Nashik News : नाशिकची सीमा हैदर? मालेगाव शहरातील महिला एटीएसच्या रडारवर, काय आहे नेमकं प्रकरण?
Nashik News : नाशिकच्या मालेगाव (Malegaon) येथील असलेली एक महिला पाकिस्तानी नागरिकाशी पुनर्विवाह करून पुन्हा भारतात परतली आहे.
नाशिक : सीमा आणि सचिन (Seema Haidar) प्रकरण माहित नाही, असा माणूस शोधून सापडणार नाही. असंच काहीसं प्रकरण नाशिकमधून (Nashik) समोर आलं आहे. नाशिकच्या मालेगाव (Malegaon) येथील असलेली एक महिला पाकिस्तानी नागरिकाशी पुनर्विवाह करुन पुन्हा भारतात परतली आहे. सध्या या 32 वर्षीय विवाहित महिलेचा राज्याचे दहशतवाद विरोधी पथक केंद्रीय यंत्रणांकडून तपास केला जात असून एटीएसने याप्रकरणी महिलेचा जबाब नोंदवल्याचे समोर आले आहे.
मुंबई आंतरराष्ट्रीय विमानतळावर (Mumbai Airport) सुरक्षा देणाऱ्या सीआयएसएफ दल आणि नागरी विमान वाहतूक महासंचालनालय यांना अलीकडेच एक धमकीचा निनावी ई-मेल प्राप्त झाल्यानंतर तपास सुरु करण्यात आला. व्हर्च्युअल कम्युनिकेशनचा आधारे एक भारतीय महिला एका पाकिस्तानी नागरिकाला भेटल्याचे तपासात समोर आले. या पाकिस्तानी (Pakistan) कुटुंबातील सदस्य पाकिस्तानी गुप्तहेर संघटना आयएसआयमध्ये कार्यरत असल्याचे सांगितले जात आहे. त्यामुळे एटीएसच्या अधिकाऱ्यांनी महिलेची झाडाझडती घेतली असून एका पाकिस्तानी नागरिकाला भेटल्याचे तपासात समोर आले आहे. पाकिस्तानी नागरिकाशी पुनर्विवाह करुन नुकतीच परतल्याची ATS ची माहिती असून ATS ने या प्रकरणी महिलेचा जबाब नोंदवला असून मालेगावात पालकांच्या सोबत राहत असल्याचे समोर आलं आहे.
मुंबई आंतरराष्ट्रीय विमानतळावर सुरक्षा देणाऱ्या सीआयएसएफ दल आणि नागरी विमान वाहतूक महासंचालनालय यांना अलीकडेच एक धमकीचा निनावी ई-मेल प्राप्त झाल्यानंतर तपास सुरु करण्यात आला. व्हर्च्युअल कम्युनिकेशनचा आधारे एक भारतीय महिला पाकिस्तानी एका पाकिस्तानी नागरिकाला भेटल्याचे तपासात समोर आले. त्यानंतर तपासात ही महिला छत्रपती संभाजी नगर (Chatrapati Sambhajinagar) येथील रहिवासी असल्याचे निष्पन्न झाले. महिलेच्या व्यापारी पतीने डिसेंबर 2022 मध्ये स्थानिक सिडको पोलीस ठाण्यात तिच्या बेपत्ता झाल्याची तक्रार दाखल केली होती. एटीएसने महिलेच्या पतीचा जबाब नोंदवला असून ती महिला 4 ऑगस्टपासून मालेगावमध्ये तिच्या पालकांसोबत राहत असल्याचे सांगण्यात येत आहे. एटीएस अधिकारी महिलेच्या परदेशी प्रवासाच्या इतिहासाची पडताळणी करत आहेत. तसेच संशयित महिला कोणत्याही भारतविरोधी कारवायांमध्ये सामील आहे की नाही, याचा तपासही एटीएस करीत आहे
काय आहे प्रकरण?
औरंगाबाद शहरातील संबंधित विवाहित महिलेची सोशल मीडियावर विदेशी तरुणासोबत ओळख झाली होती. पुढे ओळखीचे रुपांतर प्रेमात झाले. पुढे डिसेंबर महिन्यात ही महिला प्रियकराच्या मदतीने सौदीला गेली. या प्रकरणी तिच्या पतीने पोलीस ठाण्यात नोंद केली. या काळात काही महिने ती सौदी अरेबिया आणि इतर देशांमध्ये राहिली. दरम्यान, ऑगस्टच्या पहिल्या आठवड्यात ती पुन्हा भारतात परतली. पण औरंगाबादला पतीच्या घरी न जाता नाशिक जिल्ह्यातील मालेगाव येथील माहेरी आली. सध्या ती तेथेच राहत आहे. असे असतानाच औरंगाबाद पोलिसांना या महिलेबाबत 28 ऑगस्टला एक ई मेल प्राप्त झाला आहे. विदेशात गेल्यावर ही महिला देशविघातक कृत्यात सहभागी झाल्याचा उल्लेख मेलमध्ये करण्यात आल्याचे समजतंय.
इतर महत्वाची बातमी :
महत्त्वाच्या बातम्या
ट्रेंडिंग न्यूज
