Devendra Fadnavis : अजितदादांसोबत नॅचरल युती नव्हती, राजकीय युती, पुढील काही वर्षात ती नॅचरल होईल : देवेंद्र फडणवीस

Devendra Fadnavis on Ajit Pawar, मुंबई : "अजित पवार (Ajit Pawar) यांच्याशी केलेली युती नॅचरल युती नव्हती. ती राजकीय युती होती. आजही आमची आणि अजितदादांची युती राजकीय आहे."

Photo Credit - abp majha reporter

Source : ABPLIVE AI

Devendra Fadnavis on Ajit Pawar, मुंबई : "अजित पवार (Ajit Pawar) यांच्याशी केलेली युती नॅचरल युती नव्हती. ती राजकीय युती होती. आजही आमची आणि अजितदादांची युती राजकीय आहे. कदाचित या निवडणुकीत ती थोडी सेटल झाली. पुढील काही निवडणुकांमध्ये आणखी सेटल होईल. पुढील 5-10 वर्ष गेले तर कदाचित त्यांच्यासोबतची युतीही नॅचरल होईल. आजच अजितदादांशी युती नॅचरल आहे असं विचारत असाल तर ती नाहीये. मी याबाबत स्पष्टपणे बोलतो", असं उपमुख्यमंत्री देवेंद्र फडणवीस (Devendra Fadnavis) म्हणाले. ते एका वृत्तवाहिनीला दिलेल्या मुलाखतीत बोलत होते. 

विधानसभा निवडणूक महायुती एकत्रित लढणार 

पुढे बोलताना देवेंद्र फडणवीस म्हणाले, विधानसभा निवडणुकीपूर्वी अजित पवारांची महायुतीतून एक्झिट वगैरे होणार नाही. आम्ही तिन्ही पक्ष आणि इतर छोटे पक्ष आम्ही एकत्रितपणे निवडणुकीला सामोरे जाणार आहोत. महायुती जी लोकसभेला होती, तीच महायुती विधानसभेला असणार आहे. 

राजकीय फायद्यासाठी फोटो व्हायरल करण्यात आले

देवेंद्र फडणवीस म्हणाले, छत्रपती शिवाजी महाराज हे महाराष्ट्राचं, हिंदुस्तानचं आराध्य दैवत आहे. पुतळा कोसळला त्या घटनेचं ज्या प्रकारे राजकारण केलं जातं. आपल्या दैवताचे मूर्ती भंजन झाल्यानंतर आपण त्याचे फोटो व्हायरल करतो का? राजकीय फायद्यासाठी फोटो व्हायरल करण्यात आले. अशावेळी वक्तव्य अतिशय संवेदनशीलपणे केली पाहिजेत. 

लोकसभा निवडणुकीत महायुतीला महाराष्ट्रात अपयश 

उपमुख्यमंत्री अजित पवार यांनी जुलै 2023 मध्ये भाजप सोबत जाण्याचा निर्णय घेतला. दरम्यान, अजित पवार यांच्या महायुतीतील प्रवेशानंतर उपमुख्यमंत्री देवेंद्र फडणवीस यांच्यावर विरोधी पक्षांनी जोरदार टीका केली होती. अजित पवारांवर देवेंद्र फडणवीस यांनी भ्रष्टाचाराचे आरोप केले होते. आता त्याचा अजित पवारांसोबत त्यांनी युती केल्याची टीका विरोधी पक्षांनी सातत्याने केली आहे. दरम्यान लोकसभा निवडणुकीत अजित पवार , एकनाथ शिंदे आणि भाजप एकत्रितपणे निवडणकीला सामोरे गेले. मात्र, लोकसभा निवडणुकीत महायुतीला महाराष्ट्रात पराभवला सामोरे जावे लागले. 

इतर महत्वाच्या बातम्या