चिंता सोडा! 'या' पाच स्टॉक्समध्ये पैसे गुंतवा अन् तगडे रिटर्न्स मिळवा, एकदा वाचाच!

इराण-इस्रायल यांच्यातील तणाव आणि सध्या घडत असलेल्या जागतिक घडामोडींमुळे शेअर बाजारात अस्थिरता आहे. मात्र काही शेअर्स असे आहेत, जे दीर्घकाळ गुंतवणुकीत चांगला परतावा देऊ शकतात.

सांकेतिक फोटो (फोटो सौजन्य- freepik)

सध्या इराण-इस्रायल यांच्यातील तणावामुळे भारतीय शेअर बाजारात अस्थिरता पाहायला मिळत आहे. या अस्थिरतेत अनेक लोकांचे पैसे बुडाले आहेत. मात्र राष्ट्रीय शेअर बाजार आणि मुंबई शेअर बाजार गटांगळ्या खात असताना अशा काही कंपन्या आहेत, ज्यांच्यात दीर्घ मुदतीसाठी पैसे गुंतवल्यास तुम्हाला चांगला परतावा मिळू शकतो.

ब्रोकरेज हाऊस शेरखानने अशा पाच कंपन्यांची शिफारस केली आहे, ज्यात दीर्घ मुदतीसाठी पैसे गुंतवल्यास चांगला परतावा मिळू शकतो. यात पहिल्या क्रमांकावर Lupin कंपनी आहे. या कंपनीचे शेअर खरेदी करू टार्गेट 1868 रुपये ठेवण्याचा सल्ला शेरखानने दिला आहे. 15 एप्रिल 2024 रोजी या शेअरचे मूल्य 1609 रुपये होते. आज (16 एप्रिल) हा शेअर 1613 रुपयांवर ट्रेंड करतोय.