Gondia News : उपराष्ट्रपतींसह राज्यपाल उद्या गोंदिया-भंडारा जिल्ह्याच्या दौऱ्यावर; मनोहरभाई पटेल जयंतीनिमित्त विविध कार्यक्रमांचे आयोजन

शिक्षण महर्षी स्वर्गीय मनोहरभाई पटेल यांच्या जयंतीनिमित्त उद्या गोंदिया-भंडारा जिल्ह्यात विविध कार्यक्रमांचे आयोजन करण्यात आले आहे. या कार्यक्रमाला उपराष्ट्रपतींसह राज्यपाल उपस्थित असणार आहे.

( Image Source :PTI File Photo )

Gondia News गोंदिया : शिक्षण महर्षी स्वर्गीय मनोहरभाई पटेल यांच्या जयंतीनिमित्त उद्या 11 फ्रेबुवारीला गोंदिया(Gondiya) भंडारा (Bhandara) जिल्ह्यात विविध कार्यक्रमांचे आयोजन करण्यात आले आहे. या कार्यक्रमाला  उपराष्ट्रपती जगदीप धनखड (Jagdeep Dhankhar), राज्यपाल रमेश बैस (Governor Ramesh Bais)  यांच्यासह मुख्यमंत्री एकनाथ शिंदे (Eknath Shinde), उपमुख्यमंत्री  देवेंद्र फडणवीस, उपमुख्यमंत्री अजित पवार (Ajit Pawar) आदींसह इतर प्रमुख नेते उपस्थित असणार आहे.

या प्रमुख पाहुण्यांच्या उपस्थितीत गोंदिया- भंडारा क्षेत्रांमध्ये प्राविण्य प्राप्त विद्यार्थ्यांच्या सत्कार समारंभ सोहळा संपन्न होणार आहे. या सोबतच बहुप्रतिक्षित असलेल्या मेडिकल कॉलेजचा भूमिपूजन सोहळा देखील पार पडणार आहे. उपराष्ट्रपती यांच्या दौऱ्यापूर्वी गोंदिया पोलिसांच्या वतीने चोख बंदोबस्त लावण्यात आला असून कार्यक्रमस्थळी दौऱ्याची तयारी आता अंतिम टप्प्यात पोहोचली आहे. 

प्राविण्य प्राप्त विद्यार्थ्यांचा सत्कार

शिक्षण महर्षी स्वर्गीय मनोहरभाई पटेल यांची जयंती दरवर्षी 9 फेब्रुवारीला साजरी करण्यात येते. मात्र काही काही कारणास्तव यंदा हीच जयंती 9 फेब्रुवारी ऐवजी 11 फेब्रुवारीला गोंदिया येथील एम. आय. ई. टी. कॉलेज, आणि  डि. बि. सायन्स कॉलेज परिसरात सकाळी 11 वाजताच्या सुमारास होणार आहे. या सोहळ्याला प्रमुख पाहुण्यांसह महाराष्ट्राचे मंत्री हसन मुश्रीफ, पालकमंत्री धर्मरावबाबा आत्राम यांच्यासह गोंदिया-भंडारा जिल्ह्यातील प्रमुख नेते उपस्थित राहणार आहेत. या कार्यक्रमांच्या निमित्याने सर्व यंत्रणा कामाला लागली असून या  कार्यक्रमाची तयारी अंतिम टप्प्यात आली आहे. या पार्श्वभूमीवर शहरातील वाहतूक व्यवस्थेत देखील मोठे बदल करण्यात आले आहेत. 

वाहतूक व्यवस्थेत मोठे बदल 

• 11 फेब्रुवारी 2024 ला  सकाळी 7 वाजता पासून ते संध्याकाळी 4 वाजतापर्यंत तात्पुरती स्वरूपात पर्यायी मार्गाने वाहतुक वळविण्यात आली आहे.
• बालाघाटकडून रावणवाडी मार्गे आमगाव कडे जाणारी जड-अवजड वाहतुक कोरणीघाट-चंगेरा-बनाथर-छिपिया- भद्रुटोला-कटंगटोला-बडेगाव-कामठा-कालीमाटी-आमगाव मार्गे वळविण्यात आली आहे.
• बालाघाटकडून गोंदिया ते तिरोडा कडे जाणारी जड-अवजड वाहतुक बालाघाट-खैरलांजी - परसवाडा टी पाईंट- करटी-तिरोडा या पर्यायी मार्गाने वळविली आहे.
• आमगावकडून गोंदिया ते तिरोडा कडे जाणारी जड-अवजड वाहतुक पतंगा चौक-कारंजा-गोरेगाव-कुऱ्हाडी बोदलकसा-सुकळी-सुकळीफाटा-तिरोडा या पर्यायी मार्गाने वळविली आहे.
• तिरोडाकडून गोंदिया ते गोरेगाव कडे जाणारी जड-अवजड वाहतुक तिरोडा-रामाणी लॉन-ढाकणी रोड-चुटीया-डव्वा टी पाईंट-गोरेगाव या पर्यायी मार्गाने वळविली आहे.

इतर महत्वाच्या बातम्या