राज्यातील 15 जिल्ह्यात लॉकडाऊनचा प्रभाव नाही, महसूलमंत्र्यांनी बोलवली जिल्हाधिकाऱ्यांची बैठक

या बैठकीला गृहमंत्री, आरोग्यमंत्री आणि वैद्यकीय शिक्षण मंत्री असणार उपस्थित राहणार आहे. आज दुपारी चार वाजता बैठक घेण्यात येणार आहे. 

बाळासाहेब थोरात

मुंबई : राज्यात लॉकडाऊन लावूनही काही जिल्ह्यात रुग्णसंख्या कमी झालेली नाही. या पार्श्वभूमीवर महसूल मंत्री बाळासाहेब थोरात यांनी पंधरा जिल्ह्यातील जिल्हाधिकाऱ्यांची  बैठक बोलावली आहे. बैठकीला गृहमंत्री, आरोग्यमंत्री आणि वैद्यकीय शिक्षण मंत्री असणार उपस्थित राहणार आहे.  आज दुपारी चार वाजता बैठक घेण्यात येणार आहे. 

बुलढाणा, कोल्हापूर, रत्नागिरी, सांगली, यवतमाळ, अमरावती, सिंधुदुर्ग, सोलापूर, अकोला,सातारा, वाशीम, बीड, गडचिरोली, अहमदनगर, उस्मानाबाद या पंधरा जिल्ह्याचा आढावा आजच्या बैठकीत घेण्यात येणार आहे. 

        

जिल्हा	कालची रुग्ण संख्या	अॅक्टिव्ह रुग्ण
बुलढाणा	1146	5088
कोल्हापूर	1069	14232
रत्नागिरी	391	8082
सांगली	1317	16923
यवतमाळ	600	4204
अमरावती	1473	10685
सिंधुदुर्ग	296	3987
सोलापूर	1597	19783
अकोला	652	6430
सातारा	1720	18942
वाशीम	493	4085
बीड	978	10463
गडचिरोली	253	2057
अहमदनगर	2236	18976
उस्मानाबाद	728	6692

 

गुरुवारी राज्यात 47,371 रुग्ण बरे होऊन घरी तर 29,911 नवीन रुग्ण

राज्यात गेल्या काही दिवसांपासून कोरोना उतरणीला लागला आहे. दैनंदिन येणाऱ्या आकडेवारीत रोजच्या रुग्णवाढीपेक्षा बरे होऊन घरी जाणाऱ्या रुग्णांची संख्या जास्त होत आहे. यामुळं मोठा दिलासा मिळत आहे. काल 47,371 रुग्ण बरे होऊन घरी गेले आहेत तर 29,911 नवीन रुग्णांचे निदान झाले आहे.  आजपर्यंत एकूण 50,26,308 कोरोना बाधित रुग्ण बरे झाले आहेत. यामुळं राज्यातील रुग्ण बरे होण्याचे प्रमाण (Recovery Rate) 91.43% एवढे झाले आहे. राज्यात आज 738 कोरोना बाधित रुग्णांच्या मृत्यूंची नोंद झाली आहे.  सध्या राज्यातील मृत्यूदर 1.55% एवढा आहे.