Uddhav Thackeray : उद्धव ठाकरे आज उत्तर महाराष्ट्राच्या दौऱ्यावर, धुळे-जळगावात ठाकरेंची तोफ धडाडणार

Uddhav Thackeray : शिवसेना ठाकरे गटाचे प्रमुख उद्धव ठाकरे हे आज उत्तर महाराष्ट्राच्या दौऱ्यावर येणार आहे. धुळे-जळगावमध्ये आज उद्धव ठाकरेंची तोफ धडाडणार आहे.

Uddhav Thackeray ( Image Source :PTI )

Uddhav Thackeray : लोकसभा निवडणुकीच्या (Lok Sabha Election 2024) पार्श्वभूमीवर राजकीय पक्षांनी सभांचा धडाका लावला आहे. प्रत्येक पक्षाकडून महाराष्ट्रात ठिकठिकाणी सभा घेत आपल्या उमेदवारांचा प्रचार केला जात आहे. या पार्श्वभूमीवर शिवसेना ठाकरे गटाचे पक्ष प्रमुख उद्धव ठाकरे (Uddhav Thackeray) हे आज धुळे जळगाव दौऱ्यावर येणार आहेत. 

आज दुपारी 3 वाजता उद्धव ठाकरे मुंबईकडून जळगावकडे रवाना होणार आहेत.  दुपारी 3.45 वाजता जळगाव येथे त्यांचे आगमन होईल.  दुपारी 3.45 वाजता जळगाव येथून हेलिकॉप्टरने उद्धव ठाकरे धुळ्याकडे रवाना होतील. 4.15 वाजता धुळे येथे त्यांचे आगमन होणार आहे. 

धुळे-जळगावात ठाकरेंची तोफ धडाडणार

आज 4.30 वाजता धुळे लोकसभेच्या काँग्रेसच्या उमेदवार डॉ. शोभा बच्छाव (Dr Shobha Bachhav) यांच्या प्रचारार्थ उद्धव ठाकरेंची सभा होणार आहे. त्यानंतर 5.15 वाजता उद्धव ठाकरे जळगावकडे रवाना होतील. सायंकाळी 6.00 वाजता जळगावचे ठाकरे गटाचे उमेदवार करण पवार (Karan Pawar) यांच्या प्रचारार्थ उद्धव ठाकरेंची सभा होणार आहे. या दोन्ही सभांमध्ये उद्धव ठाकरे नेमकं काय बोलणार? याकडे सर्वांचे लक्ष लागले आहे. 

धुळे-जळगावात अशी होणार लढत 

दरम्यान, धुळे लोकसभा मतदारसंघात महायुतीकडून भाजपने डॉ. सुभाष भामरे (Dr Subhash bhamare) यांना उमेदवारी दिली आहे. तर महाविकास आघाडीकडून काँग्रेसने डॉ. शोभा बच्छाव (Dr Shobha Bachhav) यांना निवडणुकीच्या रिंगणात उतरवले आहे. तर वंचित बहुजन आघाडीकडून (Vanchit Bahujan Aghadi) सेवानिवृत्त आयपीएस अधिकारी अब्दुल रहमान (Abdul Rehman) यांना उमेदवारी देण्यात आली होती. मात्र अब्दुल रहमान यांचा उमेदवारी अर्ज बाद झाला आहे. त्यामुळे धुळ्यात डॉ. सुभाष भामरे विरुद्ध डॉ. शोभा बच्छाव यांच्यात लढत होणार आहे. जळगाव लोकसभा मतदारसंघात भाजपकडून स्मिता वाघ (Smita Wagh) आणि शिवसेना ठाकरे गटाचे करण पवार (Karan Pawar) यांच्यात लढत होणार आहे. 

इतर महत्वाच्या बातम्या