एक्स्प्लोर

पोलिसांना ना पर्वा, ना काळजी! रस्त्यावर खोदकाम करण्याचं काम जेलमधील कुख्यात गुंडांना दिलं, सोलापूर कारागृह प्रशासनाचं अजब कारण समोर

खोदकाम करण्यासाठी जेलमधील कैद्यांना रोडवर आणलं, सोलापुरातील धक्कादायक प्रकार, कारागृह प्रशासनानं सांगितलं अजब कारण

Written By : आफताब शेख, एबीपी माझा | Edited By: Mukta Sardeshmukh | Updated at : 09 Apr 2025 05:45 PM (IST)

Solapur

Solapur:सोलापूर जिल्हा कारागृहातल्या कैद्यांबाबत धक्कादायक प्रताप कारागृह प्रशासनाने केल्याचा समोर आले आहे .कारागृहात शिक्षा भोगणाऱ्या कैद्यांना रस्त्यावर उतरवत खोदकाम करायला लावल्याचा अजब प्रकार केल्याचं उघड झालं आहे .कारागृहात कमी दाबाने पाणीपुरवठा होत असल्याने कारागृह प्रशासनाने हा धक्कादायक प्रकार केल्याचं कबूल केलं आहे .पाण्याच्या कनेक्शनसाठी पालिकेकडे अर्ज करूनही पालिकेने कनेक्शन दिलं नसल्याने कैद्यांना रस्त्यावर उतरवत खोदकाम केल्याची प्रतिक्रिया कारागृह प्रशासनाचे अधिकारी प्रदीप बाबर यांनी दिली आहे . एखादा कैदी पळून गेला असता तर याला जबाबदार कोण ? असा सवाल उपस्थित होत आहे . 'एबीपी माझा'ने सवाल केल्यानंतर हे रस्त्याच्या खोदकामाचे काम थांबवून कैद्यांना पुन्हा कारागृहात मिळण्यात आले आहे . (Solapur News)

नक्की काय घडलं?

सोलापूर जिल्हा कारागृहात शिक्षा भोगणाऱ्या कैद्यांना भर रस्त्यात गर्दीच्या ठिकाणी उतरवून त्यांच्याकडून खोदकाम करून घेतल्याचा धक्कादायक प्रकार सोलापूर जिल्हा कारागृह प्रशासनाकडून घडलाय .कारागृहात कमी दाबाने पाणीपुरवठा होत असल्याने जेल प्रशासनाने जानेवारी 2025 मध्ये पालिकेला पत्र लिहीत कारागृहात नवीन पाण्याच्या कनेक्शनची मागणी केली होती .मात्र वेगवेगळ्या कारणांमुळे पालिकेने कनेक्शन दिलं नसल्याने स्वतः कैद्यांच्या माध्यमातून खोदकाम करून घेत असल्याचं कारागृह प्रशासनाचे अधिकारी प्रदीप बाबर यांनी एबीपी माझा ला प्रतिक्रिया दिली .कारागृहातील कैदी गर्दीच्या ठिकाणी खोदकाम करण्यासाठी उतरवल्याचा गंभीर व धक्कादायक प्रकार समोर आल्याने शहरात मोठी खळबळ उडाली आहे .एखादा कैदी पळून गेला असता तर याला जबाबदार कोण ? असा सवाल उपस्थित केल्यानंतर खोदकामाचे काम थांबवून कैऱ्यांना पुन्हा कारागृहात नेण्यात आलं .

हेही वाचा

प्रशांत कोरटकरला अखेर जामीन मंजूर

छत्रपती शिवाजी महाराज आणि छत्रपती संभाजी महाराज यांचा अपमान करणाऱ्या तसेच इतिहास अभ्यासक इंद्रजीत सावंत यांना धमकी देणाऱ्या प्रशांत कोरटकरला जामीन मंजूर करण्यात आला आहे. प्रशांत कोरटकर पाच दिवस पोलिस कोठडीत आणि 10 दिवस न्यायालयीन कोठडीत होता. 30 मार्च रोजी कोल्हापूर कनिष्ट न्यायालयाने त्याला 14 दिवसांची न्यायालयीन कोठडी सुनावली होती. कोल्हापूर जिल्हा सत्र न्यायालयानं त्याचा जामीन मंजूर केला. नागपूरच्या प्रशांत कोरटकरने इतिहास अभ्यासक इंद्रजीत सावंत यांना कॉल करुन धमकी दिली होती. तसेच त्याने छत्रपती शिवाजी महाराज आणि छत्रपती संभाजी महाराज यांच्याबद्दल अपशब्द वापरले होते. त्यानंतर इंद्रजीत सावंत यांनी कोल्हापूरमध्ये कोरटकर विरोधात तक्रार नोंद केली होती.

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 09 Apr 2025 05:25 PM (IST)

Tags :

Solapur JAIL Solapur News Priznors