BMC Notice to Mumbai Metro : मुंबई मेट्रोनं कोट्यवधींचा मालमत्ता कर थकवला; 8 स्थानकांना महापालिकेची नोटीस

BMC Notice to Mumbai Metro : मुंबई मेट्रोनं कोट्यवधींचा मालमत्ता कर थकवला असून मेट्रोच्या 8 स्थानकांना महापालिकेनं नोटीस धाडली आहे.

BMC Notice to Mumbai Metro

BMC Notice to Mumbai Metro : मुंबई मेट्रोच्या आठ मेट्रो स्थानकांना महापालिकेनं नोटीस बजावलेली आहे. मुंबई मेट्रो 1 ने 2013 पासून कोट्यावधींचा मालमत्ता कर थकविला आहे. थकबाकीची रक्कम जमा केली नाही तर मालमत्तांचा पाणीपुरवठा खंडित करण्यात येणार आहे. तर, या करवाईनंतरही कर भरला नाही तर मलनिस्सारण वाहिनीही खंडित करण्याचा इशारा मुंबई महापालिकेनं दिला आहे. थकीत कराची रक्कम 21 दिवसांमध्ये भरण्याचे निर्देश या नोटीसमध्ये देण्यात आले आहेत. 

मेट्रोच्या नोटीस बजावलेल्या मालमत्तांमध्ये आझादनगर मेट्रो स्थानक (Azad Nagar Metro Station), डी. एन. नगर मेट्रो स्थानक (D N Nagar Metro Station), वर्सोवा मेट्रो स्थानक (Versova Metro Station), एलआयसी अंधेरी मेट्रो स्थानक (LIC Andheri Metro Station), पश्चिम द्रुतगती महामार्ग मेट्रो स्थानक (Western Express Highway Metro Station), जे. बी. नगर मेट्रो स्थानक (JB Nagar Metro Station), एअरपोर्ट रोड मेट्रो स्थानक (Airport Road Metro Station), मरोळ नाका मेट्रो स्थानक (Marol Naka Metro Station)  या आठ स्थानकांचा समावेश आहे. 

मुंबई महापालिकेच्या के-पूर्व आणि के-पश्चिम विभाग कार्यालयातील करनिर्धारण आणि संकलन विभागातील अधिकाऱ्यांनी आपापल्या हद्दीतील मुंबई मेट्रोच्या संबंधित मालमत्तांवर ही नोटीस चिकटवली आहे. यात के-पूर्वच्या हद्दीत सहा, तर के-पश्चिमच्या हद्दीतील पाच मालमत्तांचा समावेश आहे. 

मुंबई महापालिकेने कोणकोणत्या मेट्रो स्थानकांना नोटीस पाठवली?

आझादनगर मेट्रो स्थानक
डी. एन. नगर मेट्रो स्थानक 
वर्सोवा मेट्रो स्थानक
एलआयसी अंधेरी मेट्रो स्थानक
पश्चिम द्रुतगती महामार्ग मेट्रो स्थानक
जे. बी. नगर मेट्रो स्थानक
एअरपोर्ट रोड मेट्रो स्थानक
मरोळ मेट्रो स्थानक 

महत्त्वाच्या इतर बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह | ABP Majha