Pune : संतापजनक! चुलतभावासोबतच्या संबंधातून जन्मलेलं सहा दिवसांचं बाळ ताम्हिणी घाटात फेकलं!

Pune : पोलीस आणि ट्रेकर्सच्या सहाय्याने बाळाच्या मृतदेहाचा शोध सुरु आहे.

Pune, tamhini ghat

Pune : चुलत भावाशी आलेल्या शरीर संबंधातून जन्माला आलेले बाळ नातेवाईकांच्या दबावामुळे पुणे (Pune) जिल्ह्यातील ताम्हिणी घाटात (Tamhini Ghat) फेकुन देण्याचा धक्कादायक प्रकार घडलाय. ज्याच्यापासून बाळ झाले त्यानेच हे सहा दिवसांचे बाळ ताम्हीणी घाटात फेकुन दिले आहे.  पाच फेब्रुवारीला या बाळाला ताम्हिणी घाटात फेकुन देण्यात आले असुन पोलीस आणि ट्रेकर्सच्या सहाय्याने बाळाच्या मृतदेहाचा शोध सुरु आहे.

बाळाची आई मंगल पवार ही पुण्यातील घोटवडे भागात गोडांबेवाडी गावात मजुरी करते . तिच्या पतीचे निधन झाले असुन पहिल्या पती पासून तिला एक मुलगी आहे. मात्र गोडांबेवाडीत मंगलच्या सोबतच मजुरी करणाऱ्या सचिन चव्हाण या चुलत भावाशी तिचे शारीरिक संबंध आले. त्या संबंधातून तीला मुलगा झाला.  मात्र ही गोष्ट तिच्या कुटुंबाला सहन झाली नाही. 

चव्हाण कुटुंब हे मुळचे रत्नागिरी जिल्ह्यातील आहे.  पाच तारखेला रत्नागिरी जिल्ह्यातील गावाला जायचे आहे असं सांगून मंगल पवारला कारमधे घेऊन तिचे चुलत भाऊ संजय चव्हाण,  नितिन चव्हाण,  अजय चव्हाण आणि सचिन चव्हाण हे निघाले. मात्र ताम्हीणी घाटातील दरी पुलाजवळ गाडी आली असता ज्याच्यापासून बाळ झाले होते त्या सचिन चव्हाणने मंगल पवारच्या हातातून बाळ खेचून घेतले आणि ते दरीत फेकुन दिले. यावेळेस मंगल पवार आणि त्यांच्या मुलीला कारमधे लॉक करुन ठेवले होते.  मंगल पवारने घोटवड्याला परत आल्यानंतर याबाबत पोलिसांकडे तक्रार दाखल केल्यानंतर बाळाच्या मृतदेहाचा शोध सुरु करण्यात आला आहे.

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha