एअर इंडियाच्या जेवणात धारदार ब्लेड, भाजी चिरण्याच्या मशीनचा पार्ट थेट ताटापर्यंत; Video Viral
Blade in Air India Food : भाजी चिरण्याच्या मशीनचा एक पार्ट जेवण बनवताना जेवणात पडला आणि तो थेट एअर इंडियाच्या प्रवाशाच्या ताटापर्यंत पोहोचला.
मुंबई : एकीकडे आईस्क्रीममध्ये (Ice Cream) माणसाचं बोट आणि गोम सापडल्यानंतर आता एअर इंडियाच्या (Air India) जेवणात एका प्रवाशाला चक्क धारदार ब्लेड (Blade) सापडलं आहे. या घटनेमुळे एकच खळबळ माजली आहे. एअर इंडियाच्या बंगळुरू ते सॅन फ्रॅन्सिसको विमानात मॅथ्युरेस पॉल हा प्रवासी जेवत असताना त्याला टणक वस्तू जाणवली. पाहतो तर काय, ती वस्तू म्हणजे ब्लेड होतं. धक्कादायक बाब म्हणजे भाजी चिरण्याच्या मशीनचा एक पार्ट जेवणात पडला आणि तो थेट एअर इंडियाच्या प्रवाशाच्या ताटापर्यंत पोहोचला.
एअर इंडियाच्या जेवणात ब्लेड सापडलं
एअर इंडियाच्या प्रवाशाला जेवणात ब्लेड सापडल्याने एअर इंडियाच्या फ्लाईटमधील जेवणाच्या दर्जावरही प्रश्न उपस्थित करण्यात येत आहेत. जेवण बनवताना, भाज्या चिरायच्या मशीनमधून एक पार्ट पडला आणि तो थेट जेवणाच्या ताटापर्यंत पोहोचला. खुद्द एअर इंडियानेच तशी कबुली दिली आहे. भरपाई म्हणून कंपनीनं मॅथ्युरेसला वर्षभर वैध असलेलं बिझनेस क्लासचं तिकीट देऊ केलं. मात्र ती एक प्रकारची लाच आहे, असं म्हणत त्यानं ते तिकीट नाकारलं.
प्रवाशाची सोशल मीडिया पोस्ट व्हायरल
Air India food can cut like a knife. Hiding in its roasted sweet potato and fig chaat was a metal piece that looked like a blade. I got a feel of it only after chewing the grub for a few seconds. Thankfully, no harm was done. Of course, the blame squarely lies with Air India’s… pic.twitter.com/NNBN3ux28S
— Mathures Paul (@MathuresP) June 10, 2024
एअर इंडियाने मागितली माफी
एअर इंडियाच्या आंतरराष्ट्रीय विमानात एका प्रवाशाच्या जेवणात ब्लेड सापडलं. प्रवाशाने स्वतः सोशल मीडिया प्लॅटफॉर्म X वर एक पोस्ट शेअर करून ही माहिती दिली. या पोस्टनंतर, रविवारी, 16 जून रोजी एअर इंडियाने एक निवेदन जारी करून प्रवाशांच्या जेवणात ब्लेड आढळल्याची वस्तुस्थिती स्वीकारली आणि या प्रकरणी माफी मागितली.
चाटमध्ये धारदार धातूचा तुकडा सापडला
मॅथुरेस पॉल नावाचा प्रवासी एअर इंडियाच्या विमानाने बेंगळुरूहून सॅन फ्रान्सिस्कोला जात होता. 10 जून रोजी, पॉलने X वर एअर इंडियाच्या फ्लाइटमध्ये अन्नामध्ये सापडलेल्या ब्लेडचे दोन फोटो शेअर केले. पॉलने फोटो शेअर करत पोस्टमध्ये लिहिले की, एअर इंडियाचे अन्न चाकूसारखे कापू शकते. भाजलेल्या रताळे आणि अंजीर चाटमध्ये धातूचा तुकडा सापडला, जो ब्लेडसारखा दिसत होता. हे अन्न काही सेकंद चघळल्यानंतरच लक्षात आले. सुदैवाने, मला इजा झालेली नाही.
पाहा व्हिडीओ : एअर इंडियाच्या जेवणात ब्लेड
महत्त्वाच्या इतर बातम्या :
आईस्क्रीममध्ये गोम सापडली! अमूल कंपनीने घेतली दखल; तपासणीसाठी महिलेकडून Ice Creamचा डबा परत मागवला
महत्त्वाच्या बातम्या
ट्रेंडिंग न्यूज
