Sao Joao Festival : भारतातील एक सण असाही, जो विहरीत उडी मारून करतात साजरा, लोकांची होते गर्दी

जगात अनेक सण साजरे केले जातात. पण तुम्हाला हे जाणून आश्चर्य वाटेल की विहिरी, तलाव आणि नद्यांमध्ये उडी मारून सण साजरा केला जातो. हा सण भारतातील फक्त एकाच राज्यात साजरा केला जातो.

Sao Joao Festival

Sao Joao Festival : भारत (India) आपल्या विविध संस्कृतीसाठी ओळखला जातो. या देशात अनेक प्रकारचे सण साजरे केले जातात. तसेच प्रत्येक राज्याचा स्वतःचा खास सण असतो. हे सण साजरे करण्याची प्रत्येकाची पद्धत वेगळी असते. असाच एक सण गोव्यात साजरा केला जातो, ज्याला दूरवरून लोक भेट देतात. हा गोव्याचा मुख्य कॅथोलिक उत्सव आहे. हा सण 'साओ जोआओ' या नावाने ओळखला जातो. चला जाणून घेऊया साओ जोआओ महोत्सवाबद्दल

काय आहे साओ जोआओ सण ?

गोव्यात दरवर्षी 24 जून रोजी हा सण साजरा केला जातो. साओ जोआओ, ज्याला "सॅन जुआन" देखील म्हणतात, हा वार्षिक कॅथोलिक उत्सव आहे. या दिवशी लोक फुले, पाने आणि फळांपासून बनवलेला मुकुट घालतात. सेंट जॉन द बॅप्टिस्ट यांना श्रद्धांजली वाहण्यासाठी हा सण (Festival) साजरा केला जातो. तुम्हाला हे जाणून आश्चर्य वाटेल की हा सण विहिरी, तलाव आणि नद्यांमध्ये उडी मारून साजरा केला जातो. हा उत्सव इतका लोकप्रिय आहे की गोवा पर्यटन विकास महामंडळ पर्यटकांसाठी पूल पार्टी आणि खाजगी साओ जोओस देखील आयोजित करते.

साओ जोआओ सण कसा साजरा केला जातो?

विहिरी, तलाव, नद्यांमध्ये उड्या मारून हा सण साजरा केला जातो. इंग्रजीत त्याला 'लीप ऑफ जॉय' म्हणतात. हा सण दरवर्षी पावसाळा सुरू होण्यापूर्वी साजरा केला जातो. विहिरीत उडी मारण्याचे कारण ख्रिश्चन इतिहासाशी जोडलेले आहे. सेंट जॉन द बॅप्टिस्ट यांना श्रद्धांजली अर्पण करण्यासाठी हा उत्सव साजरा केला जातो. येशूच्या जन्माची बातमी ऐकून जॉन द बॅप्टिस्टला खूप आनंद झाला आणि त्यांनी आनंदाने आपल्या आईच्या उदरातून उडी मारली. त्यावेळी तो आईच्या पोटात होता. या दिवसाची आठवण ठेवून दरवर्षी पुरुष आईचे उदर समजून विहिरीत किंवा तलावात उडी मारतात. यासोबतच या उत्सवात इतरही अनेक मनोरंजक उपक्रम आहेत.

 

नवविवाहित पुरुषांसाठी विशेष महत्त्व आहे

या उत्सवात इतरही अनेक सुंदर उपक्रम होतात. नवविवाहितांसाठी हा सण खास असतो. या सणामध्ये विवाहित पुरुषांनी विहिरीत स्नान केल्याने त्यांचे कौटुंबिक जीवन सुखकर होते, असे मानले जाते. लोक उत्सवात लोकनृत्य आणि स्वादिष्ट पदार्थांचा आनंद घेतात. या उत्सवात लोक तलाव आणि विहिरींमध्ये लपवलेल्या भेटवस्तू शोधतात.  

 

इतर महत्वाच्या बातम्या