बावनकुळेंकडे पाहून गडकरी म्हणाले, मी ज्या ज्या चुका केला त्या तुम्ही केल्या, जातीचे सेल उघडून फायदा नाही
सगळेजण आपल्या मुलासाठी तिकीट मागतात. मी माझ्या मुलाचा आग्रह धरत नाही. त्यामुळं अनेकांची पंचायत होते असं वक्तव्य केंद्रीय मंत्री नितीन गडकरी (Nitin Gadkari) यांनी केलं.
Nitin Gadkari : सगळेजण आपल्या मुलासाठी तिकीट मागतात. मी माझ्या मुलाचा आग्रह धरत नाही. त्यामुळं अनेकांची पंचायत होते असं वक्तव्य केंद्रीय मंत्री नितीन गडकरी (Nitin Gadkari) यांनी केलं. नेत्यांनी आपल्या मुलाप्रमाणे कार्यकर्यांवर प्रेम करावं. नेत्यांनी कार्यकर्त्यांना गुण-दोषासह स्वीकारावे असेही ते म्हणाले. या कार्यालयात माणूसपण कायम रहावं, अशी अपेक्षाही त्यांनी व्यक्त केली. तसेच मी चंद्रशेखर बावनकुळे (Chandrashekhar Bawankule) यांना सांगितलं की, मी ज्या ज्या चुका केला त्या तुम्ही केल्या. जातीचे सेल उघडून फायदा नाही. जातीचे सेल करुन कुठल्या जाती जुळल्या नाहीत असे गडकरी म्हणाले. नितीन गडकरी यांनी नागपूरमध्ये भाजपाचे कार्यकर्ते तसेच नेत्यांना संबोधित केले, यावेळी ते बोलत होते.
पक्षाची उद्दीष्ट पूर्ण करण्याचा आपण प्रयत्न करतोय
आपल्याला जगातला सर्वात मोठा पक्ष म्हणून आपल्याला मान्यता मिळाली आहे. या पक्षाची स्थापना करताना काही उद्दिष्टं आपण बाळगली होती. ती उद्दीष्ट पूर्ण करण्याचा आपण प्रयत्न करतो. या कार्यालयासाठी कम्युनिस्ट पार्टी आणि हिंदू महासभेचं कार्यालय आपण विकत घेतलं. गिरीश व्यास यांनी जागा दिली, असे गडकरी बोलताना म्हणाले. मुर्ख लोक घर बांधतात आणि शहाने लोक किरायाने राहतात. याचा उत्तम अनुभव या कार्यालयाच्या जागेतून किरायेदार खाली करताना आला. कार्यलय हे भाजपचं घर आहे, असं गडकरी म्हणाले.
दरम्यान, जुण्या आठवणी सांगाताना गडकरी म्हणाले की, आणीबाणीच्या काळात आम्ही या (भाजपा कार्यालयाचा) ईमारतीचा किराया दिला नाही. असंख्य कार्यकर्त्यांच्या बलीदानातून आज आपल्याला हा दिवस पहायला मिळाला. याची जाणीव आजच्या कार्यकर्त्यांना व्हायला हवी. मी बावनकुळे यांना सांगितलं, मी ज्या ज्या चुका केला त्या तुम्ही केल्या. जातीचे सेल उघडून फायदा नाही. जातीचे सेल करुन कुठल्या जाती जुळल्या नाही. ज्या जातीच्या नेत्याला आपण घेतलं, त्या लोकांना त्या जातीने स्वीकारलं नाही. आता मनपा निवडणुकीत आमच्या जातीला एवढे तिकीट द्या म्हणून लोक येतील, तेव्हा बावनकुळे यांना कळेल. माझ्यावर हे बेतले होतं, असा अनुभवही यावेळी गडकरी यांनी सांगितला.
भाजपचा कार्यकर्ता हीच आपली जात
दरम्यान, यावेळी बोलताना गडकरी म्हणाले की, भाजपचा कार्यकर्ता हीच आपली जात आहे. हे कार्यालय सामाजिक आणि आर्थिक परिवर्तनाचं केंद्र बनेल यासाठी प्रयत्न करावा. आपल्या अध्यक्षांनी आदेश दिला, की कार्यालयासाठी चेक ने पैसे द्यावे. आता चेकपेक्षा कॅश ने लोक पैसे देण्यास पसंती देतात. चेक ने पैसे द्यावे याचा अर्थ कमाईतला हिस्सा द्यावा. मी 25 लाखांचा चेक पाठवतो, अशी घोषणाही यावेळी गडकरी यांनी केली.
महत्वाच्या बातम्या:
ठाकरेंच्या खासदाराकडून भर सभागृहात नितीन गडकरींचं कौतुक, तुकोबांचा अभंगही गायला!
महत्त्वाच्या बातम्या
