ZP Election Results 2021 : ओबीसी आरक्षणामुळं ZPमध्ये कोणत्या पक्षाच्या किती जागा रद्द झाल्या? वाचा सविस्तर
झेडपीच्या 85 जागांसाठी आणि पंचायत समितीच्या 144 जागांसाठी पोटनिवडणुकीसाठी काल मतदान पार पडले. आज या निवडणुकीचा निकाल लागणार आहे. आरक्षणामुळं कोणत्या पक्षाच्या किती जागा रद्द झाल्यात पाहुयात...
Maharashtra ZP Panchayat Samiti By-elections : राज्यात जिल्हा परिषद आणि पंचायत समितीच्या पोट निवडणुकीची रणधुमाळी सुरु आहे. काल झेडपीच्या 85 जागांसाठी आणि पंचायत समितीच्या 144 जागांसाठी पोटनिवडणुकीसाठी काल मतदान पार पडले. आज या निवडणुकीचा निकाल लागणार आहे. सहा जिल्ह्यात होत असलेल्या या पोटनिवडणुकांच्या निकालानंतर सत्तेच्या चाव्या कुणाकडे राहणार याची उत्सुकता मतदारांना आहे.
कोणत्या पक्षाच्या किती जागा रद्द झाल्या?
पालघर
जिल्हा परिषद 15
शिवसेना - 03
राष्ट्रवादी - 07
भाजप - 04
माकपची - 01
धुळे
जिल्हा परिषद - 15
भाजप 11
शिवसेना 02
काँग्रेस 02
नंदुरबार
जिल्हा परिषद 11
शिवसेना - 2
काँग्रेस - 2
भाजप - 7
अकोला
जिल्हा परिषद 14
वंचित : 06
वंचित समर्थित अपक्ष : 02
भाजप : 03
शिवसेना : 01
राष्ट्रवादी : 01
काँग्रेस : 01
वाशिम
जिल्हा परिषद 14
शिवसेना -01
काँग्रेस -01
राष्ट्रवादी - 03
भाजप - 02
वंचित बहुजन आघाडी 04
इतर - 02
अपक्ष - 01
नागपूर
जिल्हा परिषद 16
राष्ट्रवादी – 4
काँग्रेस - 7
शेकाप - 1
भाजप - 4
जिल्हा परिषद व पंचायत समित्यांच्या पोटनिवडणुकांसाठी 63 टक्के मतदान
धुळे, नंदुरबार, अकोला, वाशीम, नागपूर आणि पालघर या 6 जिल्हा परिषदांतील 84; तर त्यांतर्गतच्या 38 पंचायत समित्यांतील 141 रिक्तपदांच्या पोटनिवडणुकांसाठी आज प्राथमिक अंदाजानुसार सुमारे 63 टक्के मतदान झाले. सर्वोच्च न्यायालयाच्या निर्देशानुसार धुळे, नंदुरबार, अकोला, वाशीम, नागपूर आणि पालघर या 6 जिल्हा परिषदा व त्यांतर्गतच्या 38 पंचायत समित्यांतील नागरिकांच्या मागास प्रवर्गातील सदस्यांची पदे रद्द करण्यात आली होती. त्यामुळे या 6 जिल्हा परिषदेच्या 85 निवडणूक विभागांची आणि पंचायत समित्यांच्या 144 निर्वाचक गणांतील जागा रिक्त झाल्या होत्या. त्यापैकी धुळे जिल्हा परिषदेच्या एका आणि शिरपूर (जि. धुळे) पंचायत समितीच्या दोन; तर अक्कलकुवा (जि. नंदुरबार) पंचायत समितीच्या एका जागेवरची पोटनिवडणूक बिनविरोध झाली. उर्वरित जागांसाठी आज मतदान झाले. सर्व ठिकाणी उद्या (ता.6) सकाळी 10 वाजता मतमोजणी सुरू होईल. प्राथमिक माहितीनुसार जिल्हानिहाय झालेल्या मतदानाची टक्केवारी अशी: धुळे- 60, नंदुरबार- 65, अकोला- 63, वाशीम- 65, नागपूर- 60 आणि पालघर- 65. एकूण सरासरी- 63.
महत्त्वाच्या बातम्या
