LIVE UPDATES | पुणे विमानतळावर महिला प्रवाशाकडून वीस लाखाचे सोने जप्त

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा https://marathi.abplive.com/

महत्त्वाच्या हेडलाईन्सवर एक नजर...

1. एल्गार परिषद, कोरेगाव-भीमाच्या समांतर चौकशीचे शरद पवारांचे संकेत, जळगावमधील बैठकीत सूचना, तर आज राष्ट्रवादीच्या मंत्र्यांची महत्वाची बैठक
2. अयोध्येत नक्की जा, म्हणजे तुम्हाला हिंदुत्वाचं खरं रक्त समजेल, देवेंद्र फडणवीसांचा उद्धव ठाकरेंना टोला, तर सीएए, एल्गार प्रकरणावरुन शरद पवारांवर हल्लाबोल
3. मुख्यमंत्री झाल्यानंतर उद्धव ठाकरे पहिल्यांदाच कोकण दौऱ्यावर, नाणार प्रकल्पाबाबत मुख्यमंत्री काय बोलणार?, याकडे सर्वांचं लक्ष
4. सायन उड्डाण पुलाचं काम अद्याप बाकी, तांत्रिक कारणामुळे वाहतूक आजऐवजी उद्या सुरू होणार
5. प्रियंका गांधींच्या ट्वीटनंतर जामियातील अनेक व्हीडिओ उजेडात, तरुणांच्या हाती दगड असल्याचंही स्पष्ट, पोलिस कारवाईवरुन वातावरण तापण्याची शक्यता
6. कोरोनामुळे आतापर्यंत 1 हजार 765 जणांचा मृत्यू, भारतीय अर्थव्यवस्थेवरही परिणाम होण्याची शक्यता, अर्थतज्ज्ञांनी वर्तवला अंदाज

एबीपी माझा वेब टीम

23:22 PM (IST)  •  17 Feb 2020

बीडमधील सामजिक न्याय विभागाच्या इमारतीतील बोगस कामाची चौकशी करून दोषींवर कारवाई होणार, धनंजय मुंडे यांनी दिले चौकशीचे व कारवाईचे आदेश

21:50 PM (IST)  •  17 Feb 2020

पुणे : दुबईहून विमानाने पुण्यात आलेल्या एका महिला प्रवाशाकडून तब्बल 642 ग्रॅम वजनाचे व तब्बल वीस लाख रुपये किमतीची सोने केंद्रीय सीमाशुल्क विभागाच्या अधिकाऱ्यांनी जप्त केले. संबंधीत महिला भुकटीच्या स्वरुपात सोन्याची तस्करी करीत असल्याची माहिती पुढे आली आहे. मरिअम मोहम्मद सलीम शेख (रा. मुंबई)असे सीमाशुल्क विभागाच्या अधिकाऱ्यांनी ताब्यात घेतलेल्या महिलेचे नाव आहे. तिच्याविरुद्ध भारतीय सीमाशुल्क कायद्यानुसार गुन्हा दाखल केला आहे. रविवारी पहाटे चार वाजता लोहगाव विमानतळावर स्पाईसजेट कंपनीचे दुबईहून आलेले विमान उतरले. या विमानामध्ये एका महिला प्रवाशाकडे तस्करी केलेले सोने असल्याची खबर सीमाशुल्क विभागाच्या अधिकाऱ्यांना मिळाली. त्यानुसार, दुबईहून आलेल्या विमानातून उतरुन एक महिला प्रवासी गडबडीत विमानतळाबाहेर पडण्याच्या प्रयत्नात असल्याचे अधिकाऱ्यांच्या निदर्शनास आले.

21:01 PM (IST)  •  17 Feb 2020

परभणी : छत्रपती शिवाजी महाराजांच्या 390 व्या जयंती निमित्त परभणीच्या जिंतुर येथील जिजाऊ ब्रिगेडच्या वतीने 390 महिलांनी मशाल फेरी काढून शिवरायांना अभिवादन केले. मोठ्या संख्येने महिलांनी मशाल फेरी काढल्याने जिंतुर शहर उजळून निघाले होते.

20:10 PM (IST)  •  17 Feb 2020

मुंबई : गृहनिर्माण मंत्री जितेंद्र आव्हाड यांनी आज कामाटीपुरा परिसराला भेट देऊन या परिसराच्या पुनर्विकासाचा संदर्भातल्या आराखड्यासंदर्भात चर्चा केली. या भेटीदरम्यान सर्वच म्हाडाचे वरिष्ठ अधिकारी आणि कामाटीपुरा परिसरातील नागरिक उपस्थित होते.

20:12 PM (IST)  •  17 Feb 2020

धुळे महापालिकेच्या स्थायी समिती सभापतीपदी भाजपाचे नगरसेवक सुनिल बैसाणे, महिला बालकल्याण सभापतीपदी स्नेहल जाधव, महिला बालकल्याण उपसभापतीपदी रेखा सोनवणे यांची बिनविरोध निवड