Vidarbha Activists : उपमुख्यमंत्री देवेंद्र फडणवीसांच्या निवासस्थानाबाहेर विदर्भवाद्यांचा मोर्चा, विदर्भ आणि वीज दराबाबत आक्रमक

Nagpur News : नागपुरात विदर्भवादी आक्रमक झाले आहेत. उपमुख्यमंत्री देवेंद्र फडणवीस यांच्या नागपूरमधील निवासस्थानाबाहेर यांच्या घराबाहेर विदर्भवादी कार्यकर्त्यांकडून आंदोलन करण्यात येत आहे. 

Nagpur Vidarbha Activists Protest

Nagpur Vidarbha Activists Protest : ऑगस्ट क्रांती दिनाच्या निमित्तानं आज विदर्भवादी कार्यकर्त्यांनी (Vidarbha Activists) उपमुख्यमंत्री देवेंद्र फडणवीस (Deputy Chief Minister Devendra Fadnavis) यांच्या घराबाहेर आंदोलन केलं. नागपुरात विदर्भवादी आक्रमक झाले आहेत. उपमुख्यमंत्री देवेंद्र फडणवीस यांच्या नागपूरमधील निवासस्थानाबाहेर यांच्या घराबाहेर विदर्भवादी कार्यकर्त्यांकडून आंदोलन करण्यात येत आहे. उपमुख्यमंत्री देवेंद्र फडणवीसांच्या निवासस्थानाबाहेर काही विदर्भवादी आंदोलकांना पोलिसांनी ताब्यात घेतलं आहे. फडणवीस यांच्या घराबाहेर पोलिसांचा कडेकोट बंदोबस्त तैनात करण्यात आला आहे. विदर्भावादी कार्यकर्ते आक्रमक झाल्याचं येथे पाहायला मिळत आहे.

फडणवीसांच्या घराबाहेर विदर्भवाद्यांचा मोर्चा

विदर्भवादी आंदोलकांना वसंतराव नाईक झोपडपट्टी परिसरात अडवण्यात आलं आहे. संविधान चौकापासून आंदोलकांचा लाँग मार्च सुरु झाला. सुरुवातीला मोर्चा शांततेनं निघाला होता, त्यानंतर पोलिसांनी आंदोलकांना अडवल्यावर आंदोलक आक्रमक झाल्याचं पाहायला मिळालं. आंदोलक पोलिसांनी लावलेले बॅरिगेट्स ओलांडून फडणवीसांच्या घराकडे जाण्याचा प्रयत्न करत होते. यादरम्यान, पोलिसांना काही आंदोलकांना ताब्यात घेतलं आहे. (Nagpur Vidarbha Activists Protest)

विदर्भ राज्य आणि वीज दरासंदर्भात विदर्भवादी आक्रमक

वेगळं विदर्भ राज्य ही विदर्भवादी आंदोलकांची प्रमुख मागणी आहे. यासोबतच विज दरवाढीसाह इतर मागण्यांसाठी विदर्भवाद्यांनी हे आंदोलन पुकारलं आहे. विदर्भामध्ये काही जुने औष्णिक वीज प्रकल्प आहेत, त्यासोबतच नव्यानेही प्लांट उभारले जात आहेत. मात्र, विदर्भातील जनतेला त्याचा कोणताही फायदा होत नाही. विदर्भातील जनतेला वीज दरात सूट देण्यात यावी, अशी आंदोलकांची मागणी आहे. उलट औष्णिक वीज प्रकल्पांमुळे प्रदूषणात वाढ होत आहे. त्यामुळे या प्रकल्पांना विदर्भवाद्यांचा विरोध आहे.

पाहा व्हिडीओ : विदर्भवादी कार्यकर्त्यांचं देवेंद्र फडणवीसांच्या निवासस्थानाबाहेर आंदोलन

 

फडणवीस यांच्या निवास्थानच्या पोलीस सुरक्षेत वाढ

विदर्भवाद्यांच्या आंदोलनाच्या पार्श्वभूमीवर उपमुख्यमंत्री देवेंद्र फडणवीस यांच्या निवास्थानच्या पोलीस सुरक्षेत वाढ करण्यात आली आहे. आगस्ट क्रांतिदिनाच्या निमित्ताने आज विदर्भवादी वीज दरवाढ आणि अन्न धान्यावरील जीएसटीच्या विरोधात उपमुख्यमंत्री आणि राज्याचे ऊर्जा मंत्री देवेंद्र फडणवीस यांच्या नागपूरच्या घरावर लाँगमार्च काढण्यात आला.  संविधान चौकातून विदर्भवाद्यांच्या या लाँग मार्चला सुरुवात झाली आणि धरमपेठ येथील निवास्थानवर मोर्चा पुकारण्यात आला. या पार्श्वभूमीवर पोलिसांनी संविधान चौक आणि धरमपेठ भागात पोलीस बंदोबस्त वाढवला.

महत्त्वाच्या इतर बातम्या :