'बॉलीवूड मिस्टर अँड मिसेस इंडिया' स्पर्धेत बेळगावच्या महिलेने पटकावले विजेतेपद; पाहा फोटो

'बॉलीवूड मिस्टर अँड मिसेस इंडिया' स्पर्धेत बेळगावच्या ज्योती कत्ती यांनी विजेतेपद पटकावले आहे.

BOLLYWOOD

दिल्लीमध्ये आयोजित केलेल्या बॉलीवूड मिस्टर अँड मिसेस इंडिया स्पर्धेमध्ये बेळगावच्या महिलेने विजेतेपद पटकाविले आहे.

ज्योती कत्ती असे त्यांचे नाव असून मिसेस बॉलीवूडचा किताब त्यांनी प्राप्त केला आहे. त्यामुळे बेळगावच्या शिरपेचात मानाचा तुरा रोवला गेला आहे.

'बॉलीवूड मिस्टर अँड मिसेस इंडिया' ही स्पर्धा दिल्लीत तीन फेऱ्यांमध्ये पार पडली.

तीन फेऱ्यांमध्ये मेकअप,रॅम्प वॉक,वेशभूषा या बरोबर शेवटच्या फेरीत वेगवेगळ्या विषयावरचे प्रश्न विचारून स्पर्धकांची बौद्धिक चाचणी घेण्यात आली.

'बॉलीवूड मिस्टर अँड मिसेस इंडिया' या स्पर्धेत संपूर्ण भारतातून तीसहून अधिक स्पर्धकांनी भाग घेतला होता.

स्पर्धेत भाग घेणाऱ्या स्पर्धकांची वेगवेगळ्या निकषावर निवड करून स्पर्धेत भाग घेण्याची संधी देण्यात आली.

अंतिम फेरीत दिलेल्या समर्पक उत्तरांच्यामुळे माझी मिसेस बॉली वुड टायटल साठी निवड करण्यात आली असे ज्योती कत्ती यांनी सांगितले .

बॉलीवूड मिसेस अँड मिस्टरचे यंदाचे हे चौथे वर्ष होते.

यंदाचा चौथ्या वर्षी बेळगावच्या ज्योती कत्ती यांना हे पदक मिळाले आहे.

बेळगावचे नाव पुन्हा एकदा उंचावले आहे. तसेच ज्योती कत्ती यांचे सर्वत्र अभिनंदन करण्यात येत आहे.