Eknath Shinde Delhi Visit: एकनाथ शिंदे आठवड्यात दुसऱ्यांदा दिल्ली दौऱ्यावर, बड्या नेत्यांच्या गाठीभेटीची शक्यता, काय आहे कारण?
Eknath Shinde Delhi Visit: एकनाथ शिंदे एका आठवड्यात दुसऱ्यांदा दिल्लीला जाणार आहेत, जिथे ते भाजप नेत्यांच्या भेटी घेणार आहेत. उपराष्ट्रपती निवडणुकीपूर्वी त्यांची शिवसेना खासदारांसोबतची भेट होण्याची शक्यता आहे.
Eknath Shinde Delhi Visit: महाराष्ट्राचे उपमुख्यमंत्री एकनाथ शिंदे (Eknath Shinde Delhi Visit) आज (मंगळवार, 5 ऑगस्ट) दिल्ली दौऱ्यावर जात आहेत. सूत्रांनी दिलेल्या माहितीनुसार, एकनाथ शिंदे काही वरिष्ठ भाजप नेत्यांना भेटणार आहेत. गेल्या आठवड्यातही एकनाथ शिंदे दोन दिवसांसाठी दिल्लीला गेले होते. भारताच्या उपराष्ट्रपतींच्या निवडणुकीपूर्वी, शिवसेना प्रमुख एकनाथ शिंदे खासदारांसोबत बैठक घेण्याची शक्यता आहे. सूत्रांच्या माहितीनुसार, शिवसेना खासदारांची दिल्लीत त्यांची पुन्हा भेट होऊ शकते.(Eknath Shinde Delhi Visit)
एकनाथ शिंदे यांच्या अलिकडच्या दिल्ली दौऱ्यानंतर आणि भेटीनंतर लगेचच होत असलेल्या या आठवड्यातील दिल्लीला दौऱ्यामुळे आणि गाठीभेटीमुळे त्यांच्या दौऱ्याकडे आणि त्यामागील कारणांकडे सर्वांचे लक्ष लागले आहे. एकनाथ शिंदे आज ( मंगळवार, 5) ऑगस्ट रोजी संध्याकाळी दिल्लीला रवाना होतील आणि रात्री 10.00 वाजताच्या सुमारास तेथे पोहोचतील. शिवसेनाप्रमुखांचा हा दौरा राजकीय आणि प्रशासकीय पातळीवर महत्त्वाचा मानला जात आहे.
एकनाथ शिंदे यांच्या अनेक बैठका
सूत्रांच्या माहितीनुसार, उद्या बुधवारी (6ऑगस्ट) एकनाथ शिंदे यांच्या अनेक बैठका होणार आहेत. शिंदे गटाच्या खासदारांसोबत एक बैठक आहे, ज्याकडे सर्वांचे लक्ष लागले आहे. एकनाथ शिंदे केंद्रीय गृहमंत्री अमित शहा यांचीही भेट घेण्याची शक्यता आहे.
उद्धव ठाकरे यांच्याआधी एकनाथ शिंदे दिल्लीत आले
शिवसेना युबीटी प्रमुख उद्धव ठाकरे 6 ते 8 ऑगस्ट दरम्यान दिल्ली दौऱ्यावर असणार आहेत. ते इंडिया आघाडीच्या बैठकीला उपस्थित राहण्यासाठी दिल्लीत येत आहेत. मात्र, त्यांच्या एक दिवस आधी एकनाथ शिंदे दिल्लीत येत असल्याने आणि नेत्यांच्या गाठीभेटी घेत असल्याने ते राजकीय वर्तुळात चर्चेचा विषय बनले आहेत. उद्धव ठाकरे दिल्लीत त्यांच्या खासदारांसोबत बैठक घेणार आहेत, त्याचबरोबर ते राहुल गांधी यांनी आयोजित केलेल्या दुपारच्या जेवणालाही उपस्थित राहतील.
एकनाथ शिंदे हे आठवडाभरापूर्वीही होते दिल्लीत
यापूर्वी, गेल्या आठवड्यातही, एकनाथ शिंदे यांचा दिल्ली दौरा अचानक नियोजित होता. महाराष्ट्र मंत्रिमंडळातील फेरबदलाबाबत त्यांनी अमित शहा यांची भेट घेतल्याची चर्चा होती. एकनाथ शिंदेंचा पुन्हा एकदा दिल्ली दौरा चर्चेत आला आहे. मागील आठवड्यात एकनाथ शिंदे यांनी दिल्ली दौरा केल्यानंतर पुन्हा एकदा आता एकनाथ शिंदे दिल्ली दौरा करणार आहेत. आज रात्री आठ वाजता एकनाथ शिंदे दिल्लीसाठी रवाना होतील, 10 वाजता पोहोचतील तर उद्या दुपारी मुंबई परततील. या दरम्यान एकनाथ शिंदे पुन्हा एकदा खासदारांसोबत बैठक घेणार असून इतर काही एनडीए नेत्यांना सुद्धा भेटणार असल्याची सूत्रांची माहिती आहे.
महत्त्वाच्या बातम्या
