Baba Siddique Shot Dead Live Update : बाबा सिद्दिकींवर गोळीबार, जागेवरच मृत्यू; तीन व्यक्तींनी सहा गोळ्या झाडल्या
Baba Siddique Death Update : राष्ट्रवादीचे नेते बाबा सिद्दिकी यांच्यावर गोळीबार झाला असून त्यामध्ये त्यांचा मृत्यू झाला आहे.
LIVE
Background
Baba Siddique Bandra Firing Case Update : राष्ट्रवादीचे नेते आणि राज्याचे माजी मंत्री बाबा सिद्दिकी यांचा गोळीबारात मृत्यू झाला आहे. वांद्रे पूर्व परिसरातील खेरवाडी येथील आमदार झिशान सिद्दिकी यांच्या कार्यालयासमोरच हा गोळीबार झाला आहे. त्यामध्ये दोन जणांना ताब्यात घेतलं असून पोलिस याचा तपास करत आहेत.
बाबा सिद्दिकी यांच्यावर एकूण सहा गोळ्या झाडल्या असून त्यांचा जागेवरच मृत्यू झाला आहे. सत्ताधारी पक्षाच्या नेत्यावर भर रस्त्यामध्ये गोळीबार करण्यात आला आणि त्यामध्ये त्यांचा मृत्यू झाल्याने कायदा आणि सुव्यवस्थेवर प्रश्नचिन्ह उभे राहिले आहे.
बाबा सिद्दिकी यांना 15 दिवसांपूर्वीच जीवे मारण्याची धमकी आली होती. त्यानंतर त्यांना राज्य सरकारने वाय दर्जाची सुरक्षा प्रदान करण्यात आली होती. त्यानंतर आता त्यांच्यावर गोळीबार झाला आहे.
Baba Siddique Shot Dead : बाबा सिद्दिकींची मुंबईत गोळ्या झाडून हत्या, एकनाथ शिंदेंची पहिली प्रतिक्रिया, म्हणाले...
CM Eknath Shinde on Baba Siddique Shot Dead : अजित पवार गटाचे नेते बाबा सिद्दीकी यांची मुंबईतील वांद्रे परिसरामध्ये गोळ्या घालून हत्या करण्यात आली आहे. या बातमीने राजकीय वर्तुळात मोठी खळबळ माजली असून मुख्यमंत्री शिंदे यांनी या सगळ्यावर प्रतिक्रिया दिली आहे. ही केस फास्टट्रॅकमध्ये घेण्यात येणार असून आरोपींवर कठोर कारवाई करण्यात येणार असल्याचं मुख्यमंत्री शिंदे यांनी म्हटलं आहे.
Baba Siddique Shot Dead : 'दुर्दैवी, निषेधार्ह आणि वेदनादायी', बाबा सिद्दीकींच्या हत्येनंतर अजित पवारांची पहिली प्रतिक्रिया
Baba Siddique Shot Dead : अजित पवार गटाचे नेते बाबा सिद्दीकी यांच्या हत्येनंतर अजित पवारांची पहिली प्रतिक्रिया समोर आलेली आहे. दुर्दैवी, निषेधार्ह आणि वेदनादायी घटना असल्याचं म्हणत अजित पवारांनी यांच्याकडून दु:ख व्यक्त करण्यात आलं आहे. बाबा सिद्दीकी यांनी काही महिन्यांपूर्वीच अजित पवारांच्या राष्ट्रावादी प्रवेश केला होता. जवळपास 48 वर्ष काँग्रेसमध्ये काम करुन बाबा सिद्दीकी यांनी हाती घड्याळ घेतलं होतं. पण दसऱ्याच्या दिवशी (दि.12) रोजी मुंबईतील वांद्रे परिसरात गोळ्या झाडून बाबा सिद्दीकी यांची हत्या करण्यात आली.
Baba Siddique Shot Dead : बाबा सिद्दिकींची हत्या, जिगरी दोस्त संजय दत्त तातडीने लिलावती रुग्णालयात पोहोचला
Baba Siddique Shot Dead : बाबा सिद्दीकी यांच्या हत्येनंतर मोठी खळबळ माजली आहे. बाबा सिद्दीकी यांनी काही महिन्यांपूर्वीच अजित पवार गटात प्रवेश केला होता. पण दसऱ्याच्या दिवशी मुंबईतील वांद्रे परिसरातील त्यांचे पुत्र झिशान सिद्दीकी यांच्या कार्यालयासमोरच बाबा सिद्दीकी यांच्यावर गोळीबार करण्यात आला. गोळीबार झाल्यानंतर बाबा सिद्दीकी यांच्या लिलावती रुग्णालयात उपचार सुरु होते. पण उपचारादरम्यान त्यांचा मृत्यू झाला. त्यानंतर त्यांचा खास मित्र संजय दत्तही रुग्णालयात पोहचला.
Baba Siddique Shot Dead : बाबा सिद्दिकी यांच्या हत्येमागे लॉरेन्स बिश्नोई गँगचा हात असल्याचा संशय
बाबा सिद्दिकी यांच्या हत्येमागे एका बड्या गँगस्टरचा हात असल्याची माहिती सूत्रांनी दिली आहे. यामागे सलमान खान गोळीबार कनेक्शन असून बिश्नोई गँगचा त्यामागे हात असल्याचा संशय व्यक्त करत पोलिसांनी तपास सुरू केला आहे.
राष्ट्रवादीचे नेते आणि राज्याचे माजी मंत्री बाबा सिद्दिकी यांच्यावर आमदार झिशान सिद्दिकी यांच्या कार्यालयासमोरच गोळीबार करण्यात आला. त्यामध्ये बाबा सिद्दिकी यांच्या जागेवरच मृत्यू झाला. शनिवारी रात्री साडेनऊच्या सुमारास बाबा सिद्दिकी यांच्यावर तिघा अज्ञातांनी सहा गोळ्या झाडल्या.
Baba Siddique Firing: बाबा सिद्दिकींना 15 दिवसांपूर्वी धमकी
महत्त्वाच्या बातम्या
ट्रेंडिंग न्यूज
