एक्स्प्लोर
Gold Rate : 2025 मध्ये सोन्याचे दर 65 टक्क्यांनी वाढले, 2026 मध्ये काय घडणार? तज्ज्ञ अंदाज वर्तवत म्हणाले...
Gold Rate : 2025 मध्ये सोन्याच्या दरात 65 टक्के वाढ झाली आहे. यानंतर 2026 मध्ये सोन्याचे दर कसे राहणार याकडे गुंतवणूकदारांचं लक्ष लागलं आहे.
सोने दर
1/5
सोन्याच्या दरात 2025 मध्ये ऐतिहासिक तेजी पाहायला मिळाली होती. यामुळं गुंतवणूकदारांना 2026 मध्ये पुन्हा एकदा सोन्याच्या दरात वाढ होईल, अशी अपेक्षा आहे. जगभरातील फंड मॅनेजर्स सोन्याच्या दरांबाबत सकारात्मक आहेत, असं चित्र आहे. सोन्याचे दर उच्चांकावर पोहोचले आहेत.
2/5
सोन्याच्या दरात 2025 मध्ये 65 टक्क्यांची वाढ झाली आहे. गेल्या पन्नास वर्षातील सोन्याच्या दराची सर्वोत्तम कामगिरी आहे. रिटेल आणि संस्थात्मक गुंतवणूकदारांकडून आणि केंद्रीय बँकांकडून मोठ्या प्रमाणात खरेदी झाल्यानं सोने दरात वाढ झाली आहे.
3/5
कमी होत असलेले व्याज दर, भूराजनैतिक तणाव, राजकोषीय अनिश्चितता या सारखे सकारात्मक संकेत असल्यानं सोने दरात वाढ झाली आहे. ब्लूमबर्गनं जगभरातील विविध फंड मॅनेजर्ससोबत सोन्याच्या दराबाबत चर्चा केली. मॅनेजर्सनी सोनं विकून नफा कमावण्यापेक्षा होल्डिंग कायम ठेवावं असं मत व्यक्त केलं.
4/5
फिडेल्टी इंटरनॅशनलचे पोर्टफोलिओ मॅनेजर इयान सॅमसन यांनी 2026 मध्ये देखील सोन्यात तेजी राहील, अशी अपेक्षा व्यक्त केली आहे. केंद्रीय बँकांकडून सुरु असलेली सोने खरेदी, कमी होत असलेले व्याज दर आणि राजकोषीय तूट अधिक असणं यामुळं सोन्याला सपोर्ट आहे. विकसित देशांच्या चलनांवरील विश्वास कमजोर होऊन तो सोन्यात गुंतवणूक वाढवत आहेत. केंद्रीय बँकांच्या स्वातंत्र्यावरील प्रश्न, वाढतं सरकारी खर्च आणि राजकीय संघर्ष यामुळं सोन्यातील गुंतवणूक वाढली आहे. मॉर्गन स्टॅनलीमधील मुख्य रणनीतीकार माइक विल्सन यांच्या मते सोने पोर्टफोलिओत 20 टक्के रिअल असेटस असावेत, ज्यात सोन्याचा देखील समावेश असावा. जगात राजकोषीय शिस्त दिसून येत नाही त्यामुळं सोने दरवाढीला आधार मिळाला आहे.
5/5
गोल्डमॅन सॅक्सच्या अंदाजानुसार 2026 मध्ये केंद्रीय बँका दर महिन्यात 80 टन सोने खरेदी करु शकतात. 2022 नंतर ही खरेदी वाढलेली आहे. रशियाचं विदेशी चलन फ्रीज झाल्यानंतर सोन्याचं महत्त्व वाढलं आहे. पिकटेट असेट मॅनेजमेंटचे शनियल रामजी यांच्या मते जशी सट्टेबाजी वाढते त्यानुसार सोने इतर जोखमीसोबतचा संबंध वाढतो. त्यामुळं ते त्यांच्या पोर्टफोलिओत 8 टक्के सोनं ठेवतात. केंद्रीय बँकांची सातत्यानं सुरु असलेली खरेदी आणि यामुळं 2026 मध्े सोन्याचे दर आणखी वाढू शकतात.
Published at : 11 Jan 2026 07:13 PM (IST)
महत्त्वाच्या बातम्या
व्यापार-उद्योग
एका दिवसात किती रेल्वे गाड्या चालवल्या जातात? किती होते कमाई आणि किती होतो खर्च? जाणून घ्या सविस्तर माहिती
व्यापार-उद्योग
वर्षभरात तुम्ही बँक खात्यात किती पैसे भरु शकता? काय सांगतो बँकेचा नियम? जाणून घ्या सविस्तर माहिती
व्यापार-उद्योग
रस्ते दुरुस्ती, घनकचरा ते पाणीपुरवठा, चाकण MIDC बाबत मंत्री उदय सामंतांचे मोठे निर्णय, कंत्राटदारांनाही दिला इशारा
व्यापार-उद्योग
चार भाऊ एकत्र असले तर PM किसान योजनेचा लाभ नेमका कोणाला मिळणार? काय सांगतो नियम? 24 वा हप्ता कधी मिळणार?
ट्रेंडिंग न्यूज
उमेश अलोणे, एबीपी माझा, अकोला
Opinion
