Antilia | मनसुख हिरेन हत्या प्रकरणात सचिन वाझेने मुख्यमंत्री आणि गृहमंत्र्यांपासून लपवले होते सत्य
एएनआय अँटिलिया घटना आणि मनसुख प्रकरणाचा बारकाईने तपास करत आहे. एनआयए या प्रकरणाशी संबंधित कोणत्याही व्यक्तीची चौकशी करत आहे.
मुंबई : अँटिलिया प्रकरण आणि मनसुख प्रकरणाच्या तपासादरम्यान, या प्रकरणाशी कोणत्याही प्रकारे संबंध असलेल्या व्यक्ती आणि पोलीस अधिकाऱ्याचे बयान नोंदवले आहेत. आणि ही सर्व विधाने एनआयएने दाखल केलेल्या आरोपपत्राचा भाग आहेत.
याच प्रकरणात, एसीपी रँकच्या एका अधिकाऱ्याने एनआयएला आपल्या निवेदनात सांगितले की, 5 मार्चच्या रात्री सचिन वाझेने त्याला सांगितले की, मुख्यमंत्र्यांनी त्याला वर्षा बंगल्यावर भेटायला बोलावले आहे, त्यांना या प्रकरणाची माहिती द्यावी लागेल, त्यानंतर सचिन वाझे आणि मी वर्षा बंगल्यावर गेलो. एटीएस चीफ जयजीत सिंह आणि एसआयडी चीफ आशुतोष डुमरे तिथे आधीच उपस्थित होते. काही वेळात गृहमंत्री अनिल देशमुख सुद्धा तिथे आले. त्या बैठकीदरम्यान, मुख्यमंत्र्यांनी सचिन वाझे यांना अँटिलिया घटना आणि मनसुखच्या मृत्यूबद्दल विचारले, मुख्यमंत्र्यांना जाणून घ्यायचे होते की, अँटिलिया घटनेमागे दहशतवाद्यांचे षडयंत्र आहे का? त्यावर सचिन वाझे यांनी सांगितले की, अँटिलिया घटनेमागे कोणतेही दहशतवादी षडयंत्र नाही. याशिवाय, मनसुखचा मृत्यू आत्महत्या आहे, असे वाटते. पण, पोस्टमॉर्टम रिपोर्ट काय सांगतो ते पाहिले पाहिजे.
यानंतर तत्कालीन एटीएस प्रमुख जयजीत सिंह म्हणाले की, आम्ही दहशतवाद्यांचा कट नाकारू शकत नाही. तसेच मनसुखच्या मृत्यूचे कारण पोस्टमॉर्टममध्येच स्पष्ट होईल. यानंतर मुख्यमंत्र्यांनी सचिन वाझे आणि जयजीत सिंह यांना या प्रकरणाच्या अपडेट्सची माहिती देण्यास सांगितले. सुमारे 40 मिनिटांच्या बैठकीनंतर प्रत्येकजण निघून गेला. त्यानंतर वाझे यांनी मला सांगितले की त्यांना सीपीला कळवायचे आहे, यानंतर वाझे सुमारे अर्धा तास बोलले आणि नंतर प्रत्येकजण आपापल्या घरी गेले.
Antilia | अँटीलिया बाहेर स्फोटकांची गाडी का ठेवले याचा कारण स्पष्ट
5 मार्चला काय झालं?
मुंबई पोलिसांच्या एसीपी रँकच्या अधिकाऱ्याने एनआयएला दिलेल्या निवेदनात सांगितले की, 5 मार्च रोजी सकाळी 11.30 वाजता पोलीस स्टेशन गुन्हे शाखेच्या अधिकाऱ्याने मला माहिती दिली की मनसुख बेपत्ता आहे आणि मी हरवल्याची तक्रार लिहिण्याचा सल्ला दिला. मी दुपारी 12.30 च्या सुमारास मुंबई पोलीस मुख्यालय गाठले आणि गुन्हे शाखेचे डीसीपी प्रकाश जाधव यांना याबाबत माहिती दिली, ते त्यांच्या केबिनमधून बाहेर पडताच सीआययूच्या एका कॉन्स्टेबलने मला सांगितले की वाझे यांनी मला त्यांच्या केबिनमधून बाहेर पडताच त्यांच्या केबिनमध्ये बोलावले आहे, मी वाझेंना मनसुखच्या बेपत्ता होण्याबद्दल सांगितले. त्यावेळी वाझे यांनीही मनसुखचा भाऊ त्यांना काल रात्रीपासून फोन करत आहे आणि मनसुख कालपासून बेपत्ता असल्याचे सांगितले. त्यानंतर मी म्हणालो की तो खूप तणावाखाली आहे, म्हणून कदाचित त्याने फोन बंद केला असेल.
