येत्या दिवसांत महागणार मोबाईल Prepaid Plans; आताच करुन घ्या वर्षभराचा रिचार्ज

येत्या काळात मोबाईल कंपन्या उत्पन्नात वाढ करण्याच्या हेतूनं मोबाईलच्या प्रीपेड रिचार्जचे दर वाढवण्याची चिन्हं आहेत.

नवी दिल्ली : 1 एप्रिलपासून मोबाईल रिचार्जच्या दरांत मोठी वाढ होणार असल्याचं म्हटलं जात आहे. सूत्रांच्या माहितीनुसार जिओ, एअरटेल, वोडाफोन- आयडीया यांसारख्या टेलिकॉम कंपन्या प्रीपेड प्लान्सच्या दरांत वाढ करणार आहेत. त्यामुळं रिचार्जच्या वाढलेल्या दरांचा सामना करण्यापेक्षा आतापासूनच वर्षभराचा रिचार्ज करण्याला अनेकजण प्राधान्य देताना दिसत आहेत. चला तर मग जाणून घेऊया Airtel, Jio आणि Vi मधील काही फायदेशील प्लान्स आणि त्यांच्या मुदतीबद्दल....

जिओकडून 2121 रुपयांचा आणि 2399 रुपयांचा असे दोन प्लान प्रीपेड स्वरुपात वर्षभराच्या मुदतीसाठी मोबाईलधारकांना उपलब्ध करुन देण्यात आले आहेत. 2121 रुपयांच्या प्लानमध्ये 336 दिवसांची वॅलिडीटी मिळते तर दर दिवशी 1.5 GB डेटा म्हणजेच एकूण 504 GB डेटा मिळतो. अनलिमिटेड कॉ़लिंग आणि दररोज 100 एसएमएसची सुविधाही या प्लानमध्ये देण्यात आली आहे. शिवाय यामध्ये जिओ अॅप्सचं वर्षभराचं सब्सक्रिप्शनही मिळतं. 2399 रुपयांच्या प्लानमध्ये 365 दिवसांची वॅलिडीटी मिळत असून, दर दिवशी 2 जीबी डेटा आणि वर्षभरासाठी 730 GB डेटा मिळतो. शिवाय अनलिमिटेड फोनकॉल्स, मेसेजिंग आणि जिओ अॅपचं सब्सक्रिप्शनही यामध्ये मिळतं.

Airtel -

तुम्ही एअरटेलची सेवा वापरत असल्यास 1498 आणि 2498 अशा दरांचे दोन प्लान तुम्हाला पर्याय स्वरुपात उपलब्ध आहेत. यातील पहिल्या प्लान मध्ये एकूण 24 जीबी डेटा, अनलिमिटेड कॉलिंग आणि 3600 मेसेजेस अशा सुविधा मिळतात. तर, 2498 रुपयांच्या प्लानमध्ये 365 दिवसांच्या वॅलिडीटीसह दर दिवशी 2 जीबी डेटा, अनलिमिटेड कॉलिंग आणि दर दिवशी 100 एसएमएस अशा सेवा मिळतात. या दोन्ही प्लान्समध्ये Free Hellotunes, Wynk Music, Airtel Xstream Premium आणि 30 दिवसांचं Prime Video सब्सक्रिप्शन मिळतं.

Vodafone Idea किंवा Vi -

Vi या टेलिकॉम सेवेचे उपभोक्ते असल्यास तुम्हाला 1499 आणि 2399 अशा दोन दरांतील प्लान्स उपलब्ध होतात. यातील 1499 रुपयांच्या प्लानमध्ये 365 दिवसांच्या वॅलिडीटीसह मध्ये एकूण 24 जीबी डेटा, अनलिमिटेड कॉलिंग आणि 3600 मेसेजेस अशा सुविधा मिळतात. तर, 2399 रुपयांच्या प्लानमध्ये वर्षभराच्या वॅलिडीटीसह अनलिमिटेड कॉलिंग, 1.5GB डेटा आणि 100 SMS अशा सुविधा पुरवण्यात येतात. Vi Movies & TV Classic, Binge All Night Offer असे पर्यायही या प्लानमध्ये देण्यात येत आहेत. वीकेंड डेटा रोलओवरचा पर्यायही या दोन्ही प्लानमध्ये देण्यात आला आहे.