मोठी बातमी : CM केजरीवाल यांच्या पत्नी सुनीता केजरीवाल यांनी घेतली शरद पवारांची भेट, पुण्यात मोठी राजकीय घडामोड
Sunita Kejriwal meets Sharad Pawar : दिल्लीचे मुख्यमंत्री अरविंद केजरीवाल यांच्या पत्नी सुनीता केजरीवाल यांनी राष्ट्रवादीचे सर्वेसर्वा शरद पवार यांची भेट घेतली आहे.
Sunita Kejriwal meets Sharad Pawar : दिल्लीचे मुख्यमंत्री अरविंद केजरीवाल यांच्या पत्नी सुनीता केजरीवाल यांनी राष्ट्रवादीचे सर्वेसर्वा शरद पवार यांची भेट घेतली आहे. पुण्यातील मोदी बागेत सुनीता केजरीवाल शरद पवारांच्या भेटीसाठी आल्या होत्या. यावेळी त्यांच्यासोबत आपचे खासदार संजय सिंह हेही उपस्थित होते. महाराष्ट्रात येत्या 3 महिन्यांत विधानसभा निवडणूका होणार आहेत, या पार्श्वभूमीवर ही महत्वाची घडामोड मानली जात आहे. शरद पवार आणि सुनीता केजरीवाल यांच्यामध्ये तब्बल अर्धा तास चर्चा झाल्याची माहिती आहे. दरम्यान, दोघांमध्यो कोणत्या मुद्द्यावर चर्चा झाली हे अद्याप स्पष्ट झालेले नाही.
आम आदमी पार्टी विधानसभा निवडणूक स्वबळावर लढणार?
काही दिवसांपूर्वी आम आदमी पार्टीच्या मुंबई अध्यक्षा प्रीती शर्मा मेनन यांनी प्रसारमाध्यमांशी बोलताना मोठं वक्तव्य केलं होतं. लोकसभा निवडणुकीत इंडिया आघाडी झाली, मात्र ती विधानसभा निवडणुकीसाठी नव्हती. विधानसभा निवडणुका हा वेगळा विषय आहे. आम्ही महाराष्ट्र विधानसभा निवडणूक स्वबळावर लढणार असून मुंबईतील 36 जागांवर उमेदवार उभे करणार असल्याचे प्रीती शर्मा यांनी सांगितले होते. त्या पार्श्वभूमीवर या भेटीला विशेष महत्त्व आले आहे.
इतर महत्वाच्या बातम्या
तुमच्यात शिस्त नाही, इकडे मला दादागिरी करायला आलात का? तुमचा रावसाहेब दानवेंना मदत करायचा धंदा सुरुय, जयंत पाटील कार्यकर्त्यांवर संतापले
महत्त्वाच्या बातम्या
ट्रेंडिंग न्यूज
