Raj Thackeray : ठाण्यातील राड्यानंतर राज ठाकरे नव्या मोहीमेवर निघणार, मराठवाड्यानंतर आता विदर्भ पिंजून काढणार
Raj Thackeray : मराठवाड्यानंतर मनसे अध्यक्ष राज ठाकरे हे येत्या 20 ऑगस्टपासून विदर्भाच्या दौरावर असेल, अशी माहिती महाराष्ट्र नवनिर्माण सेनेचे सर्वेसर्वा राज ठाकरे (Raj Thackeray) यांनी दिली आहे.
Maharashtra Politics मुंबई : आगामी विधानसभा निवडणुकीच्या (VidhanSabha Election 2024) पार्श्वभूमीवर मनसे (MNS) चांगलीच तयारी करत आहे. मनसे आगामी विधानसभा निवडणूक ही स्वबळावर लढवणार आहे. या पार्श्वभूमीवर मनसे अध्यक्ष राज ठाकरे (Raj Thackeray) हे महाराष्ट्र दौरा करत आहेत. नुकताच मराठवाडा दौरा राज ठाकरे यांनी केलाय. यानंतर आता मनसे अध्यक्ष विदर्भ दौरा करणार आहे. मराठवाड्यानंतर राज ठाकरे हे येत्या 20 ऑगस्टपासून विदर्भाच्या दौरावर असेल, अशी माहिती महाराष्ट्र नवनिर्माण सेनेचे सर्वेसर्वा राज ठाकरे (Raj Thackeray) यांनी दिली आहे. त्यामुळे विधानसभेसाठी विदर्भात मनसे शड्डू ठोकणार का? याकडे आता सऱ्यांचे लक्ष लागले आहे.
कशी असेल महाराष्ट्र नवनिर्माण सेनेची नवनिर्माण विदर्भ यात्रा?
20 ऑगस्ट रोजी मनसे अध्यक्ष राज ठाकरे मुंबईहून नागपूरला रेल्वेने रवाना होतील.
21 ऑगस्ट रोजी मतदारसंघ निहाय्य बैठकीचे आयोजन करण्यात आले आहे.
22 ऑगस्ट रोजी नागपूर ते भंडारा, भंडारा ते गोंदिया येथे निरीक्षक व पदाधिकारी यांचे बैठक घेतील.
23 ऑगस्टला गोंदिया गडचिरोली आणि चंद्रपूर येथे निरीक्षक पदाधिकारी यांचे बैठक घेतील.
24 ऑगस्टला वणी ते वर्धा असा दौरा असेल.
25 ऑगस्ट ला अमरावती ते वाशिम असा दौरा राज ठाकरे करतील.
26, 27 ऑगस्टला अकोला बुलढाणा असा हा दौरा असेल.
विदर्भदौऱ्यातही उमेदवारांची घोषणा होणार?
आगामी विधानसभा निवडणुकीत सर्वच जागांवर मनसे तयारी करत आहे. यासाठी मनसे नेत्यांनी सर्व जागांची चाचपणी करून या संदर्भात मनसे अध्यक्ष यांना आढावा देखील दिलेला आहे. यानंतर मनसे अध्यक्ष राज ठाकरे यांचा हा राज्यभर दौरा होतोय. दरम्यान, मनसेने आतापर्यंत चार जागांवर आपले उमेदवार जाहीर केले आहेत. राज ठाकरे हे मराठवाडा दौऱ्यावर असताना आपल्या चार उमेदवारांची घोषणा ही महाराष्ट्रातील वेगवेगळ्या विधानसभा मतदारसंघांमध्ये त्यांनी केलीय. त्यामुळे आगामी विदर्भ दौऱ्यात देखील काही उमेदवारांची घोषणा होण्याची शक्यता आहे.
मनसेचा दौरा चांगलाच गाजला
राज ठाकरे मराठवाडा दौऱ्यावर असताना अनेक ठिकाणी त्यांनी घेतलेले प्रेस कॉन्फरन्स आणि दौऱ्यानिमित्ताने काही लोकांनी केलेले आंदोलन यामुळे राज ठाकरे यांचा दौरा चांगलाच गाजला. त्यामुळे आता आगामी विदर्भ दौऱ्यात देखील काय घडामोडी घडतात हे देखील पाहणं महत्त्वाचं ठरणार आहे
इतर महत्वाच्या बातम्या
महत्त्वाच्या बातम्या
