एक्स्प्लोर

सरकारच्या बंदीनंतर गूगल प्ले स्टोअर आणि अॅपल अॅप स्टोअरवरुन TikTok अॅप हटवलं!

भारत सरकारने टिकटॉक, हेलोसह 59 चिनी मोबाईल अॅपवर बंदी घातली. यानंतर आता गूगल प्ले स्टोअर आणि अॅपलच्या अॅप स्टोअरवरुनही टिकटॉक अॅप हटवण्यात आलं आहे.

Written By : एबीपी माझा वेब टीम | Updated at : 30 Jun 2020 11:22 AM (IST)

After ban, Tik Tok removed from Apples App Store and Google Play Store. सरकारच्या बंदीनंतर गूगल प्ले स्टोअर आणि अॅपल अॅप स्टोअरवरुन TikTok अॅप हटवलं!

मुंबई : केंद्र सरकारने बंदी घातल्यानंतर गूगल प्ले स्टोअर आणि अॅपलच्या अॅप स्टोअरवरुनही टिकटॉक अॅप हटवण्यात आलं आहे. भारत सरकारने सोमवारी (29 जून) संध्याकाळी टिकटॉक, हेलोसह 59 चिनी मोबाईल अॅपवर बंदी घातली. मात्र ज्या युझर्सनी आधीच टिकटॉक अॅप डाऊनलोड केलं आहे, त्यांना अॅपवर व्हिडीओ पोस्ट करता येणार आहे. पण आता कोणताही नवा युझर हे अॅप डाऊनलोड करु शकणार नाही.

देशात टिकटॉकचे 20 कोटींपेक्षा जास्त युझर्स आहेत. गूगल प्ले स्टोअर आणि अॅपलच्या अॅप स्टोअरमधील टॉप 10 अॅप्सपैकी एक होतं. सरकारने बंदी घातलेल्या इतर अॅप्सपैकी बहुतांश अॅप अजूनही प्ले स्टोअर आणि अॅप स्टोअरवर उपलब्ध आहेत. लवकरच हे अॅप्स देखील प्ले स्टोअर आणि अॅप स्टोअरवरुन हटवले जातील. यानंतर कोणत्याही नव्या युझरला हे अॅप डाऊनलोड करता येणार नाही.

Tik Tok removed from Apple's App Store & Google Play Store. Government of India yesterday banned 59 apps "which are prejudicial to sovereignty and integrity of India, defence of India, security of the state and public order”. pic.twitter.com/f2LtyqXTtN
— ANI (@ANI) June 30, 2020

भारत सरकारचा चीनला दणका; टिकटॉक, यूसी ब्राऊजरसह 59 अॅप्स बॅन

बंदी घातल्यानंतर टिकटॉकने अधिकृत परिपत्रक जारी करुन म्हटलं आहे की, "आम्ही चिनी किंवा कोणत्याही परदेशी सरकारला युझर्सचा डाटा शेअर केला नाही आणि भविष्यातही करणार नाही." "उत्तर आणि स्पष्टीकरण देण्यासाठी आम्हाला संबंधित सरकारी अधिकाऱ्यांच्या भेटीसाठी आमंत्रित करण्यात आलं आहे. आम्ही भारतीय कायद्याअंतर्गत सर्व गोपनीय माहिती आणि सुरक्षेसंबंधित नियमांचं पालन करतो. आम्ही आमच्या युझर्सची माहिती कोणत्याही परदेशी देशाच्या सरकारला शेअर करत नाही, यात चिनी सरकारचाही समावेश आहे," असंही टिकटॉकने म्हटलं आहे.

pic.twitter.com/0DZQ3Ucqcl
— TikTok India (@TikTok_IN) June 30, 2020

सरकारने सोमवारी चिनी अॅप्सवर बंदी घालत म्हटलं की हे अॅप देशाची सार्वभौमत्व, अखंडता आणि राष्ट्रीय सुरक्षेसाठी धोकादायक आहेत. लडाखमध्ये एलएसीवर चिनी सैनिकांसोबत सध्या सुरु असलेल्या तणावाच्या पार्श्वभूमीवर ही बंदी घालण्यात आली आहे.

माहिती आणि प्रसारण मंत्रालयाने याबाबत अधिकृत पत्रक जारी करुन म्हटलं की, आम्हाला विविध स्रोतांकडून तक्रारी मिळाली आहे, ज्यात अँड्रॉईड आणि आयओएस प्लॅटफॉर्मवर उपलब्ध असलेल्या अॅपच्या दुरुपयोगाचे अनेक अहवाल आहेत. हे अॅप युझर्सचा डाटा चोरुन त्यांना गुपचूप पद्धतीने भारताबाहेर असलेल्या सर्व्हरकडे पाठवला जातो, असं अहवालात म्हटलं आहे.

या चिनी अॅप्सवर बंदी!

1. TikTok (टिकटॉक)

2. Shareit (शेअर इट)

3. Kwai (केवाई)

4. UC Browser (यूसी ब्राऊजर)

5. Baidu map (बायडू मॅप)

6. Shein (शीन)

7. Clash of Kings (क्लॅश ऑफ किंग्ज)

8. DU battery saver (डीयू बॅटरी सेव्हर)

9. Helo (हेलो)

10. Likee (लाईक)

11. YouCam makeup (यूकॅन मेकअप )