Coronavirus | जगभरातील मृतांचा आकडा 88 हजार पार; तर कोरोना बाधितांची संख्या 15 लाखांहून अधिक

कोरोनासारख्या महाभयंकर व्हायरसपुढे संपूर्ण जग हतबल होताना दिसत आहे. जगभरात आतापर्यंत 15 लाख लोकांना कोरोनाची लागण झाली आहे. तर 88 हजारांहून अधिक लोकांचा मृत्यू झाला आहे.

मुंबई : जगभरात कोरोना व्हायरसमुळे होणाऱ्या मृत्यूंच्या संख्येत झपाट्याने वाढ होताना दिसत आहे. या महाभयंकर व्हायरसमुळे कोरोनाग्रस्तांच्या संख्येत देखील झपाट्याने वाढ होत आहे. आतापर्यंत जगभरात 88 हजारांहून अधिक लोकांचा कोरोना व्हायरसमुळे मृत्यू झाला आहे. तर कोरोनाग्रस्तांची संख्या 15 लाखांच्या पार गेली आहे. गेल्या 24 तासांत कोरोनामुळे सहा हजारांहून अधिक लोकांचा मृत्यू झाला आहे तर नव्याने 78 हजार जणांना कोरोनाची लागण झाल्याचं ससोर आलं आहे.

कोरोना व्हायरसचं नवं केंद्र अमेरिका झाल्याचं दिसून येत आहे. जगभरात कोरोमाचा प्रादुर्भाव अमेरिकेत दिसून येत आहेत. अमेरिकेतील कोरोनाची लागण झालेल्यांची संख्या 4 लाखांचा टप्पा पार केला आहे. आतापर्यंत येथे 4,27,101 लोकांना कोरोनाचा संसर्ग झाला आहे. जगभरात सर्वाधिक कोरोना बाधितांची संख्या अमेरिकेत आहे. येथे 4,27,101 लोकांना कोरोनाची बाधा झाली आहे. कोरोनामुळे अमेरिकेमध्ये गेल्या 24 तासांत 1800 हून अधिक लोकांचा मृत्यू झाला होता. हाच मृतांचा आकडा वाढत 14 हजार पार गेला आहे.

अमेरिकेनंतर सर्वाधिक कोरोना बाधित स्पेनमध्ये आहेत. स्पेनमध्ये आतापर्यंत 1,48,220 जणांना कोरोनाची लागण झाली आहे. तर मृतांचा आकडा 14,792 वर पोहोचला आहे. स्पेननंतर इटलीमध्येही कोरोनाची लागण झालेल्यांचा आकडा अधिक आहे. इटलीमध्ये आतापर्यंत 1,39,422 लोकांना कोरोनाची लागण झाली आहे. तर 17,669 लोकांचा मृत्यु झाला आहे.

VIDEO | Coronavirus | ट्रम्प यांच्या धमक्यांना भीक घालू नका; पंतप्रधान मोदी आणि संजय राऊत यांच्यात चर्चा

फ्रान्स, जर्मनी आणि ब्रिटनमध्ये देखील कोरोना व्हायरसचा कहर पाहायला मिळतो आहे. जर्मनीमध्ये आतापर्यंत 1,13,296 लोकांना कोरोनाचा संसर्ग झाला आहे. तर 2,349 लोकांचा मृत्यू झाला आहे. फ्रान्समध्ये 1,12,950 लोकांना या जीवघेण्या व्हायरसचा संसर्ग झाला आहे. कोरोना व्हायरसचा संसर्गामुळे आतापर्यंत फ्रान्समध्ये 10 हजारांहून अधिक लोकांचा मृत्यू झाला आहे. ब्रिटनमध्ये आतापर्यंत 60,733 लोकांना कोरोनाची लागण झाली असून आतापर्यंत 7,097 लोकांचा मृत्यू झाला आहे.

आपला शेजारी पाकिस्तानात रुग्णांची संख्या 4263 वर पोहोचली आहे. तिथे 61 लोकांचा मृत्यू झाला आहे.

या देशांव्यतिरिक्त इराण, ब्रिटन, आणि कॅनडा या देशांमध्येही कोरोनाने तीव्र प्रादुर्भाव पाहायला मिळतो आहे. तर चीनमधील ज्या वुहान प्रांतात कोरोना व्हायरसची सुरुवात झाली होती. तिथे मंगळवारी या व्हायरसमुळे एकाही कोरोना बाधिताचा मृत्यू झालेला नाही. तेथील लॉकडाऊन देखील हटवण्यात आला आहे.

संबंधित बातम्या :