Nagpur Bogus Teacher Scam: बोगस शिक्षक भरती घोटाळ्यात खळबळजनक अपडेट, नागपूरातील भाजपच्या बड्या नेत्याचं नाव समोर आलं
Nagpur Bogus Teacher Scam : नागपूर जिल्ह्यात गाजत असलेल्या बोगस शिक्षक भरती घोटाळा प्रकरणात मोठी कारवाई करण्यात आली आहे.
Nagpur Bogus Teacher Scam नागपूर : नागपूर जिल्ह्यात गाजत असलेल्या बोगस शिक्षक भरती घोटाळा प्रकरणात मोठी कारवाई करण्यात आली आहे. विठ्ठल-रुख्मिणी बहुउद्देशीय शिक्षण संस्थेचे अध्यक्ष दिलीप धोटे यांना या प्रकरणात अटक करण्यात आली आहे. या प्रकरणाच्या तपासात प्रत्येक शिक्षकाकडून 15 लाख रुपये नोकरी लावण्यासाठी घेण्यात आल्याचे समोर आले असून, हे पैसे दिलीप धोटे यांनी घेतल्याचा एसआयटीला संशय आहे. अटक करण्यात आलेले दिलीप धोटे हे मोहपा (ता. कळमेश्वर) येथील भाजपचे (BJP) स्थानिक नेते आहेत. त्यामुळे नागपूर जिल्ह्यासह राज्यात गाजत असलेल्या बोगस शिक्षक भरती घोटाळ्यात (Nagpur Bogus Teacher Scam) आता नागपूरातील भाजपच्या (BJP) नेत्याचं नाव समोर आल्याने राजकीय वर्तुळात एकच खळबळ आहे.
नेमकं प्रकरण काय?
नागपूरसह राज्यात गाजत असलेल्या शिक्षण विभागातील 580 शिक्षक भरती घोटाळ्यामुळे राज्यात एकच खळबळ उडाली होती. नागपूर जिल्ह्यात खासगी प्राथमिक शाळांमध्ये एक दोन नव्हे तर तब्बल 580 शिक्षकांची बोगस पद्धतीने नियुक्त करण्यात आल्याचा काळाबाजार उघड झाला आहे. दरम्यान, या घोटाळ्याबाबत मुख्यमंत्री देवेंद्र फडणवीस यांच्याकडून गंभीर दखल घेण्यात आली असून प्रशासनाला कारवाईचे सक्त आदेश देण्यात आलेले आहे. बनावट शालार्थ आयडीद्वारे शिक्षक आणि शिक्षकेत्तर कर्मचाऱ्यांच्या नियुक्त्या करुन सरकराला कोट्यवधीची चुना लावण्यात आल्याचे उजेडात आले आहे.
बोगस शिक्षकांशी संबंधित शालार्थ आयडी म्हणजेच त्यांचा वेतन देण्यासाठीच्या संगणिकृत प्रक्रिये संदर्भात अनेक डिव्हाईस (डेस्कटॉप कम्प्युटर, लॅपटॉप, मोबाईल फोन) वेगवेगळ्या लोकेशन्सवरून वेगवेगळ्या आयपी ऍड्रेसद्वारे वापरले गेल्याचे दिसून येत आहे. तर मोठ्या संख्येने वेगवेगळे लोकेशन्स किंवा आयपी ऍड्रेस किंवा डिवाइस वापरले गेल्याचे प्राथमिक दृष्ट्या दिसून येत आहे. त्यामुळे सायबर सेल समोर या घोटाळ्याचा तपास करणं एक मोठं आव्हान होऊन बसले आहे. या प्रकरणी एकट्या नागपूर विभागात झालेल्या 580 शिक्षक आणि शिक्षकेत्तर कर्मचाऱ्यांच्या नियुक्त्यांची चौकशी सुरु करण्यात आली आहे. तर प्रत्येक बोगस नियुक्तीसाठी 20 ते 35 लाख रुपये घेतल्याची माहिती सुत्रांनी दिली आहे. त्यामुळे बोगस शिक्षकांच्या बँक खात्यात पगार जमा झाल्याच्या नोंदीही आता पोलीस तपासणार असल्याची माहिती आहे.
इतर महत्वाच्या बातम्या
महत्त्वाच्या बातम्या
