Ajit Pawar : मला फोन येतो, दादा पोटात घ्या, अरे काय पोटात घ्या, पोट फुटायला लागलं; अजित पवार संतापून नेमकं म्हणाले?
Ajit Pawar : आपली मुलं काय करत आहेत? हे लक्ष ठेवणं पालकांची नैतिक जबाबदारी आहे. ती जबाबदारी पालकांनी पार पाडावी, असेही अजित पवारांनी म्हटले आहे.
Ajit Pawar : "मला काही लोकांचा फोन येतो की, दादा पोटात या, पोटात घ्या. अरे काय पोटात घ्या? पोट फुटायला लागलंय. ज्यांनी फोन केला त्यांना शरम कशी वाटत नाही, असं सांगायला. सगळ्यांना नियम सारखाच आहे", असे वक्तव्य राज्याचे उपमुख्यमंत्री अजित पवार (Ajit Pawar) यांनी केले आहे. बारामतीत (Baramati News) दिव्यांगांना मोफत सायकल वाटप करण्यात आली. या कार्यक्रमातून उपमुख्यमंत्री अजित पवार बोलत होते.
अजित पवार म्हणाले की, बजेटमध्ये डीपीडीसीला 22,000 कोटी दिले. त्यातला एक टक्का दिव्यांगांसाठी खर्च करण्याचा तरतूद केली आहे. दिव्यांगांना सहानभूती नको तर समान संधी पाहिजे. बारामतीत विकास कामे करतो आहे. पण काही जण वेडे वाकडेपणा करतात. एक जण तर फुटपाथवर गाडी लाऊन गप्पा मारत होते. पोलिसांना गाडी जप्त करायला सांगितली आहे. बारामतीत मी आतापर्यंत जेवढं काम केलं तेवढं काम करणारा एकही आमदार तुम्हाला इथून पुढे मिळणार नाही. 1952 पासून आतापर्यंत जे आमदार झाले, त्यांनी काय कामे केलं ते पाहा आणि मी केलेलं काम पाहा. मी अजूनही काम करणार आहे, असे त्यांनी म्हटले.
'तो' ताप माझ्यावर निघाला तर अवघड व्हायचे
अजित पवार पुढे म्हणाले की, उन्हात कार्यक्रम आहे. सावलीत भाषण असतं तर बरं झालं असतं. उन्हात भाषण करायचं बरं वाटत नाही. बीडीओंना म्हटलं होतं, सावलीत कार्यक्रम घ्यायचा ना. उन्हात तुम्ही तापत आहात, तो ताप माझ्यावर निघाला तर अवघड व्हायचे, असे मिश्कील वक्तव्य त्यांनी यावेळी केले.
...तर मी मकोका लावीन
दिव्यांगांना पदोन्नतीमध्ये चार टक्के आरक्षण देण्याचा निर्णय आपण घेतला आहे. मी काय कायम तुमच्यासोबत नाही. काळाच्या पुढं काही करता येत नाही. पण, काम करताना नीट करतो. त्यामुळे पुढची लोकं म्हणतील, चांगलं काम केलं. परवा माझ्याकडे एक क्लिप आली. सीसीटीव्हीमध्ये रेकॉर्ड झालं. त्याच्यामध्ये एकाला मारहाण केली. कुत्र्याला जसं मारत असतील तसंच मारलं. मी पोलिसांना सांगितलं कोणीही असो त्याचा बंदोबस्त केला पाहिजे. हे जर पुढे असंच चालत राहिलं तर मी मकोका लावीन, असा इशारा देखील अजित पवारांनी यावेळी दिला.
अरे काय पोटात घ्या पोट फुटायला लागलं
अजित पवार पुढे म्हणाले की, आपली मुलं काय करत आहेत? हे लक्ष ठेवणं पालकांची नैतिक जबाबदारी आहे. ती जबाबदारी पालकांनी पार पाडावी. मला काही लोकांचा फोन येतो की, दादा पोटात या, पोटात घ्या. अरे काय पोटात घ्या? पोट फुटायला लागलंय. ज्यांनी फोन केला त्यांना शरम कशी वाटत नाही, असं सांगायला. सगळ्यांना नियम सारखाच आहे, असे यावेळी अजित पवारांनी ठणकावून सांगितले.
आणखी वाचा
महत्त्वाच्या बातम्या
