मुंबईत मनसे विभाग अध्यक्षावर धारदार शस्त्राने हल्ला

मुंबई : मुंबईतील महाराष्ट्र नवनिर्माण सेनेचे दिंडोशी विभाग अध्यक्ष अरुण सुर्वे यांच्यावर हल्ला करण्यात आला आहे. अज्ञातांनी सुर्वे यांच्या मानेवर आणि पाठीवर धारदार शस्त्राने वार केले.   चारकोप परिसरात आज दुपारी ही घटना घडली. या हल्ल्यात अरुण सुर्वे गंभीर जखमी झाले असून त्यांच्यावर कोकिलाबेन अंबानी रुग्णालयात उपचार सुरु आहेत.   दरम्यान, हल्ल्याचं कारण अद्याप समजू शकलेलं नाही. परंतु भाजप कार्यकर्त्यांनी हल्ला केल्याचा आरोप मनसे कार्यकर्त्यांनी केला आहे.