Share Market Closing Bell: सेन्सेक्स, निफ्टीची ऐतिहासिक उसळण; गुंतवणूकदारांचे चांगभलं!

Share Market Closing Bell: शेअर बाजारात आज गुंतवणूकदारांचा खरेदीचा उत्साह दिसून आला. सेन्सेक्स आणि निफ्टीने ऐतिहासिकस उसळण घेतली.

Share Market Closing Bell: सेन्सेक्स, निफ्टीची ऐतिहासिक उसळण; गुंतवणूकदारांचे चांगभलं!

बुधवारी भारतीय शेअर बाजाराचा दिवस ऐतिहासिक ठरला. सेन्स्सेक्स आणि निफ्टीने ऐतिहासिक उसळण घेतली. सेन्सेक्सने पहिल्यांदाच 64,000 अंकांचा टप्पा ओलांडला. तर, निफ्टीने 19,000 अंकाचा टप्पा पार केला.

बाजारातील व्यवहार थांबले तेव्हा सेन्सेक्स 500 अंकांच्या तेजीसह 63,915 अंकावर आणि निफ्टी 155 अंकांनी वधारत 18,972 अंकांवर स्थिरावला.

सेन्सेक्समधील 30 पैकी 24 शेअर्स आणि निफ्टीमधील 50 पैकी 42 शेअर्समध्ये तेजी दिसून आली.

गुंतवणूकदारांच्या संपत्तीत आज 2.02 लाख कोटींची वाढ झाल्याचे दिसून आले.

मीडिया सेक्टर्समध्ये घसरण दिसून आली. तर, मिड कॅप आणि स्मॉल कॅप इंडेक्समध्ये तेजी दिसून आली.

डॉलरच्या तुलनेत आज रुपया 82.05 रुपयांवर स्थिरावला.

आज बाजारातील तेजीचा परिणाम बाजार भांडवलावरही दिसून आला.

बीएसईवर सूचीबद्ध असलेल्या कंपन्यांचे बाजार भांडवल 294.13 लाख कोटी इतके झाले. मंगळवारी, 292.11 लाख कोटी इतके भांडवल होते.