Congress Manifesto 2022: 1 लाख नोकऱ्या, महिलांना दरमहा 1500 रुपये; हिमाचल प्रदेशसाठी काँग्रेसने प्रसिद्ध केला जाहीरनामा
Himachal Pradesh Congress Manifesto: हिमाचल प्रदेश विधानसभा निवडणुकीसाठी काँग्रेसने आपला जाहीरनामा प्रसिद्ध केला आहे. पहिल्या मंत्रिमंडळ बैठकीत 1 लाख नोकऱ्या देणार असल्याचं काँग्रेसनं जाहीरनाम्यात म्हटलं आहे.
Himachal Pradesh Congress Manifesto: हिमाचल प्रदेश विधानसभा निवडणुकीसाठी काँग्रेसने आपला जाहीरनामा प्रसिद्ध केला आहे. पहिल्या मंत्रिमंडळ बैठकीत 1 लाख नोकऱ्या देणार असल्याचं काँग्रेसनं जाहीरनाम्यात म्हटलं आहे. यासोबतच जुनी पेन्शन बहाल करण्याचीही चर्चा जाहीरनाम्यात आहे. याशिवाय 'हर घर लक्ष्मी' अंतर्गत महिलांना दरमहा 1500 रुपये देण्याचे आश्वासन देण्यात आले आहे.
काँग्रेसने आपल्या जाहीरनाम्यात प्रत्येक विधानसभेत 4 इंग्रजी माध्यमाच्या शाळा आश्वासन दिले आहे. यासोबतच केंद्रात सरकार स्थापन झाल्यास 4 वर्षांचा लष्करी सेवेचा नियम मागे घेण्याची घोषणा जाहीरनाम्यात करण्यात आली आहे. यासोबतच काँग्रेस सरकार कृषी आणि फलोत्पादन आयोगाची स्थापना करणार असून त्यात शेतकरी आणि बागायतदारांना पुरेसे प्रतिनिधित्व दिले जाणार आहे. काँग्रेसने आपल्या जाहीरनाम्यात काय आश्वासन दिले आहे ते जाणून घेऊया.
हिमाचल भ्रष्टाचारमुक्त पारदर्शक प्रशासन
- एक लाख सरकारी नोकऱ्या देण्याचा निर्णय मंत्रिमंडळाच्या पहिल्या बैठकीत घेण्यात येणार.
- राजकीय कारणावरून कर्मचाऱ्यांना त्रास देण्यासाठी जयराम सरकार यांनी केलेल्या सर्व बदल्या रद्द केल्या जातील.
शेती आणि फलोत्पादन
- काँग्रेस सरकार कृषी आणि फलोत्पादन आयोग स्थापन करणार असून, त्यात शेतकरी आणि बागायतदार पुरेसे प्रतिनिधित्व दिले जाईल. शेतकरी आणि बागायतदारांच्या सल्ल्याने हे आयोग किंमत ठरवेल.
- आयोगाच्या सल्ल्यानुसार, सफरचंदाच्या प्रत्येक श्रेणीसाठी किमान आधारभूत किंमत जाहीर केली जाईल. यापेक्षा कमी किमतीत सफरचंद खरेदी करण्यास कोणालाही बंदी घालण्यात येईल.
- सोलन जिल्ह्यात फूड प्रोसेसिंग पार्क उभारण्यात येणार आहे.
दुग्धव्यवसाय विकास, पशुसंवर्धन, मत्स्यव्यवसाय
- शासनाकडून प्रत्येक पशुपालकांकडून दररोज दहा लिटर दूध खरेदी केले जाणार आहे. यामुळे पशुधन मालकांना प्रोत्साहनही मिळेल आणि भटक्या जनावरांचा त्रासही कमी होईल.
- गोमालकांकडून शेण दोन रुपये किलो दराने खरेदी केले जाणार आहे. या शेणापासून वर्मी कंपोस्ट तयार केले जाते. यात बदल करण्यासाठी पंचायत स्तरावर यंत्रणा तयार करण्यात येणार आहे.
- जनावरांच्या चाऱ्यासाठी विशेष अनुदान दिले जाईल. प्रति कुटुंब 4 गायींच्या खरेदीवर अनुदान.
पर्यटन
- नवीन पर्यटन धोरण
- गावांमध्ये पर्यटनाला चालना देण्यासाठी 'स्मार्ट व्हिलेज' प्रकल्प सुरू करण्यात येणार आहे. या गावांमध्ये पर्यटनाच्या आधुनिक सुविधा विकसित केल्या जातील.
- टॅक्सी सेवा हा पर्यटनाचा अविभाज्य भाग असून गेल्या पाच वर्षांत टॅक्सी चालकांची अवस्था दयनीय झाली आहे. टॅक्सी व्यवसायात येणाऱ्या तरुणांना काँग्रेस सरकार कमी व्याजदरात कर्ज देणार.
- टॅक्सी परमिट कालावधी 10 ऐवजी 15 वर्षे.
LIVE: Congress releases manifesto for Himachal Pradesh assembly elections at HPCC office in Shimla. #हिमाचल_कांग्रेस_प्रतिज्ञा_पत्रhttps://t.co/n1MRPSaPAT
— Himachal Congress (@INCHimachal) November 5, 2022
महत्त्वाच्या बातम्या
