दुसरा सिझन प्रदर्शित होणार का? असा सवाल नेटकरी उपस्थित करत आहेत. दरम्यान, श्रिया पिळगावकरने दिलेल्या संकेतमुळे नव्या सिझनची उत्सुकता शिगेला पोहोचली आहे.

अभिनेत्री श्रिया पिळगावकरने नुकतीच सोशल मीडियावर एक पोस्ट शेअर केली आहे. तिनं टिम मिर्झापूरसोबतचा फोटो शेअर केला आहे. हा फोटो सेटवरचा होता.

तिनं फोटो शेअर करत कॅप्शन देखील दिलं आहे. "8 वर्षांनंतर... मृत्यूनंतर कोण परत आलं आहे, ओळखा पाहू.. मिर्झापूर - द फिल्म. शूटिंग सुरू. लवकरच भेटू".

तिनं पोस्टमध्ये, "गोंधळ करू नका, हा एक चित्रपट आहे. पार्ट 4 नाही", असं म्हटलं आहे.

यामुळे मिर्झापूरचा चौथा सिझन नसून, थेट चित्रपट प्रेक्षकांच्या भेटीस येणार आहे, हे श्रियाच्या पोस्टमधून स्पष्ट झालं आहे.

दरम्यान, स्वीटी गुप्ता या चित्रपटातून कशा स्वरूपात परतणार, हे पाहणं उत्सुकतेचं ठरेल.