उपमुख्यमंत्र्यांच्या नावाने वर्गणी मागणाऱ्या बदमाशाविरोधात फसवणुकीचा गुन्हा नोंद

विधानपरिषदेत तुमच्या विरोधात असलेल्या प्रश्न टाळायचा असेल तर वर्गणी पाठवा असा फोन एका बदमाशाने केला. त्याच्याविरोधात गुन्हा नोंद करण्यात आला आहे.

Yavatmal News

Source : Other

यवतमाळ :  उपमुख्यमंत्री कार्यालयातून बोलतो अशी बतावणी करून यवतमाळच्या नायब तहसीलदाराची आर्थिक फसवणूक (Fraud)  केल्याची घटना यवतमाळच्या महागाव येथे घडली आहे. उपमुख्यमंत्र्यांनी ठेवलेल्या कार्यक्रमासाठी 71 हजार रुपयाची वर्गणी दिलेल्या नंबर पाठवा नाहीतर तुमच्या विरोधात असलेला प्रश्न अधिवेशनात लावण्यात येईल अशी धमकी तहसीलदारांना  देण्यात आली. या प्रकरणी या प्रकरणी महागाव पोलिसांनी अज्ञात आरोपीविरुद्ध गुन्हा दाखल केला आहे. 

समोर आलेल्या माहितीनुसार, यवतमाळचे नायब तहसीलदार गोदाजी राठोड यांना धमकी देण्यात आली आहे.  विधानपरिषदेत तुमच्या विरोधात असलेल्या प्रश्न टाळायचा असेल   तर वर्गणी पाठवा असा फोन उपमुख्यमंत्र्यांच्या कार्यालयातील पाटणकर नामक  व्यक्तीचा नायब तहसीलदार गोदाजी राठोड यांना आला.  या फोन कॉलवर विश्वास ठेवून नायब तहसीलदार राठोड यांनी 1 जुलै रोजी दुपारी 4.30 वाजता वाजता मंडळ अधिकारी संजय नरवाडे, किरण मतपलवार यांच्या समक्ष 2 हजार रुपये वर्गणी पाठवली होती.

महागाव पोलिसांत  तक्रार दाखल

 दुसऱ्या दिवशी पुन्हा महागाव तहसील कार्यालयाचे महसूल सहाय्यक शेख गुलाब शेख कासम यांना भ्रमणध्वनीद्वारे 2500 रुपयाची मागणी करण्यात आली. राठोड यांचा संशय बळावल्यामुळे त्यांनी नागपूर आणि उपमुख्यमंत्री कार्यालयाशी संपर्क करून खात्री केली असता पाटणकर यांनी असा कोणताही कॉल केला नसल्याचे सांगण्यात आले. त्यामुळे आपली आर्थिक फसवणूक झाल्याचे दिसताच गोदाजी राठोड यांनी अज्ञात आरोपीविरुद्ध महागाव पोलिसांत  तक्रार दाखल केली. 

फसवणुकीच्या गुन्ह्यात वाढ

 देशातील वाढती सायबर गुन्हेगारी ही चिंतेची बाब आहे. असे फसवणूक करणारे  नवनवीन डावपेच अवलंबतात आणि लोकांना आपला बळी बनवतात.  ऑनलाईन फसवणुकीच्या (Online Fraud) घटनांमध्ये दिवसेंदिवस वाढताना दिसत आहेत. गेल्या काही दिवसांपासून अशा अनेक घटना समोर आल्या आहेत. अनेकांनी कोटी पेक्षा जास्त रुपये गमावले आहे. सामान्य व्यक्तीबरोबरच आता वरिष्ठ अधिकारी, प्रसिद्ध व्यक्तीअशा घटना घडल्या आहेत. या पार्श्वभूमीवर सावध राहण्याचे आवाहन करण्यात आले आहे.  कोणलाही पैसे पाठवताना खात्री करण्याचे आवाहन केले. 

हे ही वाचा :