पालकमंत्रीपदासाठी हट्ट करणे म्हणजे मंत्र्यांचा हावरटपणा आणि आचरटपणा, एकनाथ खडसेंचा टोला
पालकमंत्रीपदासाठी हट्ट करणे म्हणजे मंत्र्यांचां हावरटपणा आणि आचरटपणा असल्याची टीका राष्ट्रवादी काँग्रेस शरद पवार गटाचे नेते आणि आमदार एकनाथ खडसे (Eknath Khadse) यांनी केली.
Eknath Khadse : पालकमंत्रीपदासाठी हट्ट करणे म्हणजे मंत्र्यांचां हावरटपणा आणि आचरटपणा असल्याची टीका राष्ट्रवादी काँग्रेस शरद पवार गटाचे नेते आणि आमदार एकनाथ खडसे (Eknath Khadse) यांनी केली. मंत्रीपद मिळाल्यानंतरही याच जिल्ह्याचे पालकमंत्रीपद मिळावं यासाठी आग्रह धरला जात आहे. हे हावरटपणाचं लक्षण असल्याचे खडसे म्हणाले. ते आज जळगावमध्ये प्रसारमाध्यमांशी बोलत होते.
एस टी च्या भाववाढीचा खडसेंनी केला निषेध
एस टी च्या भाववाढीचाही एकनाथ खडसे यांनी निषेध केला आहे. ही भाववाढ म्हणजे सर्व सामान्य जनेतेच्या खिशाला कात्री लावण्याचा प्रकार असल्याचे खडसे म्हणाले. भाव वाढ करण्याऐवजी सरकारनं एस टी महामंडळाचा तोटा सहन करायला हवा होता. एस टी खरेदीमध्ये मोठ्या प्रमाणात भ्रष्टाचार असल्याचा आरोपही एकनाथ खडसे यांनी केला आहे.मंत्री गुलाबराव पाटील यांच्या समवेत जेवण घेतल्या संदर्भात खडसे यांनी अधिक न बोलता नियोजनाच्या बैठकीत जिल्ह्याच्या विकाससाठी अधिक निधी मिळायला हवा अशी प्रतिक्रिया दिली आहे. आता काम सरो वैद्य मरो अशी स्थिती आहे. हळूहळू सगळ्याच गोष्टींमध्ये वाढ होईल असे खडसे म्हणाले. एसटीमधील वाढ म्हणजे गरीब माणसांच्या खिशाला झळ असल्याचे खडसे म्हणाले.
काम करणारा माणूस असल्यावर त्याला गरीब आणि श्रीमंत जिल्हा म्हणायची काय गरज?
राष्ट्रवादी काँग्रेस अजित पवार गटाचे आमदार नरहरी झिरवाळ यांनी केलेल्या वक्तव्यार देखील एकनाथ खडसे यांनी प्रतिक्रिया दिली. काम करणारा माणूस असल्यावर त्याला गरीब आणि श्रीमंत जिल्हा म्हणायची काय गरज आहे? असा सवाल एकनाथ खडसे यांनी केला आहे.
महायुती सरकारमध्ये पालकमंत्रीपदावरुन खदखद
महायुती सरकारमध्ये पालकमंत्रीपदाचे वाटप करण्यात आल्यानंतर खदखद सुरू झाली आहे. ही खदखद पहिल्यांदा रायगड आणि नाशिक मध्ये उफाळून आली होती. त्यानंतर कोल्हापूरमध्ये सुद्धा पालकमंत्रीपदावरून ठिणग्या पडण्यास सुरुवात झाली आहे. कोल्हापूरमध्ये सार्वजनिक आरोग्य मंत्री शिवसेनेचे प्रकाश आबिटकर यांना पालकमंत्रीपदाची संधी मिळाली आहे. आबिटकर यांना पालकमंत्रीपद मिळाल्याने राष्ट्रवादी काँग्रेसचे ज्येष्ठ नेते वैद्यकीय शिक्षण मंत्री हसन मुश्रीफ यांची मात्र नाराजी लपून राहिलेली नाही. दुसरीकडे प्रकाश आबिटकर यांना संधी मिळाल्याने शिवसेना नेते राजेश क्षीरसागर यांचीही जाहीर व्यक्त करण्याची मालिका सुरुच आहे.
महत्वाच्या बातम्या:
Kolhapur Guardian Minister : मुश्रीफ म्हणाले, कोल्हापूर जिल्ह्यातील लोकांच्या मनातील मीच पालकमंत्री, तिकडं क्षीरसागरांची सुद्धा खदखद काही केल्या थांबेना!
महत्त्वाच्या बातम्या
ट्रेंडिंग न्यूज
