वंचितने उमेदवार बदलला! संजीव कलकोरी ऐवजी परमेश्वर रणशूर यांना उमेदवारी, दौलत कादर खान यांनाही लोकसभेचं तिकीट

Vanchit Candidate List : मुंबई ईशान्यमधून दौलत कादर खान यांना वंचितकडून उमेदवारी देण्यात आली आहे. वंचितकडून मुंबई उत्तर मध्य आणि दक्षिण मुंबईचा उमेदवार जाहीर होणं अद्याप बाकी आहे.

Vanchit Candidate List

मुंबई : वंचित बहुजन आघाडीकडून (Vanchit Bahujan Aghadi) मुंबई उत्तर पश्चिम (Mumvai North Weat Constituency) मतदारसंघातून उमेदवार बदलला आहे. संजीव कलकोरी ऐवजी परमेश्वर रणशूर यांना वंचित बहुजन आघाडीने निवडणुकीच्या रिंगणात उतरवलं आहे. मुंबई उत्तर पश्चिम मतदारसंघातून आधी भाजपच्या मुंबई उत्तर पश्चिमचे जिल्हाध्यक्ष संजीव कलकोरी हे उमेदवार होते, त्यांच्याऐवजी आता परमेश्वर रणशूर यांना लोकसभेचं तिकीट देण्यात आलं आहे. मुंबई ईशान्यमधून दौलत कादर खान यांना वंचितकडून उमेदवारी देण्यात आली आहे. वंचितकडून मुंबई उत्तर मध्य आणि दक्षिण मुंबईचा उमेदवार जाहीर होणं अद्याप बाकी आहे.

वंचित बहुजन आघाडीच्या स्टार प्रचारकांची यादी जाहीर

वंचित बहुजन आघाडीच्या वतीने लोकसभा निवडणुकीत स्टार प्रचारकांची यादी जाहीर करण्यात आली आहे. यामध्ये 20   नावांचा समावेश आहे. वंचित बहुजन आघाडीच्या स्टार प्रचारकांची नावे पुढीलप्रमाणे आहेत.

1. ॲड. प्रकाश आंबेडकर
2. रेखा ठाकूर
3. धैर्यवर्धन पुंडकर
4. किसन चव्हाण
5. सोमनाथ साळुंखे
6. गोविंद दळवी
7. दिशा शेख
8. फारुक अहमद
9. निलेश विश्वकर्मा
10. राजेंद्र पातोडे
11. हेमराज उईके
12. इम्तियाज नदाक
13. अरुण जाधव
14. सुजात आंबेडकर
15. जावेद कुरेशी
16. सिद्धार्थ मोकळे
17. अंजलीताई आंबेडकर
18. तय्यब जफर
19. सर्वजित बनसोडे
20. अमित भुईगळ