वाशिमच्या कारंजा पोहा मार्गावर 3 वाहनांचा विचित्र अपघात, तिघांचा जागीच मृत्यू, 9 गंभीर जखमी, वाहनांचा चक्काचूर
मध्यरात्रीच्या सुमारास घडलेल्या या अपघातानंतर परिसरात मोठी खळबळ उडाली होती .
Washim accident: वाशिमच्या कारंजा तालुक्यातील कारंजा पोहा मार्गावर तुळजापूर धरणाजवळ तिहेरी अपघात झाला आहे . (Washim accident)पिकअप प्रवासी ऑटो आणि अन्य एक ऑटो अशा 3 वाहनांची भीषण धडक झाल्याने एका महिलेसह दोन जणांचा जागेचा मृत्यू झालाय . या अपघातात 9 जण जखमी झाले आहेत . ऑटोमधील प्रवासी क्षमतेपेक्षा जास्त असल्याने मृत्यूसह जखमींचा आकडा वाढला आहे .जखमींना कारंजा ग्रामीण रुग्णालयात उपचारासाठी दाखल करण्यात आले आहे . भरधाव वेगात जाणाऱ्या पिकअपने विरुद्ध दिशेने जाणाऱ्या प्रवाशी ऑटोला समोरून जोरदार धडक दिली. या प्रवाशी ऑटोच्या मागून मालवाहतूक करणारी ऑटोही येत होती. पिकअपची या ऑटोलाही धडक बसली. या भीषण धडकेत वाहनांचा चक्काचूर झाला. 3 जण जागीच ठार झाले. प्रवाशी ऑटोमध्ये बसलेले 9 प्रवाशी जखमी झाले आहेत. (Karanja Poha Road Accident)
नक्की अपघात कसा झाला?
मंगळवारी (21 जानेवारी) मध्यरात्रीच्या सुमारास झालेल्या या भीषण अपघातात वाहनांचा अक्षरशः चुराडा झालाय .कारंजा -पोहा मार्गावर भरधाव वेगात येणाऱ्या पिकअप वाहनाने विरुद्ध दिशेने जाणाऱ्या प्रवाशांनी भरलेल्या ऑटोला जोरदार धडक दिली . याच रिक्षाच्या मागून दुसरा मालवाहक ऑटो येत होता . या वाहनाची ही पिकअपला धडक बसली . तीन वाहनांच्या झालेल्या या अपघातात तीन जणांचा जागीच मृत्यू झाला . ऑटोमधील प्रवासी जखमी झाले असून या अपघातात 9 जण गंभीर असल्याचं सांगण्यात येतंय . मध्यरात्रीच्या सुमारास घडलेल्या या अपघातानंतर परिसरात मोठी खळबळ उडाली होती .(Washim Accident) स्थानिकांनी जखमी प्रवाशांना तातडीने कारंजा ग्रामीण रुग्णालयात उपचारासाठी दाखल केले .प्रवाशांवर उपचार सुरू आहेत . (Maharashtra News)
जखमी प्रवाशांवर उपचार सुरु
अपघाताची माहिती मिळताच वाशिम पोलिसांनी घटनास्थळी धाव घेतली . आपत्कालिक संस्था आणि अन्य रुग्णवाहिका घटनास्थळी पोहोचल्या . जखमींना उपचारासाठी ग्रामीण रुग्णालयात दाखल करण्यात आले . अपघाताचा पंचनामा पोलिसांनी केला असून वाशिम पोलीस या घटनेचा पुढील तपास करत आहेत . ग्रामिण रुग्णालयासमोर रात्री अपघातानंतर मोठी खळबळ उडाली होती. कारंजा पोहा मार्गावरील अपघातात पिकअप मालवाहक ऑटो आणि प्रवासी रिक्षाच्या जोरदार धडकेमुळे तिन्ही गाड्यांचा चुराडा झाला आहे. ऑटोमधील जखमी प्रवाशांना बाहेर काढून स्थानिकांनी रुग्णवाहिकेतून रुग्णालयात हलवले. त्यांच्यावर उपचार सुरु आहेत. (Washim Accident)
हेही वाचा:
महत्त्वाच्या बातम्या
ट्रेंडिंग न्यूज
