एक्स्प्लोर

Mumbai Corona Update : मुंबईत शनिवारी 266 रुग्णांची नोंद, 281 कोरोनामुक्त

Mumbai Corona Update : बीएमसीने दिलेल्या आकडेवारीनुसार, शनिवारी मुंबईत 266 नव्या रुग्णांची भर पडली आहे.

By : एबीपी माझा वेब टीम | Edited By: मंजिरी पोखरकर | Updated at : 23 Jul 2022 09:00 PM (IST)

Mumbai Corona Update

Mumbai Coronavirus Cases : मुंबईमध्ये मागील काही दिवसांत कोरोना (Corona) रुग्णसंख्येत चढ-उतार पाहायला मिळत आहे. कोरोना रुग्णांचा स्फोट मुंबईसह महाराष्ट्रात होत आहे. आज मुंबईत 266 रुग्णांची नोंद झाली आहे. वाढत्या आकडेवारीमुळे प्रशासनासह (Mumbai BMC) नागरिकांची चिंता वाढली आहे. मागील काही दिवसांपासून रुग्णसंख्या झपाट्याने वाढत आहे.

मुंबई महानगरपालिकेने दिलेल्या आकडेवारीनुसार, मुंबईत शनिवारी 281 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 11,01,181 वर पोहोचली आहे. त्यामुळे मुंबईचा रिकव्हरी रेट 98 टक्के इतका झाला आहे. तर मागील 24 तासांत एका रुग्णाचा कोरोनामुळे मृत्यू झाला असून कोरोनामुळे मृत्यू पावलेल्यांची संख्या 19 हजार 638 झाली आहे. सध्या मुंबईत 1,855 रुग्ण आहेत. दरम्यान मुंबईत आढळलेल्या नव्या 266 रुग्णांमध्ये 240 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. रुग्ण दुपटीचा दर आणि सक्रिय रुग्णसंख्यादेखील वेगाने वाढत आहे. रुग्ण दुपटीचा दर 2910 दिवसांवर गेला आहे.

#CoronavirusUpdates
23rd July, 6:00pm#NaToCorona pic.twitter.com/U6iZJybRzJ
— माझी Mumbai, आपली BMC (@mybmc) July 23, 2022

सर्वाधिक सक्रिय रुग्ण मुंबईत

राज्यात सर्वाधिक सक्रिय रुग्ण मुंबईममध्ये आहेत. मुंबईमध्ये 1855 सक्रिय रुग्ण आहेत. तर पुण्यात 4967 सक्रिय रुग्ण आहेत. त्यानंतर ठाण्यात 1016 सक्रिय रुग्ण आहेत. पालघर 155, रायगड 329, रत्नागिरी 48, सिंधुदुर्ग 72, सातारा 208, सांगली 180, कोल्हापूर 164, सोलापूर 329, नाशिक 688, अहमदनगर 460, जळगाव 64, धुळे 125, औरंगाबाद 314, जालना 180, बीड 59, लातूर 184, नांदेड 51, उस्मानाबाद 211, अमरावती 108, अकोला 82, वाशिम 241, बुलढाणा 214, यवतमाळ 91, नागपूर 1517, वर्धा 93, भंडारा 208, गडचिरोली 51 आणि चंद्रपूरमध्ये 119 सक्रीय रुग्ण आहेत. इतर ठिकाणी सक्रिय रुग्णांची संख्या 10 पेक्षा कमी आहे. राज्यात एकूण 14599 सक्रिय रुग्ण आहेत.

शनिवारी राज्यात दोन हजार 336 नव्या कोरोना रुग्णांची नोंद झाली आहे. तर पाच जणांचा मृत्यू झाला आहे. दिलासादायक बाब म्हणजे, राज्यात आज 2311 जणांनी कोरोनावर मात केली आहे.

संबंधित बातम्या