मुंबई महापालिकेच्या व्हर्च्युअल क्लासरुमच्या निविदेत भ्रष्टाचार; भाजपचा आरोप, विधिमंडळाच्या पायऱ्यांवर आंदोलन
मुंबई महापालिकेच्या (BMC) 480 शाळांमध्ये सुरू असलेल्या व्हर्च्युअल क्लासरुम (Virtual Classroom) चालवण्याबाबतची निविदेमध्ये मोठा भ्रष्टाचार झाल्याचा आरोप आमदार आशिष शेलार यांनी केलाय.
मुंबई : मुंबई महापालिकेच्या (BMC) 480 शाळांमध्ये सुरू असलेल्या व्हर्च्युअल क्लासरुम (Virtual Classroom) चालवण्याबाबतची निविदेमध्ये पादर्शकता दिसून येत नाही. यामध्ये मोठा भ्रष्टाचार झाल्याची तक्रार करीत या प्रकरणी चौकशी करण्याची मागणी मुंबई भाजपा अध्यक्ष आमदार आशिष शेलार (Ashish Shelar) यांनी पालिका आयुक्त इक्बाल सिंह चहल (Iqbal singh Chahal) यांच्याकडे केली आहे. या भ्रष्टाचाराचा आरोप करत सत्ताधारी भाजप आमदारांनी आज विधिमंडळाच्या पायऱ्यांवर आंदोलन देखील केलं.
कंपनीने दिलेले अनुभवाचे प्रमाणपत्र बोगस आणि खोटे
आमदार आशिष शेलार यांनी पालिका आयुक्तांना पत्र लिहित म्हटलं आहे की, सदर निविदेचा अभ्यास केल्यानंतर असे निदर्शनास येते की, या निविदेमध्ये घालण्यात आलेल्या अटी-शर्ती या एका विशिष्ट कंत्राटदाराला ही निविदा मिळावी म्हणून घालण्यात आल्या आहेत. ज्या कंपनीला हे काम देण्याचे प्रस्तावित करण्यात आले आहे, सदर कंपनीने दिलेले अनुभवाचे प्रमाणपत्र बोगस आणि खोटे असल्याचे दिसून येते आहे. त्याची महापालिकेच्या संबंधितांनी पडताळणी न करताच सदर कंपनीला काम प्रस्तावित केल्याचे दिसून येते आहे.
हे काम तांत्रिक असल्याने कामांचे तांत्रिक गुणांकन होणे अपेक्षित होते, मात्र तसे झालेले दिसून येत नाही. हे काम तांत्रिक आणि विद्यार्थ्यांच्या शैक्षणिक करिअरसोबत जोडलेले असल्यामुळे त्या विषयातील तज्ञ आणि तांत्रिक दृष्ट्या सक्षम असलेल्या कंपनीला हे काम मिळणे अपेक्षित होते. मात्र ज्या कंपनीला हे काम प्रस्तावित करण्यात आले आहे ती कंपनी तांत्रिकदृष्टया अद्ययावत आणि सक्षम नाही, असं शेलार यांनी पत्रात म्हटलं आहे.
'विद्यार्थ्यांच्या शैक्षणिक वर्षावरही परिणाम होऊ शकतो'
शेलार यांनी पत्रात म्हटलं आहे की, ज्या कंपनीला हे काम प्रस्तावित करण्यात आले आहे त्या कंपनीकडे सदर कामाचा कोणत्याही स्वरुपातील अनुभव असल्याचे दिसून येत नाही. त्यामुळे एकुणच कामाचा खेळखंडोबा झाल्यास त्याचा विद्यार्थ्यांच्या शैक्षणिक वर्षावरही परिणाम होऊ शकतो. सदर निविदेबाबत आयटी अधिकारी, शिक्षण विभागाचे अधिकारी ,तांत्रिक सल्लागार आणि सदर कंपनीचे अधिकारी यांच्यात वारवांर संभाषण झाल्याची माहिती उपलब्ध झाली आहे. अशा प्रकारचे संवाद का झाले? त्यांच्यात झालेले हे संवाद थेट भ्रष्ट्राचाराला खतपाणी घालणारे आहेत, त्याबाबतच्या तक्रारी आपल्याला तसेच लाचलुचपत विभागकडे ही करण्यात आल्याचे मला समजले असून ही बाब अत्यंत गंभीर आहे, असं त्यांनी पत्रात म्हटलं आहे.
'निविदा प्रक्रिया रद्द करुन या प्रकरणाची चौकशी करण्यात यावी'
पत्रात पुढं म्हटलं आहे की, तांत्रिक सल्लागारांच्या माध्यमातून हा भ्रष्टाचार झाल्याचे दिसून येत आहे. यामध्ये शिक्षण विभागातील अधिकारी, आयटी विभागातील अधिकारी आणि सदर कंपनी यांच्यामध्ये संगनमत झाले असेही दिसते आहे. त्यामुळे तातडीने ही निविदा प्रक्रिया रद्द करुन या प्रकरणाची चौकशी करण्यात यावी, तसेच फेर निविदा काढण्यात यावी अशी विनंती त्यांनी या पत्रात केली आहे. तसेच हा विषय महापालिका शाळांमधील गरीब विद्यार्थ्यांशी संबंधित असल्याने जर माझ्या या तक्रारीची दखल न घेतल्यास माझ्याकडे आलेली भ्रष्टाचाराची माहिती मला उघड करावी लागेल. त्यामुळे आपण या विषयाची गांभिर्याने दखल घ्यावी ही विनंतीवजा इशारा ही आमदार आशिष शेलार यांनी दिला आहे.
महत्त्वाच्या बातम्या
ट्रेंडिंग न्यूज
and tablets
