Pune News: पुण्यातील खेडमध्ये अनधिकृत रिसॉर्टवर महसूल विभागाच्या अधिकाऱ्यांची रंगली पार्टी? काँग्रेस नेत्याने शेअर केले व्हिडिओ, महसूल मंत्र्यांनाही धरलं धारेवर
Pune News: पुण्यातील खेडमध्ये महसूल विभागाच्या अधिकाऱ्यांची पार्टी रंगली, आणि त्यात उपविभागीय अधिकारी, उपजिल्हाधिकारी अनिल दौंडे आणि तहसीलदार ज्योती देवरे डान्स करत सहभागी झाले असं म्हटलं आहे.
पुणे: राज्यभरात अनेक ठिकाणी अनधिकृत बांधकामांवर कारवाईचा बडगा उगारत असल्याच्या घटना समोर येत आहे. अशातच दुसरीकडे पुण्यामध्ये अनधिकृत रिसॉर्टवर महसूल अधिकाऱ्यांची पार्टी करत असल्याचा आरोप आता होताना दिसत आहे. काँग्रेस नेते विजय वडेट्टीवार यांनी त्यांच्या सोशल मिडिया एक्स (पुर्वीचे ट्विटर) वरती काही व्हिडिओ आणि फोटो शेअर करत पोस्ट शेअर केली आहे. त्यामध्ये त्यांनी पुण्यातील खेडमध्ये महसूल विभागाच्या अधिकाऱ्यांची पार्टी रंगली, आणि त्यात उपविभागीय अधिकारी, उपजिल्हाधिकारी अनिल दौंडे आणि तहसीलदार ज्योती देवरे डान्स करत सहभागी झाले असं म्हटलं आहे.
विजय वडेट्टीवारांची पोस्ट काय?
"अनधिकृत रिसॉर्टवर महसूल अधिकाऱ्यांची पार्टी?? जनता कर भरते, महसूल अधिकारी अनधिकृत रिसॉर्टवर मौज करतात! पुण्यातील खेडमध्ये महसूल विभागाच्या अधिकाऱ्यांची पार्टी रंगली, आणि त्यात उपविभागीय अधिकारी, उपजिल्हाधिकारी अनिल दौंडे आणि तहसीलदार ज्योती देवरे डान्स करत सहभागी झाले. ही पार्टी ज्या रिसॉर्टमध्ये झाली, ते रिसॉर्टच अनधिकृत असल्याचा आरोप आहे! एकीकडे सामान्य नागरिकांवर लहानसहान कारणांसाठी कारवाई केली जाते, अनधिकृत बांधकामे तोडली जातात, तर दुसरीकडे महसूल अधिकारीच अनधिकृत रिसॉर्टवर मजा करत आहेत. महसूल मंत्र्यांच्या खात्यात काय सुरू आहे, याकडे लक्ष आहे का?", असं म्हणत विजय वडेट्टीवार यांनी महसूल मंत्री चंद्रशेखर बावनकुळेंवरती तोफ डागली आहे.
अनधिकृत रिसॉर्टवर महसूल अधिकाऱ्यांची पार्टी??
— Vijay Wadettiwar (@VijayWadettiwar) February 25, 2025
जनता कर भरते, महसूल अधिकारी अनधिकृत रिसॉर्टवर मौज करतात!
पुण्यातील खेडमध्ये महसूल विभागाच्या अधिकाऱ्यांची पार्टी रंगली, आणि त्यात उपविभागीय अधिकारी, उपजिल्हाधिकारी अनिल दौंडे आणि तहसीलदार ज्योती देवरे डान्स करत सहभागी झाले.
ही… pic.twitter.com/pqL7KZSGCX
वडेट्टीवार यांनी शेअर केलेल्या व्हिडिओमध्ये काय?
एका ठिकाणी मोठी स्क्रिन लावण्यात आलेली आहे, त्यावरती गाणी सुरू आहेत. तर छोट्या स्टेजच्या खाली काही महिला आणि काही लोक नाचताना दिसत आहेत. मागून स्क्रिनवरून येणाऱ्या प्रकाशामुळे काहींचे चेहरे दिसत नाही.मात्र महिला आणि काही पुरूष हे त्या ठिकाणी नाचताना दिसत आहेत.
प्रांताधिकारी अनिल दौंडे काय म्हणालेत?
विधानसभा निवडणूक 2024 मतमोजणी झाल्यानंतर खेड विधानसभा मतदारसंघातील सर्व निवडणूक प्रक्रिया सुलभ आणि शांततेत पार पडल्यानंतर त्यानिमित्त सर्व विभागाचे अधिकारी कर्मचारी यांना प्रोत्साहन देण्याने आणि त्यांच्या कामासाठी शाब्बासकीची थाप देण्यासाठी एक स्नेहभोजनाचा कार्यक्रम आयोजित करण्यात आला होता. त्या कार्यक्रमाच्या निमित्ताने सर्वजण त्या हिरवळीवर जमले होते. सर्व वेगवेगळ्या विभागाच्यांना प्रमाणपत्र वितरण करून त्यांचा सन्मान केला. त्यांना प्रोत्साहन दिलं त्यानंतर एक स्नेहभोजनाचा कार्यक्रम आयोजित केला होता. त्यामध्ये प्रशासनातील सर्व विभागातील जमलेले होते. सदर कार्यक्रमाच्या दरम्यान एक संस्कृती कार्यक्रम आयोजित करण्यात आलेला होता. त्यामध्ये वेगवेगळे कलागुण कर्मचारी अधिकारी दाखवत होते. त्यानुसार तो कार्यक्रम पार पडला त्यानंतर शेवटी सर्वांनी आनंद व्यक्त करण्यासाठी डान्स केला.
महत्त्वाच्या बातम्या
