Mumbai Corona Update : मुंबईत शनिवारी 840 रुग्णांची नोंद, 2051 कोरोनामुक्त

Mumbai Corona Update : बीएमसीने दिलेल्या आकडेवारीनुसार, शनिवारी मुंबईत 840 नव्या रुग्णांची भर पडली आहे.

Mumbai Corona Update

Mumbai Coronavirus Cases : मुंबईमध्ये मागील काही दिवसांत कोरोना (Corona) रुग्णसंख्येत चढ-उतार पाहायला मिळत आहे. कोरोना रुग्णांचा स्फोट मुंबईसह महाराष्ट्रात होत आहे. आज मुंबईत 840 रुग्णांची नोंद झाली आहे. वाढत्या आकडेवारीमुळे प्रशासनासह (Mumbai BMC) नागरिकांची चिंता वाढली आहे. मागील काही दिवसांपासून रुग्णसंख्या झपाट्याने वाढत आहे. 

मुंबई महानगरपालिकेने दिलेल्या आकडेवारीनुसार, मुंबईत शनिवारी 2051 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 10 लाख 72 हजार 963 वर पोहोचली आहे. त्यामुळे मुंबईचा रिकव्हरी रेट 97 टक्के इतका झाला आहे. तर मागील 24 तासांत तीन रुग्णांचा कोरोनामुळे मृत्यू झाला असून कोरोनामुळे मृत्यू पावलेल्यांची संख्या 19 हजार 594 झाली आहे. सध्या मुंबईत 12,043 रुग्ण आहेत. दरम्यान मुंबईत आढळलेल्या नव्या 840 रुग्णांमध्ये 748 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. रुग्ण दुपटीचा दर आणि सक्रिय रुग्णसंख्यादेखील वेगाने वाढत आहे. रुग्ण दुपटीचा दर 400 दिवसांवर गेला आहे.

#CoronavirusUpdates
25th June, 6:00pm

Positive Pts. (24 hrs) - 840
Discharged Pts. (24 hrs) - 2051

Total Recovered Pts. - 10,72,953

Overall Recovery Rate - 97%

Total Active Pts. - 12,043

Doubling Rate - 400 Days

Growth Rate (18th June- 24th June)- 0.167%#NaToCorona

— माझी Mumbai, आपली BMC (@mybmc) June 25, 2022

सर्वाधिक सक्रिय रुग्ण मुंबईत

राज्यात सर्वाधिक सक्रिय रुग्ण मुंबईममध्ये आहेत. मुंबईमध्ये 12043 सक्रिय रुग्ण आहेत. तर ठाण्यात 5836 सक्रिय रुग्ण आहेत. त्यानंतर पुण्यात 2868 सक्रिय रुग्ण आहेत. पालघर 802, रायगड 1177, रत्नागिरी 78, सिंधुदुर्ग 91, सातारा 51, सांगली 26, कोल्हापूर 44, सोलापूर 51, नाशिक 240, अहमदनगर 71, जळगाव 41, धुळे 13, औरंगाबाद 85, जालना 15, लातूर 65, परभणी 11, हिंगोली 16, नांदेड 23, उस्मानाबाद 39, अमरावती 22, अकोला 41, वाशिम 68, बुलढाणा 41, यवतमाळ 29, नागपूर 311, वर्धा 24, भंडारा 26, गोंदिया 10, गडचिरोली 33 आणि चंद्रपूरमध्ये 33 सक्रीय रुग्ण आहेत. इतर ठिकाणी सक्रिय रुग्णांची संख्या 10 पेक्षा कमी आहे. राज्यात एकूण 24333 सक्रिय रुग्ण आहेत.

राज्यातील कोरोनाच्या आकडेवारीत दिवसेंदिवस वाढ होताना दिसत  आहे. राज्यात आज 1728 नव्या रुग्णांची भर पडली आहे. तर आज दिवसभरात एकूण 2708 रुग्ण कोरोनामुक्त होऊन घरी परतले आहेत. आज नोंद झालेल्या रुग्णांपैकी सर्वाधिक रुग्ण हे मुंबईतील आहे. मुंबईत  आज सर्वाधिक म्हणजे 840 रुग्णांची भर पडली आहे.

संबंधित बातम्या