Pune Terrorist Case : दहशतवाद्यांनी साडीचं दुकान लुटलं अन् बॉम्बचं साहित्य खरेदी केलं; ATS च्या तपासात माहिती समोर
सातारा दरोड्यातील पैशांचा वापर दहशतवाद्यांनी बॉम्ब बनविण्याचे साहित्य खरेदी करण्यासाठी केला होता. पुणे एटीएसच्या तपासात ही बाब समोर आली आहे.
पुणे : सातारा दरोड्यातील पैशांचा वापर दहशतवाद्यांनी (Pune Terrorist Case) बॉम्ब बनविण्याचे साहित्य खरेदी करण्यासाठी केला होता. पुणे एटीएसच्या तपासात ही बाब समोर आली आहे. पुणे एटीएसने तीन दहशतवाद्यांना पुणे सत्र न्यायालयात हजर केले. हे तिन्ही दहशतवादी एनआयएच्या कोठडीत तुरुंगात होते. या दहशतवाद्यांनी सोनं आणि साडीचं दुकान लुटल्याचं आणि त्यातून बॉम्ब खरेदी केल्याचं समोर आलं आहे.
तीनपैकी दोन दहशतवाद्यांनी साताऱ्यातील साडीचे दुकान लुटले. दुकानदाराला बंदुकीचा धाक दाखवून एक लाख रुपये लुटण्यात आले. पुणे एटीएसच्या पथकाने मोहम्मद शाहनवाज आलम शफिउज्जमान खान ऊर्फ अब्दुल्ला उर्फ इब्राहिम (31), मोहम्मद युनूस मोहम्मद याकूब साकी उर्फ छोटू आणि झुल्फिकार अली बडोदावाला ऊर्फ लाला ऊर्फ लालाभाई (44) यांना न्यायालयात हजर केले होते. सातारा दरोडा प्रकरणी 28 वर्षीय दुकानदाराने सातारा शहर पोलिस ठाण्यात फिर्याद दिली होती. अजिंठा चौकातील गणपती सिल्क साडी सेंटरमध्ये 8 एप्रिल रोजी बंदुकीचा धाक दाखवून दोन अनोळखी व्यक्तींना अटक करण्यात आली होती.
हे तिघेही इसिस संघटनेचे सदस्य असून दहशतवादी घटना घडविण्यासाठी तिघांनी मिळून सातारा दरोड्याचा कट रचला होता नंतर त्याने पैशांचा वापर करून बॉम्ब बनवण्याचे साहित्य विकत घेतले. न्यायालयाने तिन्ही दहशतवाद्यांना 21 मार्चपर्यंत पुणे एटीएस कोठडी सुनावली आहे.
हे सगळं करुन या तिघांनी पुण्यातील आजूबाजूच्या परिसरात बॉम्बस्फोटाचा सराव केला होता. दहशतवादी जंगलात तंबू ठोकून काही दिवस राहिले देखील होते. पुण्याजवळच्या पानशेत जवळच्या दाट झाडींमध्ये, त्याचबरोबर सातारा शहराच्या जवळ असलेल्या झाडींमध्ये तर कोल्हापूर जिल्ह्यातील आंबोलीच्या जंगलात या दहशतवाद्यांनी हा सराव केल्याचं समोर आलं होतं
ISIS, ज्याला इस्लामिक स्टेट (IS), इस्लामिक स्टेट ऑफ इराक अँड द लेव्हंट (ISIL), इस्लामिक स्टेट ऑफ इराक अँड सीरिया (ISIS), Daish, इस्लामिक स्टेट इन खोरासान प्रांत (ISKP), ISIS विलायत खोरासान, आणि इस्लामिक स्टेट म्हणूनही ओळखले जाते. इराक आणि शाम खोरासान (ISIS-K), सक्रियपणे भारतविरोधी अजेंडा राबवत आहे आणि हिंसक कृत्यांच्या मालिकेद्वारे देशभरात दहशत आणि हिंसाचार पसरवत आहे. या सगळ्या संस्थांमध्ये हे दोघे काही प्रमाणात संलग्न असल्याचं समोर आलं आहे.
इतर महत्वाची बातमी-
महत्त्वाच्या बातम्या
ट्रेंडिंग न्यूज
