Novak Djokovic : तब्बल 24 वेळचा ग्रँडस्लॅम चॅम्पियन नोव्हाक जोकोविचने ऑस्ट्रेलियन ओपनची सेमीफायनल अर्ध्यात सोडली; प्रेक्षकांची जोरदार घोषणाबाजी
Novak Djokovic : जोकोविच म्हणाला की, मी स्नायूंच्या दुखापतीवर नियंत्रण ठेवण्यासाठी शक्य ते सर्व प्रयत्न केले, परंतु पहिला सेट संपल्यानंतर मला आणखी वेदना जाणवू लागल्या आणि ते हाताळणे खूप कठीण झाले.
Novak Djokovic : तब्बल 24 वेळचा ग्रँडस्लॅम चॅम्पियन नोव्हाक जोकोविचने ऑस्ट्रेलियन ओपन 2025 च्या उपांत्य फेरीतील सामन्यातून माघार घेतली. जोकोविचने दुखापतीमुळे सामन्यातून माघार घेण्याचा निर्णय घेतला. जोकोविचने माघार घेतल्याने त्याचा प्रतिस्पर्धी जागतिक क्रमवारीत दुसऱ्या क्रमांकावर असलेल्या अलेक्झांडर झ्वेरेव्हला वॉकओव्हर मिळाला आणि तो प्रथमच या ग्रँडस्लॅमच्या अंतिम फेरीत पोहोचला. मेलबर्नच्या रॉड लेव्हर एरिना येथे झालेल्या पहिल्या सेटमध्ये जोकोविचला 7-6 असा पराभव स्वीकारावा लागला.
ऑलिम्पिक टेनिस चॅम्पियन जोकोविचने बुधवारी पुरुष एकेरीच्या उपांत्यपूर्व फेरीत तिसऱ्या मानांकित स्पेनच्या कार्लोस अल्काराझचा चार सेटपर्यंत रंगलेल्या लढतीत पिछाडीवर पडून पराभव केला होता. जोकोविच ऑस्ट्रेलियन ओपनमधील पुरुष एकेरीतील सर्वात यशस्वी खेळाडू आहे. त्याने हे विजेतेपद 10 वेळा जिंकले आहे.
🚨 Novak Djokovic has retired from the #AusOpen semi-final with injury 🚨
— Eurosport (@eurosport) January 24, 2025
Djokovic stuns the Melbourne crowd as he shakes Alexander Zverev's hand and departs the court after just one set 😱 pic.twitter.com/LUxT3MvRq9
पहिला सेट संपल्यानंतर मला आणखी वेदना जाणवू लागल्या
सामन्यातून माघार घेतल्यानंतर मीडियाशी बोलताना जोकोविच म्हणाला की, मी स्नायूंच्या दुखापतीवर नियंत्रण ठेवण्यासाठी शक्य ते सर्व प्रयत्न केले, परंतु पहिला सेट संपल्यानंतर मला आणखी वेदना जाणवू लागल्या आणि ते हाताळणे खूप कठीण झाले. जोकोविचने माघार घेतल्यानंतर रॉड लेव्हर एरिना येथे उपस्थित प्रेक्षकांनी जोकोविचविरोधात जोरदार घोषणाबाजी सुरू केली. यानंतर झ्वेरेवने त्याचा बचाव केला. झ्वेरेव म्हणाला की, दुखापतीमुळे बाहेर गेल्यास कृपया कोणत्याही खेळाडूला चिडवू नका. मला माहित आहे की प्रत्येकजण तिकिटांसाठी पैसे देतो, परंतु नोवाकने गेल्या 20 वर्षांमध्ये खेळासाठी सर्व काही दिले आहे.
झ्वेरेवने अद्याप एकही ग्रँडस्लॅम जिंकलेला नाही
जागतिक क्रमवारीत -2 अलेक्झांडर झ्वेरेव्ह त्याच्या पहिल्या ग्रँडस्लॅम विजेतेपदाच्या शोधात आहे. तो पहिल्यांदाच ऑस्ट्रेलियन ओपनच्या अंतिम फेरीत पोहोचला आहे. गतवर्षी ग्रँडस्लॅमच्या उपांत्य फेरीत त्याला पराभवाचा सामना करावा लागला होता.
जोकोविचच्या नावावर 24 ग्रँडस्लॅम
जोकोविचने त्याच्या कारकिर्दीत 24 ग्रँडस्लॅम जिंकले आहेत, त्यापैकी त्याने ऑस्ट्रेलियन ओपन सर्वाधिक 10 वेळा जिंकली आहे. जोकोविचने 7 वेळा विम्बल्डनचे विजेतेपदही जिंकले आहे. त्याच्या नावावर 4 यूएस ओपन आणि 3 फ्रेंच ओपनची विजेतेपदे आहेत. दरम्यान, महिला एकेरीचा अंतिम सामना साबालेन्का आणि कीज यांच्यात होणार आहे. साबालेंकाने सलग तिसऱ्यांदा ग्रँडस्लॅमच्या अंतिम फेरीत धडक मारली. 25 जानेवारीला होणाऱ्या विजेतेपदाच्या लढतीत तिचा सामना अमेरिकेच्या मॅडिसन कीजशी होणार आहे.
दुसरीकडे, हे वर्षातील पहिले ग्रँडस्लॅम म्हणजे टेनिसमध्ये 4 ग्रँडस्लॅम आहेत. जानेवारीमध्ये ऑस्ट्रेलियन ओपनपासून सुरू होणारी चारही स्पर्धा दरवर्षी आयोजित केली जातात. फ्रेंच ओपन मे आणि जूनमध्ये होते. विम्बल्डन जुलैमध्ये आणि यूएस ओपन ऑगस्ट-सप्टेंबरमध्ये आयोजित केले जाते. यूएस ओपन हे वर्षातील शेवटचे ग्रँडस्लॅम आहे.
इतर महत्वाच्या बातम्या
महत्त्वाच्या बातम्या