एसीपी पुढे म्हणाले की, आम्ही बोलत असताना वाझे यांना फोन आला, ज्यावर वाझे ओह ओके सारखे शब्द वापरून बोलत होते आणि फोन डिस्कनेक्ट झाल्यानंतर त्यांनी सांगितले की मनसुखचा मृतदेह ठाणे ग्रीकमध्ये आढळला आहे. मी वाझेला विचारले की हे कसे झाले असेल? त्यावर वाझेने सांगितले की तो खूप दबावाखाली होता, आत्महत्या केली असावी. यानंतर वाझे यांनी आपण सीपीला भेटणार असल्याचे सांगितले आणि केबिनमधून बाहेर पडले.
एसीपीने सांगितले की यानंतर वाझे यांनी डीसीपी प्रकाश जाधव यांना माहिती दिली. नंतर दोघेही (डीसीपी आणि एसीपी) जॉईंट कमिश्नर क्राइम मिलिंद भारंबे यांच्याकडे गेले आणि मनसुखच्या मृत्यूबद्दल सांगितले, त्यानंतर तिघेही त्यावेळचे पोलीस आयुक्त परमबीर सिंग यांच्याकडे गेले.
परमबीर यांनी वाझे आणि एसीपी यांना ठाण्याला पाठवलं
एसीपीने एनआयएला सांगितले की आमचे म्हणणे ऐकल्यानंतर परमबीर यांनी मला आणि वाझे यांना ठाणे येथे जावून अधिक माहिती गोळा करण्यास सांगितले. वाझेंनी मला सांगितले की तो माझ्या सरकारी कारमध्ये काहीकाळ पुढे जाईल, त्यानंतर तो त्याच्या खाजगी कारने जाईल कारण तिथं मीडिया आहे आणि त्याला त्यांच्यासमोर खाजगी कार वापरायची नव्हती.
यानंतर, तो त्याच्या खाजगी वाहनात शिफ्ट झाला, मी त्यांच्या मागे गेलो आणि कळव्याच्या हॉस्पिटलमध्ये पोहोचलो. हॉस्पिटलमध्ये आम्ही डीसीपी अविनाश अंबुरे यांना भेटलो आणि नंतर वाझे यांनी स्वतःची ओळख करून दिली आणि मनसुखच्या पोस्टमॉर्टमबद्दल बोललो.
डॉक्टरांनी वाझे यांना सांगितले की पोस्टमॉर्टम अद्याप सुरू झालेले नाही. परंतु, त्यांच्या शरीरावर कोणतेही चिन्ह दिसत नाहीत, प्रथमदर्शनी ही आत्महत्या किंवा धुमश्चक्रीचे प्रकरण असू शकते. डीसीपी अंबुरे यांनी सांगितले की त्यांच्या चेहऱ्यावर मास्क होता, त्यानंतर वाझे मनसुखच्या भावाला भेटले. त्यांनी सांगितले की तो बुडून मरू शकत नाही, त्याला पोहायला येते. आणि असेही सांगितले की त्याच्या शरीरावरुन मौल्यवान वस्तू गायब आहेत.
त्यानंतर डीसीपी अंबुरे यांनी वाझे यांना सांगितले की, मीडिया तुम्ही पोस्टमॉर्टमसाठी येथे आल्याच्या बातम्या चालवत आहेत. यामुळे विधानसभेत काहीही होऊ शकते, तुम्ही येथून निघून जा अन्यथा लो एण्ड ऑर्डरची समस्या उद्भवू शकते.
त्यानंतर वाझे कुठे गेले मला माहीत नाही, मी सहआयुक्त मिलिंद भारंबे आणि डीसीपी प्रकाश जाधव यांना फोनवरून माहिती दिली. आणि मी पुन्हा मुंबई पोलीस आयुक्त कार्यालयात आलो, थोड्या वेळाने मी माझ्या घरी जाण्यासाठी निघालो असताना रस्त्यात असताना मला वाझेंचा फोन आला आणि त्यांनी मला सांगितले की आम्हा दोघांना वर्षा बंगल्यावर जायचे आहे आणि या संदर्भात मुख्यमंत्र्यांना माहिती द्यायची आहे.
मी ताबडतोब सह आयुक्तांना याची माहिती दिली आणि त्यांनी मला जाऊन अपडेट देण्यास सांगितले. त्यानंतर मी वर्षा बंगल्यावर पोहोचलो.
महत्त्वाच्या बातम्या
