Sangli Protest : ऐन दिवाळीत अभ्यंगस्नानाच्या दिवशीच पाणीबाणी, सांगलीतील नागरिकांचा रिकाम्या बादल्या घेऊन पालिकेवर संताप
Sangli Protest : सांगली (Sangli) शहरात ऐन दिवाळीत पाणीपुरवठा (Water Supply) खंडित झाल्याने नागरिकांमध्ये संतापाची लाट उसळली आहे.
Sangli Protest : सांगली (Sangli) शहरात ऐन दिवाळीत पाणीपुरवठा (Water Supply) खंडित झाल्याने नागरिकांमध्ये संतापाची लाट उसळली आहे. अभ्यंगस्नानाच्या दिवशीच पाणी नसल्याने संतप्त नागरिक आणि माजी नगरसेवकांनी सांगली महापालिकेच्या (Sangli Municipal Corporation) पाणीपुरवठा विभागासमोर रिकाम्या बादल्या घेऊन ठिय्या आंदोलन (Protest) केले. 'हिंदू धर्मामध्ये सगळ्यात मोठा सण म्हणजे दिवाळी आहे आणि याच दिवशी अखंड सांगलीमध्ये पाण्याचा थेंब (Sangli Water Crisis) सुद्धा नाहीये,' असा उद्विग्न सवाल आंदोलकांनी केला. महापालिकेच्या पाइपलाइनच्या दुरुस्तीच्या कामामुळे हा पाणीपुरवठा ठप्प झाला आहे. मात्र, सणाच्या दिवशी प्रशासनाने कोणतेही नियोजन न केल्याने नागरिकांना मनस्ताप सहन करावा लागत आहे. प्रशासनाने टँकरचीही सोय न केल्याने नागरिकांचा संताप अनावर झाला असून, त्यांनी थेट आयुक्तांना जबाबदार धरले आहे.
Kolhapur : करवीर निवासिनी अंबाबाई मंदिरात काकडा सोहळ्याला सुरुवात
साडेतीन शक्तिपीठांपैकी एक महत्त्वाचं पीठ म्हणून जगभर ओळख असणाऱ्या श्री करवीर निवासिनी अंबाबाई मंदिरात काकडा सोहळ्याला सुरुवात झाली आहे. आज नरक चतुर्दशी पासून पुढील 15 दिवस येणाऱ्या कार्तिक पौर्णिमेपर्यंत दररोज पहाटे हा काकडा सोहळा साजरा केला जातो. कोल्हापूरच्या अंबाबाई मंदिरातील काकडा सोहळा म्हणजे दिवाळी ते कार्तिक पौर्णिमा या काळात रोज पहाटे केला जाणारा एक विधी आहे. या सोहळ्यात, पहाटे ३ वाजता घंटानाद सुरू झाल्यावर, पश्चिम महाराष्ट्र देवस्थान समितीचे पदाधिकारी आणि पुजारी मंदिराच्या मुख्य शिखरावर एक मोठी ज्योत अर्थात काकडा प्रज्वलित करतात.
Chhatrapati Sambhajinagar : देवदर्शनासारखी फटाक्यांसाठी गर्दी, फटाक्यांसाठी पहाटेपासून रांगा
छत्रपती संभाजीनगरच्या (Chhatrapati Sambhajinagar) गंगापूरमध्ये (Gangapur) फटाके खरेदीसाठी नागरिकांनी मोठी गर्दी केली आहे. 'कमी दरामध्ये फटाके मिळत असल्यामुळे इथे ग्राहकांची खरेदीसाठी झुंबड उडाली आहे,' असं चित्र दिसत आहे. दिवाळीच्या पार्श्वभूमीवर, गंगापूरमधील मुंदडा फटाका स्टॉलवर (Mundada Fataka Stall) सकाळी पाच वाजल्यापासून रात्री बारा वाजेपर्यंत ग्राहकांच्या लांबच लांब रांगा लागत आहेत. मंदिरामध्ये देवदर्शनासाठी लागतात तशा रांगा फटाक्यांच्या स्टॉलवर पाहायला मिळत असल्याने आश्चर्य व्यक्त होत आहे. स्वस्त दरात फटाके मिळत असल्याने केवळ स्थानिकच नाही, तर आसपासच्या भागातूनही नागरिक येथे खरेदीसाठी येत असल्याचे दिसून येत आहे. या गर्दीमुळे परिसरातील वाहतुकीवरही परिणाम झाला असून, दिवाळीच्या खरेदीचा उत्साह शिगेला पोहोचल्याचे हे द्योतक आहे.
आणखी वाचा
महत्त्वाच्या बातम्या
