मुंबईत लोकलसमोर लोखंडी ड्रम ठेवून घातपाताचा प्रयत्न, मोटरमनच्या सतर्कतेमुळे मोठा अनर्थ टळला, पोलिसांत गुन्हा दाखल

Mumbai Local News : मुंबईत लोकलसमोर लोखंडी ड्रम ठेवून अज्ञात इसमाचा घातपाताचा प्रयत्न उधळून लावला आहे. मोटरमनच्या सतर्कतेमुळे मोठा अनर्थ टळला असून याप्रकरणी पोलिसांत गुन्हा दाखल करण्यात आला आहे.

Mumbai Local News

Mumbai Local News : मुंबईत लोकलसमोर (Mumbai Local) रुळावर लोखंडी ड्रम ठेवून घातपात करण्याचा डाव मोटरमनच्या सतर्कतेमुळे उधळला गेला आहे. सँडहर्स्ट रोड (Sandhurst Road) -भायखळा (Byculla) स्थानकादरम्यान एका अज्ञात व्यक्तीनं रुळावर 15 ते 20 किलो दगडानं भरलेला लोखंडी ड्रम ठेवला होता. मात्र प्रसंगावधान दाखवत मोटरमन अशोक शर्मा यांनी अर्जंट ब्रेक लावून लोकल थांबवली. अशोक शर्मा यांनी दाखवलेल्या प्रसंगावधानामुळं मोठा अनर्थ टळला. अशोक शर्मा यांच्या कृत्याचं सर्वच स्तरांतून कौतुक केलं जात आहे.  

दुपारी 3 वाजून 10 मिनिटांनी सीएसएमटीवरुन खोपोलीकडे जलद मार्गावरुन जाणारी लोकल रवाना झाली. ती पुढे जाऊन सँडहर्स्ट रोड स्थानकात थांबली. सँडहर्स्ट रोड स्थानकातून लोकल पुढे निघाल्यावर मोटरमनला रुळांवर काहीतरी दिसलं. संशयास्पद वाटल्यानं मोटरमननं अर्जंट ब्रेक लावून लोकल थांबवली. मोटरमन स्वतः लोकलमधून उतरुन त्या वस्तूजवळ गेले. तर तो मोठा ड्रम होता. आणि त्या ड्रममध्ये तब्बल 15 ते 20 किलोंचे दगड भरुन ठेवलेले होते. मोटरमनच्या प्रसंगावधानामुळं मोठा अनर्थ टळला. 

मिळालेल्या माहितीनुसार, मुंबईत लोकलसमोर रुळावर लोखंडी ड्रम ठेवून घातपात करण्याचा डाव होता. मोटरमनच्या सतर्कतेमुळे उधळला गेला आहे. सँडहर्स्ट रोड-भायखळा स्थानकादरम्यान एका अज्ञात व्यक्तीनं रुळांवर 15 ते 20 किलो दगडानं भरलेला लोखंडी ड्रम ठेवला होता. त्याचवेळी या मार्गावरुन दुपारी 3 वाजून 10 मिनिटांनी सीएसएमटीवरुन खोपोलीकडे जलद लोकल रवाना झाली. त्यावेळी सँडहर्स्ट रोड स्टेशन सोडताच मोटरमन अशोक शर्मा यांना रुळावर लोखंडी ड्रम दिसला. प्रसंगावधान दाखवत अशोक शर्मा यांनी अर्जंट ब्रेक लावून लोकल थांबवली. मोटरमन अशोक शर्मा स्वत: त्यानंतर रुळावर उतरले. त्यांना रुळावर लोखंडी ट्रम दिसला. ते त्या ड्रमजवळ पोहोचले तर त्या ड्रममध्ये 15 ते 20 किलो दगड भरल्याचं आढळून आलं. प्रवाशांच्या मदतीनं शर्मा यांनी तो ड्रम हटवला. शर्मा यांच्या समयसूचकतेमुळे मोठा अनर्थ टळला आणि प्रवाशांनी सुटकेचा निश्वास सोडला. या घटनेप्रकरणी अज्ञात व्यक्तीविरोधात पोलिसांत गुन्हा दाखल करण्यात आला आहे. 

महत्त्वाच्या इतर बातम्या :