Pakistan : पाकिस्तानचे नवे राष्ट्रपती आसिफ अली झरदारी, 12 वर्षे होते तुरुंगात, राष्ट्रपती होण्याची ही दुसरी वेळ 

Pakistan : झरदारी यांच्यावर भ्रष्टाचारापासून ते अपहरण आणि बँक फसवणुकीपर्यंतचे अनेक आरोप होते. 1990 मध्ये ते पहिल्यांदा तुरुंगात गेले.

Asif Ali Zardari elected new president of Pakistan

Pakistan : पाकिस्तान पीपल्स पार्टीचे सह-अध्यक्ष आसिफ अली झरदारी (Asif Ali Zardari) यांची शनिवारी पाकिस्तानचे 14 वे राष्ट्रपती म्हणून निवड झाली. असिफ अली राष्ट्रपती होण्याची ही दुसरी वेळ आहे. आसिफ अली झरदारी यांची पाकिस्तानचे 14 वे राष्ट्रपती म्हणून निवड झाली आहे. झरदारी यांनी यापूर्वी 2008 ते 2013 या काळात पाकिस्तानचे 11 वे राष्ट्राध्यक्ष म्हणून काम पाहिले होते. त्यांनी विरोधी उमेदवाराचा 136 मतांनी पराभव केला. झरदारी (68) हे पाकिस्तान पीपल्स पार्टी (PPP) आणि पाकिस्तान मुस्लिम लीग-नवाझ (PML-N) यांचे संयुक्त उमेदवार होते, तर त्यांचे प्रतिस्पर्धी महमूद खान अचकझाई (75) हे सुन्नी इत्तेहाद कौन्सिलचे (SIC) उमेदवार होते.

 

136 मतांनी विजयी

राज्यघटनेतील तरतुदींनुसार, नवीन राष्ट्रपतींची निवड नॅशनल असेंब्ली आणि चार प्रांतीय असेंब्लीच्या नवनिर्वाचित सदस्यांच्या इलेक्टोरल कॉलेजद्वारे केली जाते. उद्योगपतीतून राजकारणी झालेले झरदारी हे पाकिस्तानच्या दिवंगत पंतप्रधान बेनझीर भुट्टो यांचे पती आहेत. त्यांना 255 मते मिळाली तर त्यांच्या प्रतिस्पर्ध्याला 119 मतं पडल्याचे पाकिस्तानी माध्यमांनी सांगितले. अशा प्रकारे ते 136 मतांनी विजयी झाले झरदारी हे माजी राष्ट्रपती डॉ आरिफ अल्वी यांची जागा घेतील, ज्यांचा पाच वर्षांचा कार्यकाळ गेल्या वर्षी संपला होता.

 

दुसऱ्यांदा राष्ट्रपती होणार

2008 ते 2013 या काळात राष्ट्राध्यक्ष राहिलेले झरदारी हे दुसऱ्यांदा राष्ट्राध्यक्षपदी निवडून आलेले पहिले नेते आहेत. अध्यक्षपदाचे दुसरे उमेदवार अचकझाई हे त्यांच्या पश्तूनखा मिल्ली अवामी पक्षाचे (PKML) प्रमुख आहेत. तुरुंगात जेरबंद असलेले माजी पंतप्रधान इम्रान खान यांच्या पाकिस्तान तहरीक- या पक्षाशी संलग्न असलेल्या सुन्नी इत्तेहाद कौन्सिल (एसआयसी) च्या बॅनरखाली निवडणूक लढवत होते. 

 

आसिफ अली झरदारी 12 वर्षे तुरुंगात राहिले

झरदारी यांच्यावर भ्रष्टाचारापासून ते अपहरण आणि बँक फसवणुकीपर्यंतचे अनेक आरोप होते. 1990 मध्ये ते पहिल्यांदा तुरुंगात गेले. यानंतर 1996 मध्ये ते पुन्हा तुरुंगात गेले. त्यांनी जवळपास 12 वर्षे तुरुंगात काढली. 1997 ते 2004 या काळात त्यांना भ्रष्टाचार आणि खुनाच्या आरोपाखाली तुरुंगवास भोगावा लागला होता. नोव्हेंबर 2004 मध्ये त्याला जामीन मंजूर करण्यात आला होता, परंतु खून खटल्यात सहभागी न झाल्याने त्याला पुन्हा अटक करण्यात आली. स्विस कंपनीशी संबंधित एका प्रकरणात झरदारी यांना लाच घेतल्याप्रकरणीही दोषी ठरवण्यात आले होते. झरदारी यांच्यावर केवळ पाकिस्तानातच नाही तर ब्रिटन आणि स्पेनसह अनेक देशांमध्ये खटले दाखल करण्यात आले आहेत.

 

हेही वाचा>>>