मोठी बातमी : शरद पवारांकडून उद्याचा महाराष्ट्र बंद मागे, उद्धव ठाकरे लवकरच भूमिका जाहीर करणार
Sharad Pawar Maharashtra Bandh: बॉम्बे हायकोर्टाच्या आदेशानंतर उद्याचा महाराष्ट्र बंद मागे घेण्याचं आवाहन शरद पवारांनी केले आहे. वेळेअभावी सुप्रीम कोर्टात तातडीनं दाद मागणं शक्य नसल्याचं केलं स्पष्ट केले आहे.
मुंबई : राज्यातील महिला अत्याचारांच्या घटनांचा निषेध नोंदवण्यासाठी महाविकासआघाडीने (Maha Vikas Aghadi) उद्या महाराष्ट्र बंदची (Maharashtra Bandh) हाक दिली आहे. तर कोणत्याही राजकीय पक्षाला बंद करण्याची परवानगी नाही, बंद केल्यास कायदेशीर कारवाई करावी असे निर्देश मविआच्या बंदवरुन मुंबई हायकोर्टाचे (Bombay High Court) सरकारला दिले आहेत. त्यानंतर राष्ट्रवादी काँग्रेस शरद पवार गटाचे अध्यक्ष शरद पवार यांनी बंद मागे घेण्याचा निर्णय घेतला आहे.
शरद पवार म्हणाले, बदलापूर घटनेच्या पार्श्वभूमीवर उद्या (24 ऑगस्ट) राज्यव्यापी सार्वजनिक बंदचे आवाहन करण्यात आले होते. त्या दोन अजाण बालिकांवर झालेला अत्याचार हा अतिशय घृणास्पद होता. परिणामी समाजातील सर्व स्तरांतून याबाबतीत तीव्र लोकभावना उमटल्या. या बाबीकडे सरकारचे लक्ष वेधण्याचा हा प्रयत्न होता. हा बंद भारतीय राज्यघटनेच्या मुलभूत अधिकारांच्या कक्षेत होता. मात्र मुंबई उच्च न्यायालयाने सदर बंद घटनाबाह्य असल्याचा निर्वाळा दिला आहे. या निर्णयाविरूद्ध सर्वोच्च न्यायालयात तातडीने दाद मागणे वेळेच्या मर्यादेमुळे शक्य नाही. भारतीय न्यायव्यवस्था संविधानात्मक संस्था असल्याने संविधानाचा आदर राखून उद्याचा बंद मागे घ्यावा असे आवाहन करण्यात येते.
बदलापूर घटनेच्या पार्श्वभूमीवर उद्या दि. २४ ऑगस्ट २०२४ रोजी राज्यव्यापी सार्वजनिक बंदचे आवाहन करण्यात आले होते. त्या दोन अजाण बालिकांवर झालेला अत्याचार हा अतिशय घृणास्पद होता. परिणामी समाजातील सर्व स्तरांतून याबाबतीत तीव्र लोकभावना उमटल्या. या बाबीकडे सरकारचे लक्ष वेधण्याचा हा…
— Sharad Pawar (@PawarSpeaks) August 23, 2024
शरद पवार सकाळी 10 ते 11 या वेळेत पुतळ्यासमोर बसून वेदना व्यक्त करणार
शरद पवार उद्या सकाळी पुण्यात डॉक्टर बाबासाहेब आंबेडकर पुतळ्यासमोर बसणर आहे. एक तास बसून बदलापूर घटनेचा निषेध करणार आहे. सकाळी 10 ते 11 या वेळेत पुतळ्यासमोर बसून वेदना व्यक्त करणार आहे. शरद पवार होणार आंदोलनात प्रत्यक्ष सहभागी होणार आहे.
महाविकासआघाडी आता काय करणार?
महाविकास आघाडी यांनी महाराष्ट्र बंदच आवाहन केलं होतं. मात्र शरद पवार यांनी न्यायालयाचा मान राखत महाराष्ट्र बंद मागे घेण्याचा आवाहन केले आहे. सध्या तरी काँग्रेस पक्ष हा महाराष्ट्र बंद वर ठाम असून उद्धव ठाकरे सुद्धा या सगळ्या संदर्भात थोड्याच वेळात आपली भूमिका स्पष्ट करणार आहेत. उद्याचा बंद हा कुठल्याही राजकीय पक्षाचा बंद नाही बदलापूरच्या घटनेविरोधातला रोष म्हणून हा बंद आहे, अशी भूमिका महाविकास आघाडीतील घटक पक्षांची आहे.
काय म्हणाले हायकोर्ट?
राज्यातील महिला अत्याचारांच्या घटनांचा निषेध नोंदवण्यासाठी विरोध पक्षाने उद्या महाराष्ट्र बंदची हाक दिलीय. मात्र कोणत्याही राजकीय पक्षाला बंद करण्याची परवानगी नसल्याचं मुंबई उच्च न्यायालयाने म्हटलंय. जर कोणी बंद केला तर कारवाई करण्याचे निर्देश मुंबई उच्च न्यायालयाने सरकारला दिलेत. वकील गुणरत्न सदावर्तेंसह इतरांनी बंदविरोधात मुंबई उच्च न्यायालयात याचिका दाखल केली. आहे. बदलापुरातील अत्याचारप्रकरणानंतर मविआ आक्रमक झाली आहे. याचाविरोधात उद्या महाराष्ट्र बंदची हाक देण्यात आलेली आहे.
महत्त्वाच्या बातम्या
ट्रेंडिंग न्यूज
