एक्स्प्लोर

वडिलांनीच स्वत:च्या मुलाच्या हत्येची सुपारी दिली, सोलापुरातील घटना

वडिलांनीच स्वत:च्या मुलाच्या हत्येची सुपारी दिल्याची धक्कादायक घटना सोलापुरात घडली आहे. मुलगा घरात त्रास देत असल्याने वडिलांनी हे पाऊल उचललं. पोलिसांनी या प्रकरणी वडील आणि तीन मारेकऱ्यांना अटक केली आहे.

Written By : आफताब शेख, एबीपी माझा | Updated at : 15 Feb 2020 01:11 PM (IST)

Solapur Father hires contract killer to murder owne son, arrested वडिलांनीच स्वत:च्या मुलाच्या हत्येची सुपारी दिली, सोलापुरातील घटना

सोलापूर : घरात त्रास देणाऱ्या मुलाची हत्या करण्याची सुपारी खुद्द वडिलांनीच दिल्याची धक्कादायक घटना सोलापुरात उघडकीस आली आहे. शैलेश सुरेश घोंगडे असं मृताचं नावं आहे. 29 जानेवारीला सोलापुरातील कुंभारी हद्दीत पोलिसांना बेशुद्धावस्थेत एक तरुण आढळला होता. त्याला उपचारांसाठी रुग्णालयात दाखल केलं असता डॉक्टरांनी त्याला मृत घोषित केलं. तपासात वडिलांनीच शैलेशच्या हत्येची सुपारी दिल्याचं समोर आलं. या प्रकरणी पोलिसांनी वडील आणि तीन मारेकऱ्यांना अटक केली आहे. शैलेश घोंगडे घरात खूप त्रास देत होता. त्याच्या त्रासाला कंटाळून वडील सुरेश घोंगडे यांनी मुलाला मारण्यासाठी शेताच्या जवळ राहणाऱ्या शंकर वडजेला दोन लाख रुपयांची सुपारी दिली. सोलापुरातील एका हॉटेलमध्ये त्याच्या हत्येचा कट शिजला. 29 जानेवारी रोजी कुंभारी हद्दीत पोलिसांना शैलेश घोंगडे बेशुद्धावस्थेत सापडला होता. त्याच्या गळ्याभोवती खुणा आढळल्याने, त्याचा गळा आवळून हत्या केल्याची शंका पोलिसांना आली. त्यानुसार सोलापूर ग्रामी स्थानिक गुन्हे शाखेच्या पथकाने संशयितांची चौकशी केली. यामध्ये शैलेशचे वडील सुरेश घोंगडे यांनीच हत्येची सुपारी दिल्याचं उघड झालं. पोलिसांनी त्यांना ताब्यात घेऊन चौकशी केली असता त्यांनी सांगितलं की, "शैलेश घरी खूप त्रास देत होता. त्यामुळे शेताजवळ राहणाऱ्या शंकर वडजेला त्याच्या हत्येची सुपारी दिली." दरम्यान या प्रकरणी पोलिसांनी वडील सुरेश घोंगडे यांच्यासह शंकर वडजे, संजय राठोड, राहुल राठोड या तीन मारेकऱ्यांना अटक केली आहे. या चौघांना अक्कलकोट न्यायालयात हजर केल्यानंतर न्यायालयाने त्यांना 17 फेब्रुवारीपर्यंत पोलिस कोठडी सुनावली आहे.

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 15 Feb 2020 01:11 PM (IST)

Tags :

Contract Killer Solapur Murder Son Father