Pune Traffic Diversion : पुण्यातील वाहतुकीत 4 मे पासून मोठे बदल; 'हे' महत्वाचे रस्ते राहणार बंद!

शिमला ऑफिस चौकाजवळ पुणे मेट्रोच्या कामाला 4 मे 2024पासून सुरुवात होणार आहे. ही कामे सुरू असल्याने वाहतूक कोंडीहोण्याची शक्यता निर्माण झाली आहे.

Traffic Diversion In Pune (Image Credit : unsplash.com ))

पुणे : शिमला ऑफिस चौकाजवळ पुणे मेट्रोच्या कामाला 4 मे 2024पासून सुरुवात होणार आहे. ही कामे सुरू असल्याने वाहतूक कोंडीहोण्याची शक्यता निर्माण झाली आहे. ही बाब लक्षात घेऊन पुणे शहर वाहतूक शाखेचे पोलिस उपायुक्त रोहिदास पवार यांनी वाहतुकीत तात्पुरते बदल करण्याच्या सूचना दिल्या आहेत. हे बदल खालीलप्रमाणे आहेत. 

1) वीर चाफेकर चौक-नरवीर तानाजी वाडी-के.व्ही.जोशी रोड चौक-शिमला कार्यालय चौक (एसटी स्टँड रोड) हा एकतर्फी मार्ग कार्यान्वित करण्यात आला आहे. 

2) वीर चाफेकर उड्डाणपूल ते शिमला ऑफिस चौक पर्यंत प्रवेश बंद असेल. चाफेकर उड्डाणपूल सर्व्हिस रोडची डावी बाजू चाफेकर चौकाकडे नेणे, नंतर डावीकडे नरवीर तानाजी वाडीकडे वळणे आणि शेवटी थेट शिमला रोड ऑफिस चौकाकडे वळणे हा पर्यायी मार्ग असेल. 

3) फर्ग्युसन कॉलेज (एफसी) रोडते वीर चाफेकर चौकमार्गे शिमला ऑफिस चौकापर्यंत प्रवेश बंदी असेल. वीर चाफेकर चौकातून सरळ जाणे, नरवीर तानाजी वाडी चौकात उजवीकडे वळणे आणि सिमला ऑफिस चौकात जाणे हा पर्यायी मार्ग आहे.

4) नरवीर तानाजी वाडी चौक ते वीर चाफेकर चौकापर्यंत प्रवेश बंदी आहे. नरवीर तानाजी वाडी चौकातून डावीकडे जाऊन थेट शिमला ऑफिस चौकात जावे आणि नंतर उजवीकडे वीर चाफेकर चौकाकडे वळावे, असा पर्यायी मार्ग आहे.

5) एस. जी. बर्वे चौक ते शिमला ऑफिस चौक मार्गे शिवाजीनगर रेल्वे स्थानकापर्यंत प्रवेश बंदी आहे. पर्यायी मार्ग - शिमला ऑफिस चौकातून डावीकडे जावे, त्यानंतर वीर चाफेकर चौकातून उजवीकडे आणि नरवीर तानाजी वाडी चौकातून उजवीकडे जाऊन शिवाजीनगर रेल्वे स्थानकावर पोहोचावे.

6) शिवाजीनगर रेल्वे स्थानकातून एसटी स्टँड सर्कलमार्गे नरवीर तानाजी वाडीपर्यंत प्रवेश निषिद्ध आहे. 

7) शिमला कार्यालय चौकातून सावित्रीबाई फुले पुणे विद्यापीठाकडे जाण्यासाठी एलआयसी कार्यालय व चाफेकर उड्डाणपुलावरून वाहने जावीत.

 8) वीर चाफेकर चौक ते नरवीर तानाजी वाडी चौक ते शिमला कार्यालय चौक या रस्त्याच्या दुतर्फा सर्व प्रकारच्या वाहनांसाठी नो पार्किंग.

इतर महत्वाची बातमी-