Nashik Samruddhi Highway Accident : समृद्धी महामार्गावर चालकाचं नियंत्रण सुटलं, कार डिव्हायडरला धडकली, चार जणांचा मृत्यू

Samruddhi Highway Accident : समृद्धी महामार्गावर अपघातांची मालिका सुरुच असून आज शिर्डी भरवीर या दुसऱ्या टप्प्यात भीषण अपघाताची घटना समोर आली आहे. रात्रीच्या सुमारास झालेल्या भीषण अपघातात चार जणांचा मृत्यू झाला.

Shirdi Samruddhi Highway Accident

Samruddhi Highway Accident : समृद्धी महामार्गावर (Samruddhi Mahamarg) अपघातांची (Accident) मालिका सुरुच असून आज शिर्डी (Shirdi) भरवीर या दुसऱ्या टप्प्यात भीषण अपघाताची घटना समोर आली आहे. रात्रीच्या सुमारास झालेल्या भीषण अपघातात चार जणांचा मृत्यू झाल्याचे समजते आहे. 

समृद्धी महामार्ग पहिल्या टप्प्यापासून चर्चेत आहे. सुरुवातीपासून अपघात होत असल्याने आतापर्यंत अपघातांची मालिका सुरुच आहे. अशातच नव्याने उद्घाटन केलेल्या शिर्डी भरवीर महामार्गावर सिन्नर परिसरात भीषण अपघात झाला आहे. या अपघातात चार जणांचा जागीच मृत्यू झाला आहे. त्यामुळे रोजच अपघात होत असलेल्या समृद्धी महामार्ग अपघाताचे केंद्र बनत चालल्याचे चित्र आहे.  

समृद्धी महामार्गावर सिन्नर शिवारात रविवारी (4 जून) मध्यरात्री इनोव्हा कारचा भीषण अपघात झाला असून त्यात चार जणांचा जागीच मृत्यू झाल्याची घटना घडली असून चार जण जखमी आहेत.

कसा झाला अपघात?

इनोवा कारमधील प्रवासी नातेवाईकांना हज यात्रेसाठी मुंबई येथे सोडून शिर्डीकडे परतत असल्याचे समजते. रविवारी मध्यरात्री बाराच्या सुमारास महामार्ग पोलीस केंद्र सिन्नर हद्दीतील हिंदू हृदयसम्राट बाळासाहेब ठाकरे समृद्धी महामार्गावर सिन्नर तालुक्यातील खापराळे शिवारात घोटी बाजूकडून शिर्डी बाजूकडे जाणाऱ्या इन्होवा कारवरील चालकाचे नियंत्रण सुटल्याने कार महामार्गाच्या मध्यभागी असलेल्या संरक्षण भिंतीवर जाऊन आदळल्याने अपघात झाला. 

चार जणांचा मृत्यू, चार जखमी

दरम्यान या अपघातात रज्जाक अहमद शेख, सत्तार शेख लाल शेख, सुलताना सत्तार शेख यांचा जागीच मृत्यू झाला. तर फैयाज दगुभाई शेख यांचा उपचार सुरु असताना मृत्यू झाला. जुबेर रज्जाक शेख, मैरूनिसा रज्जाक शेख, अझर बालन शेख, मुस्कान अजर शेख हे गंभीर जखमी झाले आहेत. सिन्नर येथे प्राथमिक उचारानंतर जखमींना तातडीने शिर्डी येथे पुढील उपचारांसाठी दाखल करण्यात आले आहे.

हेही वाचा