Abu Bakar arrested : अबू बकरच्या अटकेनंतर भारताला मोठं यश, ठोस पुरावे हाती लागण्याची शक्यता - उज्वल निकम

1993 साली मुंबईत वेगवेगळ्या ठिकाणी 12 साखळी बॉम्ब स्फोट घडवण्यात आले होते.अनेक नागरिक या दहशतवादी हल्ल्यात ठार झाले होते.

ujjwal_nikam_1

मुंबई : 1993 साली मुंबई बॉम्बस्फोटातील (mumbai blast)मुख्य सूत्रधार दहशतवादी अबू बकरला ( Abu Bakar) अटक करण्यात आल्याचं वृत्त कळतंय. यूएईमधील (UAE) भारतीय एजन्सीने (indian agency) ही माहिती दिली. तब्बल 27 वर्षानंतर अबू बकरला युएई मधून अटक करण्यात आल्याने याचा फायदा भारतीय तपास यंत्रणेला होणार असल्याचे वक्तव्य सरकारी वकील उज्ज्वल निकम (ujjwal nikam)यांनी केले आहे. अबू बकरच्या अटकेनंतर आणखी ठोस पुरावे हाती लागण्याची शक्यता असल्याने त्याला लवकरात लवकर भारतात आणावे असे निकम यांनी सांगितले.

१९९३ मुंबई बॉंम्बस्फोट : तब्बल 12 साखळी बॉम्बस्फोट

परदेशातील एका मोठ्या ऑपरेशनमध्ये भारतीय एजन्सीला (Indian Agencies) मोठं यश आलं असल्याचं वृत्त इंडिया टुडेनं दिलंय. 1993 साली झालेल्या मुंबई बॉम्ब स्फोटाचील मोस्ट वॉन्टेड आरोपी असलेला दहशतवादी अबू बकला यूएईतून अटक करण्यात आली आहे. 1993 साली मुंबईतील ( Mumbai Serial Bomb Blast) वेगवेगळ्या ठिकाणी 12 साखळी बॉम्ब स्फोट घडवण्यात आले होते. तब्बल 257 लोक या दहशतवादी हल्ल्यात ठार झाले होते, तर 700 हून अधिक लोक गंभीर जखमी झाले होते. तब्बल 29 वर्षानंतर अबू बकर नावाचा मुंबई बॉम्बस्फोट हल्ल्यातील आरोपी भारतीय यंत्रणांच्या हाती लागला असल्याचं वृत्त इंडिया टुडेच्या सूत्रांनी दिलं आहे. अबू बकर हा पाकव्याप्त काश्मिरात शस्त्रास्त्र आणि स्फोटकांचं प्रशिक्षण देत असल्याचा संशय व्यक्त केला जात होता. मुंबई हल्ल्यात वापरण्यात आलेलं आरडीएक्सचं लॅन्डिंग आणि दाऊबसोबत दुबईतून कट रचण्यात बकरचा हात असल्यामुळे भारतीय यंत्रणा त्याच्या मागावर होत्या. अखेर एका मोठ्या ऑपरेशननंतर अबू बकरला पकडण्यात भारतीय यंत्रणांना यश आलं असल्याचं वृत्त हाती येतंय.

 

अबू बकरला लवकरच भारतात आणलं जाणार
इंडिया टुडेने दिलेल्या वृत्तानुसार, 1993च्या बॉम्बस्फोटाचा मुख्य सूत्रधार अबू बकर असून तो यूएई (UAE) आणि पाकिस्तानात (Pakistan) राहत होता. यूएईमधील भारतीय एजन्सीच्या माहितीनुसार त्याला नुकतच पकडण्यात आल्याचं कळतंय. 2019मध्येही बकरला अटक करण्यात आली होती. मात्र काही कागदपत्रांच्या अडचणींमुळे तो यूएई अधिकाऱ्यांच्या ताब्यातून सटकण्यात यशस्वी झाला होता. अखेर आता त्याला पुन्हा एकदा अटक करण्यात आली असून लवकरच भारतात आणलं जाणार असल्याचं वृत्त हाती येतंय. इंडिया टुडेच्या सूत्रांनी याबाबतचं वृत्त दिलं असून भारतीय यंत्रणांच्या कामगिरीला मोठं यश आलं असल्याचा विश्वास व्यक्त केला जातोय.