एअर इंडिया एक्सप्रेसच्या विमानाचं थायलंडमध्ये हार्ड लँडिंग, धावपट्टी ब्लॉक; सुदैवाने प्रवासी सुखरुप

एअर इंडिया एक्सप्रेसचे विमान VT-BWQ फुकेत (थायलँड) येथे लँडिंग करताना हार्ड लँडिंगचा शिकार झाले, त्यामुळे विमानाचे फ्रंट लँडिंग गिअर पूर्णपणे अपघातग्रस्त झाल्याचं पाहायाला मिळालं.

Air India exapress hard landing

एअर इंडिया एक्सप्रेसच्या विमानाला फुकेतमध्ये हार्ड लँडींगचा फटका बसला आहे. एअर इंडिया एक्सप्रेसचे विमान VT-BWQ फुकेत (थायलँड) येथे लँडिंग करताना हार्ड लँडिंगचा शिकार झाले, त्यामुळे विमानाचे फ्रंट लँडिंग गिअर पूर्णपणे अपघातग्रस्त झाल्याचं पाहायाला मिळालं.

विमान हार्ड लँडिंग्च्या या घटनेनं विमान धावपट्टीवरच अडकले होते, त्यामुळे फुकेत एयरपोर्टची धावपट्टी काही काळासाठी ब्लॉक करण्यात आली होती.

अधिकाऱ्यांनी अपघातग्रस्त बोइंग 737-8 विमानाला धावपट्टीवरुन हटविण्यासाठीचे प्रयत्न सुरू केले आहेत.

फुकेत धावपट्टी बंद पडल्याने स्थानीय वेळेनुसार सायंकाळी 6 वाजेपर्यंत विमान संचालनासाठी बंद करण्यात आलं आहे.

एअर इंडिया एक्सप्रेसच्या हैदराबाद-फुकेत या 11 मार्च रोजीच्या विमानाला फुकेत विमानतळावर उतरल्यावर नोज व्हीलमध्ये तांत्रिक बिघाड आढळून आला.

कंपनीच्या प्रवक्त्याने दिलेल्या माहितीनुसार, या परिस्थितीत विमानातील कर्मचाऱ्यांनी सर्व मानक सुरक्षा प्रक्रियांचे पालन केले आणि प्रवाशांना सुरक्षितपणे विमानातून उतरवण्यात आले.

प्रवाशांचे सहकार्य, तसेच फुकेत विमानतळ प्राधिकरण आणि इतर सर्व संबंधित घटकांनी दिलेल्या मदतीबद्दल एअर इंडिया एक्सप्रेसने त्यांचे आभार मानले आहेत.